Lajme nga vendi
22 persona në një azil pleqsh në Berovë kishin të vjella dhe diarre, u helmuan nga ushqimi me “Esheria koli”

Njëzet e dy persona në një azil pleqsh në Berovë kanë pasur diarre dhe të vjella pasi kanë ngrënë ushqim që më vonë rezultoi pozitiv për Escherichia coli, raportoi Instituti i Shëndetit Publik (ISHP) në buletinin e tij mbi lëvizjen e sëmundjeve akute infektive për korrikun. Instituti raportoi gjithashtu se përveç këtij rasti të një epidemie të gastroenterokolitit akut, është regjistruar një tjetër epidemi e helmimit nga ushqimi, me 6 persona të sëmurë që hëngrën akullore nga një dyqan në fshatin Zrnovc, të cilët të gjithë përfunduan në spital, transmeton Portalb.mk.
“Mes të sëmurëve nga azili i pleqve nuk ka pacientë të hospitalizuar. Nuk u zbuluan patogjenë në mostrat e jashtëqitjes të marra nga të gjithë 22 pacientët. Në bashkëpunim me AUV, IShSS dhe përfaqësues nga ISHP, Qendra Qendrore e Shëndetit Publik në Koçan ku krye kontroll sanitar dhe higjienik në kuzhinën e shtëpisë dhe u morën mostra për ekzaminim mikrobiologjik nga mjedisi i gjallë dhe jo i gjallë. Prania e Escherichia coli u vërtetua në një mostër ushqimore”, thuhet në buletinin e ISHP.
Autoritetet kanë propozuar masa të përshtatshme sanitare, higjienike dhe antiepidemike, si dhe mirëmbajtje të rregullt dhe të vazhdueshme të higjienës personale, kontrollimin e ushqimit të sjellë nga vizitorët dhe raportimin e çdo rasti të dyshimtë të ankesave gastrointestinale.
“Kuzhina e shtëpisë ishte e mbyllur derisa të merreshin rezultate negative nga materialet e marra. Pasi u morën të gjitha masat e nevojshme epidemiologjike nga Qendra e Shëndetit Publik të Koçanit, epidemia u shpall e përfunduar më 28 korrik”, thuhet në buletin.
Lidhur me rastin e helmimit nga akullorja, ISHP informon se të 6 personat u shtruan në spital, dhe u morën mostra të jashtëqitjes nga 2 persona të sëmurë dhe ato rezultuan negative.
“Në bashkëpunim me AUV, IShSS dhe përfaqësues të ISHP-së, Qendra e Shëndetit Publik të Koçanit inspektoi objektin, gjatë së cilës u morën mostra për ekzaminim mikrobiologjik nga mjedisi i gjallë dhe jo i gjallë. Nga analizat laboratorike të marra, u zbuluan enterobaktere nga mostrat e akullores dhe stafilokoku aureus nga tamponët e duarve të punonjësve”, shton informacioni nga ISHP.
Lajme nga vendi
Dëbohen nga Maqedonia dy shtetas serb, u kapën duke kontrabanduar cigare

Gjykata Themelore Penale Shkup ka shpallur aktgjykim mbi bazën e marrëveshjes së propozuar nga Prokuroria Themelore Publike Shkup ndaj dy shtetasve të Republikës së Serbisë për veprën penale – “Kontrabandë”, sipas nenit 278 paragrafi 2 lidhur me paragrafin 1.
Dy të akuzuarit, më 1 tetor, kanë hyrë në vend përmes pikës kufitare “Bllacë”, duke shmangur kontrollin doganor dhe kanë transportuar mallra akcize të paregjistruara – gjithsej 2,300 kuti (me nga 10 paketa cigare me banderola kosovare, me një vlerë totale prej 3,220,000 denarë.
Cigaret i kishin transportuar me një automjet mallrash në pronësi të një subjekti juridik nga Serbia, të fshehura në bunkerë të improvizuar në rimorkio, duke shmangur kontrollin doganor. Mallrat janë zbuluar nga policia, e cila e kishte vërejtur kamionin dhe e kishte kontrolluar në rrugën “Hristijan Todorovski Karposh” në Shkup, ndërsa në të njëjtin automjet po ngarkoheshin cigare me banderola maqedonase.
Sipas marrëveshjes së arritur dhe të konfirmuar nga Gjykata, të akuzuarve u është shqiptuar një gjobë prej 4,000 euro secilit, të cilën duhet ta paguajnë menjëherë, si dhe dënim dëbimi nga vendi për një periudhë prej pesë vitesh.
Përveç kësaj, janë konfiskuar të gjitha cigaret e kontrabanduara, kamioni me rimorkio, 1,300 euro që kishin me vete në momentin e kryerjes së veprës, si dhe dy telefona celularë.
Lajme nga vendi
U kap duke përdorur drogë, shkarkohet nga detyra drejtori i Klinikës për neurologji, Igor Kuzmanovski

