Sport
LIGA E PARË: SUPERDERBI SHKËNDIJA – STRUGA TL PËRFUNDOI ME BARAZIM
Tre fitore të vendasve dhe tre barazime me gjithsejtë 15 gola të shënuar është epilogu ndeshjeve të xhiros së 11-të dhe të fundit të rrethit të parë në elitën e futbollit vendor. Lider në rrethin e parë kampionatit 2024/2025 është ekipi i Rabotniçkit me 23 pikë
Në stadiumin e qytetit në Tetovë në praninë e një numri të konsiderueshëm të tifozëve vendas, ndeshja derbi mes Shkëndijës dhe kampionit në fuqi Struga Trim u mbyll me rezultat të barabartë 1-1. Në pjesën e parë skuadra vendase ishte superiore krijoi raste por arritën të shënon vetë një nga penaltia të cilën e realizoi Besart Ibraimi. Trajnerët e ekipeve Jeton Beqiri i Shkëndijës dhe Qatip Osmani i Struga Trim Lum pas ndeshjes shprehën keqardhje për rastet e dështuara.
“Mendoj se nuk e menaxhuam lojën si duhet pas rezultatit 1:0, gabuam në shumë situata, duke i dhënë Strugës shumë mundësi kur ne ishim në posedim të topit. Disa goditje standarde të cilat u’a dhuruam vetëm. Ndjej keqardhje për situatën se si nuk e menaxhuam mirë dhe si nuk ishim më syçelë në ato goditje standard. Nuk lejohet në ndeshje si kjo të pranohet gol nga ato situata të cilat ne i kemi analizuar.” deklaroi Jeton Beqiri trajner i KF Shkëndija
Kampioni në fuqi Struga Trim Lum në këtë pjesë të sezonit vjeshtor nuk ka qenë formën e dëshiruar prandaj trajneri Qatip Osmani tha se pas disfatës katastrofale kundër Sileksit edhe një pikë e fituar kundër Shkëndijës është e madhe.
Fitore në këtë xhiro ka shënuar Shkupi kundër Tikveshit në Çair 3-1. Autor të golave ishin Kadriu 2 gola dhe Avornio ndërsa golin e nderit për mysafirët e shënoi Spahiu. Gostivari në stadiumin “Boris Trajkovski” të Maxharit mundi AP Brera me rezultat të thellë 4-1. Besa e Dobërdollit në Kratovë ka humbur nga Sileksi me rezultat 2:0. Në Ohri, Voska Sport barazoi me Pelisterin 1:1 në Ohër. Derbi i mes Vardarit dhe Rabotniçki ka përfunduar me barazim pa gola 0-0. Pas përfundimit të rrethit të parë të kampionatit kryeson Rabotniçki me 23 pikë e ndjekur nbga Shkëndija, Sileksi dhe Gostivari që kanë nga 20 pikë.
Në ndeshjen e xhiros së 25-të në Ligën e Parë të futbollit, në Tetovë, Shkëndija zhgënjeu tifozët duke pësuar humbje nga Pelisteri me rezultatin 2 me 1.
Shkëndija bëri një hap prapa në betejën për titullin kampion. Në Tetovë, Pelisteri, mbase shfrytëzoi ditën e keqe të tetovarëve dhe kthehet me tri pikë në Manastir.
Padyshim se suksesit të Pelisterit më së shumti I gëzohen tifozët e Vardarit duke marrë parasysh rivalitetin mes dy skuadrave për titullin kampion.
Ndryshe, në ndeshjen e sotme në Tetovë, të parët avancuan mysafirët me golin e Spirovskit në minutën e 37-të, kurse barazoi Besart Ibraimi në minutën e 43.
Vlen të përmendet se Ibraimi golin e tij të sotëm ia kushtoi bashkëlojtarit Reshat Ramadani i cili pësoi një dëmtim të rëndë në ndeshjen me përfaqësuesen e Maqedonisë së Veriut në Irlandë.
Kur pritej që Shkëndija në pjesën e dytë ta tregojë në vepër cilësinë dhe domininimin, krahas shumë rasteve, në minutat shtesë të ndeshjes, Pelisteri, përmes Kerimit shënoi edhe golin e dytë dhe të fitores në Tetovë.
Pavarësisht humbjes do të vazhdojë “beteja” për titullin kampion, pasi edhe rezultati I ndeshjes së sotme në Tetovë, por edhe fitorja e Arsimit ndaj Vardarit dëshmojnë se sa e paparashikueshme është Liga e Parë e futbollit.
Gjithashtu edhe “lufta” për ekzistencë ka për të qenë mjaft dinamike, me cka priten edhe ndeshja interesante dhe vendimtare deri në fund të kampionatit.
Në Euroligën e basketbollit në kategorinë e meshkujve janë zhvilluar ndeshjet e raundit të 35-të të sezonit 2025/2026. Tabelën e kryesojnë Olimpiakosi dhe Fenerbahçe me nga 23 fitore e 12 humbje
Shtatë fitore të skuadrave vendase dhe tre të atyre mysafire është epilogu i ndeshjeve të raundit të 35-të në Euroligën e basketbollit në kategorinë e meshkujve .
