Connect with us

Lajme nga vendi

ESHR ka konstatuar parregullësi serioze në funksionimin e SHA Posta e Maqedonisë së Veriut

Published

on

Humbjet e vazhdueshme reflektojnë negativisht në veprimtarinë aktuale dhe të ardhshme të shoqërisë, nuk lejojnë zhvillimin e saj dhe vënë në pikëpyetje çështjen e veprimtarisë efikase, të përhershme, të rregullt dhe cilësore si operator publik në trafikun postar të brendshëm dhe ndërkombëtar, theksohet në raportin përfundimtar të revizionit të publikuar sot nga Enti Shtetëror për Revizion të SHA për komunikacion postar Posta e Republikës së Maqedonisë së Veriut në pronësi shtetërore Shkup.

Në përputhje me raportin e revizionit shoqata është në pozitë të pafavorshme financiare duke filluar që nga viti 2017, me humbje të vazhdueshme nga punimet, ndërsa humbja më e madhe në vlerë prej 229.883 mijë denarë ose 3.726.000 euro është raportuar në vitin 2022.

“Shoqata përballet me një borxh të madh në bazë të huave, kredive dhe interesin e përllogaritur, të cilat nuk shërbehen në kohën e duhur, gjë që përkeqëson më tej situatën financiare dhe çrregullon likuiditetin. Gjithsej obligimet për huatë dhe kreditë afatshkurtra në fund të vitit 2023 janë 219.650 mijë denarë, ndërsa i referohen një kredie afatshkurtër të marrë nga MEPSO – SHA për bartje të energjisë elektrike në vlerë prej 100.000 mijë denarë dhe dy kredi afatshkurtër nga bankat afariste në vlerë të përgjithshme prej 119.650 mijë denarë. Për kreditë e skaduara dhe të papaguara në vitin 2024, sipas raportit është llogaritur kamatë ndëshkimore kontraktuale prej 24.45 për qind ose 6.7 milionë denarë, gjegjësisht 109.000 euro”, theksohet në raport.

Gjatë vitit 2023 u kthye një kredi afatshkurtër në vlerë prej 40.000 mijë denarë e cila është aprovuar në vitin 2022, ndërsa është aprovuar një kredi tjetër nga një bankë afariste në vlerë prej 32.500 mijë denarë e cila duhet të shlyhet në fund të vitit 2024.

Në raport nënvizohet se të gjitha kreditë e mara hua janë me interes të lartë e cila lëviz në interval prej 4.8 për qind deri në 6.25 për qind.

Advertisement

Revizorët bënë një analizë të cilësisë së shërbimeve të mbuluara me shërbimet universale dhe kanë konstatuar dorëzimin e parakohshëm të dërgesave. Në vitin 2023, 59.7 për qind e dërgesave janë dorëzuar në ditën e parë, përderisa 30.5 për qind janë dorëzuar në një periudhë më të gjatë se prej tre ditëve. Këto rezultate tregojnë një përjashtim nga qëllimet e vendosura nga lidhja botërore postare e cila parashikon një standard minimal prej 75 për qind dhe një standard maksimal prej 88 për qind për dorëzim të suksesshëm dhe në kohë të dërgesave.

Revizorët kanë konstatuar dhe parregullsi serioze në funksionimin e SHA Posta e Maqedonisë së Veriut.

“Mungojnë regjistrimet e sakta dhe të harmonizuara të tokave dhe objekteve ndërtimore, gjë që ndikon në cilësinë e të dhënave në librat tregtarë. Një pjesë e objekteve, si dhe dy pushimore në Ohër në vlerë prej 6.4 milionë denarë janë në gjendje të vështirë dhe kanë nevojë për sanim, ndërsa për njërin është konstatuar shfrytëzim i paligjshëm”, theksohet në raportin e ESHR-së.lajmpress

Lajme nga vendi

Një 24-vjeçare është gjetur e vdekur në një kazino brenda një hoteli në rajonin e Shkupit

Published

on

Një 24-vjeçare është gjetur e vdekur në një kazino brenda një hoteli në rajonin e Shkupit. Sipas njoftimit të Policisë, e njëjta ishte e punësuar në hotel.

