Nga koalicioni VLEN akuzojnë koalicionin AKI për bashkëpunim me partinë Levica në Tetovë. Nga VLEN thonë se dëshmi për këtë janë disa pamje që janë shpërndarë në rrjetet sociale, ku pretendohet se darkojnë përfaqësues të AKI-së dhe Levicës.

“Çfarë pazari ka bërë në këmbim të votave të Levicës në Tetovë?T etova nuk është mall pazari, andaj më 2 nëntor, tetovarët do të flasin me një zë të qartë: PO për Bilall Kasamin. Opinioni është tronditur, por vetëm Bajram Rexhepi s’u skuq e as s’u pendua. Pasi u kap me presh për dore në takime me përfaqësues të Levicës, partisë që njihet për qëndrimet e saj anti-NATO, anti-perëndimore dhe anti-shqiptare, kandidati i BDI/AKI-së u përpoq ta mohojë skandalin me justifikime qesharake. Por fotografitë flasin vetë, Bajram Rexhepi u ul me ata që fyejnë gjithçka që është shqiptare, vetëm për të siguruar një grusht vota për shpëtim politik”, thonë mes tjerash nga VLEN.

Ministria e Punëve të Brendshme ka dalë me njoftim në lidhje me denoncimet për bomba në disa shkolla të Kumanovës. Nga MPB thonë se denoncimet janë të rrejshme.

“Në SPB Shkup dhe SPB Kumanovë dje rreth orës 18:00 është raportuar se në adresat e e-mailit të 30 shkollave në Shkup dhe 17 shkollave në Kumanovë kanë arritur mesazhe për gjoja të vendosura mjete shpërthyese në shkolla. Janë ndërmarrë menjëherë masat dhe aktivitetet e duhura, janë kryer kontrollet e nevojshme dhe është konstatuar se bëhet fjalë për raportime të rreme”, thuhet në njoftimin e MPB-së.

Pas denoncimeve për bombave, procesi mësimor në shkollat përkatëse u ndërpre.

Moti sot në mëngjes do të jetë i kthjellët dhe i ftohtë, gjatë ditës me diell dhe vranësira të vogla. Do të fryjë dhe erë e dobët nga drejtimi jugor.

Temperatura minimale do të jetë në interval prej -4 deri në 4, ndërsa ajo maksimale do të arrij nga 15 deri në 20 gradë.

Në Shkup, moti do të jetë me diell dhe vranësira të vogla. Do të fryjë dhe erë e dobët nga drejtimi juglindor. Temperatura minimale do të ulet në 2, ndërsa ajo maksimale do të arrij në 16 gradë Celsiusë.