Baskonia ishte surpriza e madhe e javës së 35-të pasi para tifozëve vendas mundi Real Madridin me rezultatin e ngushtë 98-96 . Për Baskomian ishte kjo fitorja e 18 sezonale, ndërsa për Realin ishte disfata e 13 sezonale
Madridin ishte fitorja e vendit të 18-të kundër vendit të 3-të në renditje, por jo vetëm kaq por i pengoi madrilenët të merrnin kreun pasi kryesuesit Fenerbahçe u mund nga Bajerni të mërkurën. Si rrjedhojë përfiton Olimpiakos, që fitoi ndaj Lionit dhe merr kreun në bashkëshoqërim me Fenerbahçen. Fitore surprizë ka shënuar edhe skuadra gjermane Bajerni ndaj kryesuesit ekipit Fenerbahçe me rezultat 85-76. Tre skuadrat që kanë regjistruar fitore në transfertë janë Olympiakosi, Partizani dhe Valencia, ndërsa në të gjitha duelet tjera fitues dolën me meritë skuadrat vendase.
Pas kompletimit të raundit të 35-të renditjen e kryesojnë Olimpiakosi dhe Fenerbahçe me nga 23 fitore e 12 humbje para Real Madridit dhe Valencias që kanë nga 22 fitore e 13 humbje ndërsa në pozitën e pestë dhe të gjashtë janë Hapoel Tel Aviv dhe Zalgiris Kaunas me nga 21 fitore e 14 disfata
Rezultatet e Raundit të 35-të
Baskonia – Real Madrid 98 – 96
Virtus Bologna – Valencia 81 – 94
Lyon Villeurbanne – Olympiakos 74 – 82
Maccabi Tel Aviv – Anadolu Efes 103 – 89
Paris – Milano 103 – 93
Crvena Zvezda – Partizan 82 – 89
Dubai – Monaco 101 – 91
Hapoel Tel-Aviv – Panathinaikos 92 – 88
Zalgiris Kaunas – Barcelona 83 – 71
SHABAN SINANI TV KOHA
Kryetari i Federatës së Kik Boksit të Kosovës, Fatmir Makolli, nderohet me Medaljen Presidenciale të Meritave për kontributin në sport. Gjatë një prononcimi për Tv Koha, Makolli ka folur edhe për sfidat me të cilat përballet sporti i Kikboksit.
Fatmir Makolli është nderuar me Medaljen Presidenciale të Meritave nga Presidentja e Kosovës, Vjosa Osmani, për kontributin e tij të jashtëzakonshëm në sportin e Republikës së Kosovës, veçanërisht në kick-box.
‘’Për mua kjo mirënjohje ka qenë një nderë i madh që më është bë dhe punës time dhe rrugës time. Rrugëtimin tim që e kam bë në sport kjo në fund u kurorëzua me këtë medalje dhe besoj që unë kam qenë shumë i nderuam dhe jam i priveligjuar që kam arrit ta kem këtë medalje prej presidentes. Gjithashtu kisha falënderua shumë presidenten për këtë çmim që ma ka nda dhe besoj që kjo tregon që unë 50 vite merrem me sport dhe ia kam kushtua sportit . Besoj që kjo u kurorëza në fund me këtë mirënjohje’ ’ deklaroi Fatmir Makolli
Duke marrë parasysh se sportet luftarake paraqesin sinonim të suksesit sportiv, sipas Makollit sfida kryesore mbetet që Kosova sa më denjësisht të prezantohet në arenën ndërkombëtare.
‘’Me të thënë të drejtën, tani ne nuk kemi shumë sfida, se dihet neve na përkrah gjithmonë ministria e sportit, shteti, e kemi përkrahjen dhe besoj se në arenën ndërkombëtare ku e përfaqësojmë vendin tonë, flamurin tonë dhe shtetin tonë, besoj se ka vend edhe me i pas kushtet edhe më të mira. Besoj që në të ardhmen do t`i kenë sportistët tonë dhe do të na përfaqësojnë sa ma denjësisht në arenën ndërkombëtare’’ tha Fatmir Makolli
Fatmir Makolli, ndër vite, ka dhënë një kontribut të jashtëzakonshëm në sportin e Republikës së Kosovës, fillimisht si garues, veçanërisht gjatë periudhës së gjeneratës së sakrificës në vitet ’90.
Pas luftës, ai vazhdoi angazhimin e tij në sport si kryetar i Federatës së Kick-Box-it të Kosovës, detyrë të cilën e ushtron edhe sot.
NDOTET LUMI VARDAR, KOMUNA E GOSTIVARIT NIS HETIMET PËR ZBULIMIN E AUTORIT
Studentët kërkojnë mbështetje për protestën: Jurisprudenca edhe në shqip
Ilaçi palbociklib do të jetë së shpejti në dispozicion në Onkologji, për dy javë thirrja për vitin 2026-2027
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota1 week ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”