“Më datë 09.06.2025, rreth orës 19.42 në SPB-Shkup është raportuar se në një kazino në hotel në rajonin e Qendrës në Shkup, është gjetur e vdekur 24-vjeçarja G.J. nga Ohri, e punësuar në kazino. Mjeku i Urgjencës ka konstatuar vdekjen pa gjurmë të dukshme dhune dhe me urdhër të prokurorit publik trupi i pajetë i të ndjerës është dorëzuar për obduksion”, thonë nga MPB.

Continue Reading

Lajme nga vendi

Maqedonia ndalon importin e mishit të pulës nga Brazili, dhe të mishit nga ripërtypësit e vegjël nga Shqipëria

Published

on

Është marrë Vendim për ndalesë të importit të mishit të pulës nga Brazili për shkak të gripit të shpendëve, konfirmoi sot drejtori i Agjencisë për Ushqim dhe Veterinari (AUV), Oliver Millanov. Vendimi, siç theksoi, është tashmë në fuqi.

Millanov kujtoi gjithashtu se pesë ditë më parë, me qëllim parandalimin e mundësisë së përhapjes së murtajës tek ripërtypësit e vegjël (PPR), AUV miratoi një Vendim që ndalonte importin dhe tranzitin e ripërtypësve të vegjël të gjallë shtëpiakë dhe të egër, farës, vezëve dhe embrioneve nga ripërtypësit e vegjël shtëpiakë dhe të egër, mishit nga ripërtypësit e vegjël shtëpiakë dhe të egër, produkteve dhe mishit të përpunuar nga ripërtypësit e vegjël shtëpiakë dhe të egër, qumështit dhe produkteve të qumështit nga ripërtypësit e vegjël shtëpiakë dhe të egër, si dhe nënprodukteve nga ripërtypësit e vegjël shtëpiakë dhe të egër nga Shqipëria, ku, në rrethin e Dibrës, në qytetin e Kastriotit, pati vatër të re të sëmundjes në një fermë me 200 dhi pasi u raportua rasti i parë në rrethin e Shkodrës.

Deri më tani, informoi drejtori, në kuadër të kontrolleve të cilat i zbaton AUV me policinë, është zbuluar edhe kontrabandë e kafshëve të gjalla.

“Para pesë ditëve morëm Vendim për ndalesë për import nga Shqipëria për shkak të murtajës te ripërtëritësit e vegjël. Janë alarmuar policia, armata, të gjitha shoqëritë veterinere dhe veterinerët zyrtarë të cilët duhet të jenë të kujdesshëm. Vitin e kaluar sëmundja ishte prezent në Greqi, për një ditë ishin shkatërruar rreth 16.000 frymë, por ne arritëm të mos lejojmë të paraqitet te ne”, potencoi drejtori.

Duke u përgjigjur në pyetjet e gazetarëve para tribunës për ngritjen e vetëdijes publike për sigurinë e ushqimit, Millanov theksoi se AUV po pajiset me inspektorë.

Advertisement

“Për momentin, kemi 186 inspektorë. Në AUV tashmë kanë përfunduar disa nga konkurset, por do të kemi më shumë konkurse deri në fund të vitit. Kemi vendosur një objektiv prej 50 inspektorësh të tjerë”, informoi Millanov.

Sa i përket ushqimit të cilin e konsumojmë, ai edhe një herë theksoi se është i sigurt dhe paralajmëroi kontrolle të fuqishme për shkak të periudhës së verës, veçanërisht në vendet turistike.