Ministria e Shëndetësisë informon se ministri Azir Aliu ka marrë vendim për shkarkimin e drejtorit të Klinikës Universitare për Neurologji, prof. dr. Igor Kuzmanovski.
“Në një afat sa më të shkurtër do të emërohet një drejtor i ri, në përputhje me procedurat ligjore”, thuhet nga Ministria e Shëndetësisë.
Puna në Klinikë vazhdon pa pengesa.
Lajme nga vendi
Autorët e grabitjes spektakolare në një artari në Gostivar janë të pakapshëm për organet e rendit

Ende asnjë i dyshuar apo arrestuar për vjedhjen spektakolare në një artari në Gostivar. Hajnat për një kohë të shkurtër, me armë në duar dhe të maskuar kryen grabitjen si nëpër filma.
Atmosferë grabitja disa sekonda
Në pamje dukeshin 4 vetë, të cilët pas grabitjes u arratisën me shpejtësi të madhe me një makinë të llojit BMW.
Atmosferë arratisja disa sekonda
Menjëherë pas largimit të tyre nga vendi i krimit, rrugës për në Mavrovë u gjet makina e përfshirë në flakë. Prokuroria thotë se po ndërmerr të gjitha masat për zbulimin e vjedhësve. Ndërkohë sipas Sektorit të Punëve të Brendshme në Tetovë vlera e dëmit të shkaktuar arrin në rreth 1.8 milion. Grabitësit kanë arritur të marrin me vete 18 kilogramë flori.
“Në një artari, pronë e personit S.Zh, nga Gostivari, është kryer një vjedhje, gjatë të cilës janë marrë rreth 18 kilogram ar, në vlerë prej 1.8 milion euro. Menjëherë janë ndërmarrë masa dhe aktivitete për gjetjen e personave që kanë qenë të maskuar, kështu që gjatë marrjes së masave në rrugën rajonale Gostivar Mavrovë, 500 metra pas kryqëzimit në Mavrovë, është gjetur një veturë e përfshirë në flakë, me çka nga NJTKZ Gostivar, është lokalizuar zjarri dhe është konstatuar se bëhet fjalë për automjetin BMW, pa targa e që dyshohet se është përdorur gjatë kryerjes së vjedhjes. Gjatë inspektimit në vendngjarje, në automjet është gjetur një pushkë automatike”, tha Fatmir Rexhepi, zëdhënës i SPB Tetovë.
Policia thotë se po punohet për gjetjen dhe kapjen e autorëve. Vjedhja në artarinë në Gostivar u krye mbrëmjen e kaluar rreth orës 19, në kohën kur në atë rrugë frekuentonin shumë qytetarë./Alsat.mk
-
Lajme nga rajoni2 months ago
Lëshohet për qarkullim ura e re mbi lumin Ibër
-
Lajme nga bota2 months ago
TRAGJEDI familjare në SHBA : 34 vjeçarja vret burrin dhe dy fëmijë, më pas veten
-
Lajme nga bota2 months ago
Takimi Zelensky-Trump në Berlin, dhoma e Kancelarisë gjermane ku askush s’mund të përgjojë