“Askund në botë dhe askush nuk mund të garantojë se hamë ushqim të sigurt. Qytetarët hanë ushqim të sigurt, tani me rritjen e temperaturave është rritur edhe numri i turistëve dhe i transitit, ndërsa Agjencia përveç mbikëqyrjeve të rregullta, bën edhe mbikëqyrje të jashtëzakonshme. Këtë periudhë theks do tu vihet vendeve turistike si Struga, Ohri, Prespa, Dojrani,”… tha Millanov.

Në lidhje me afatin e skaduar të produkteve, shtoi, përgjegjësi kanë, para së gjithash, operatorët me ushqim të cilët duhet t’i respektojnë aktet ligjore dhe nënligjore.

“AUV pas raportimeve të qytetarëve, pas kontrolleve të rregullta dhe të jashtëzakonshme dënon dhe e shkatërron ushqimin me afat të skaduar, por operatorët janë të detyruar që atë mall bashkë me inspektorin zyrtar ta dërgojnë në deponitë adekuate”, theksoi drejtori i AUV-së.

Advertisement
Continue Reading

Lajme nga vendi

Drejtoria e Doganave grumbulloi mbi 177 milionë euro për një vit, të ardhurat nga taksat doganore për importet e automjeteve u rritën për 20 për qind

Published

on

Të ardhurat e përgjithshme për një vit në Drejtorinë e Doganave janë 177,3 milionë euro, ndërsa vetëm te taksat e paguara doganore për import të automjeteve është regjistruar rritje prej 20 për qind, theksoi drejtori Boban Nikollovski në konferencën e sotme për media në të cilën bëri mesatare për punë njëvjeçare të Drejtorisë.

“Drejtoria e Doganave në muajin maj ka realizuar të hyra prej 177,3 milionë euro, që është 7,3 për qind ose 12,1 milionë euro më shumë se në periudhën e njëjtë të vitit të kaluar. Ka një rritje të të ardhurave në çdo bazë. Të hyrat nga taksa e mjeteve motorike shënuan rritje prej 16,7 për qind, nga doganat me 22,7 për qind dhe nga akciza me 5,2 për qind. Rritja e të hyrave vjen si pasojë e rritjes së importit të deklaruar të produkteve të duhanit – ose 31 për qind të hyrave më të larta se vitin e kaluar dhe rritjes së importit të deklaruar të veturave – ose 20 për qind të hyrave më të larta se vitin e kaluar”, theksoi Nikollovski.

Ai theksoi se rritja e kontrolleve në importin e veturave dhe hetimet para-penale për krimet e kryera me automjete të përdorura, nga të cilat vetëm këtë vit janë paraqitur 41 kallëzime penale nga Sektori për kontroll dhe hetim, thotë drejtori Nikolovski, kanë ndikuar në rritjen e importit të automjeteve të raportuara dhe rritjen e të hyrave mbi këtë bazë.

Në konferencë për media ishte potencuar se të njëjta janë edhe se arsyet për rritjen e të hyrave janë të njëjta në nivel kumulativ.

“Që nga fillimi i këtij viti, në fund të muajit maj, janë grumbulluar të hyra prej 847,6 milionë euro, ose 38,6 milionë euro më shumë se në të njëjtën periudhë të vitit të kaluar. Rritja më e madhe e të hyrave ka ardhur nga importet e raportuara të shtuara të produkteve të duhanit, me gjithsej 70 milionë euro të mbledhura vetëm mbi këtë bazë, ose 12 milionë euro më shumë se 8 milionë euro të ardhurat e raportuara nga importi, si dhe nga viti i kaluar. që është 8.5 milionë euro më shumë se vitin e kaluar”, shtoi Nikollovski.

Advertisement

Efikasiteti dhe profesionalizmi më i madh i Drejtorisë së doganave, thotë ai, është më se i dukshëm. Ai thekson se rezultate të tilla të suksesshme nënkuptojnë një shoqëri më të sigurt, dhe nënkuptojnë më shumë para në buxhet për shkolla të reja, kopshte të reja, spitale të reja, autostrada, paga dhe pensione më të larta.

Continue Reading

Më të lexuarat