Lajme nga vendi
Mbështetje financiare për bujqësinë: Hapet thirrja për pagesa direkte shtesë
Bujqit deri më 25 dhjetor 2025 do të mund të dorëzojnë kërkesat për pagesa direkte shtesë sipas Programës për mbështetje financiare në bujqësi për vitin 2025.
Agjencia për Mbështetje Financiare në Bujqësi dhe Zhvillim Rural i njofton ekonomitë bujqësore se deri më 25 dhjetor 2025 do të mund të paraqesin kërkesa për pagesa direkte shtesë sipas Programës për mbështetje financiare në bujqësi për vitin 2025.
Në këtë periudhë dorëzohen kërkesat për këto nën-masa:
Nën-masa 1.2 „Pagesa direkte shtesë nga nën-masa 1.1 për prodhimin e grurit, elbit, lulediellit, kolzës vajore dhe lulëkuqes (afionit)”
Përfitues të kësaj nën-mase janë ekonomitë bujqësore që grurin dhe elbin e prodhuar e kanë shitur ose magazinuar te një blerës i regjistruar, përfshirë edhe sasinë e prodhuar për nevojat e kapaciteteve të veta përpunuese, e kanë shitur te një blegtor i regjistruar ose e kanë përdorur për ushqim të bagëtive për nevojat e veta.
Përfitues janë edhe ekonomitë bujqësore që lulëkuqen e prodhuar e kanë shitur te një blerës i regjistruar në Regjistrin e blerësve të afionit për prodhimin e narkotikëve.
Përfitues janë gjithashtu ekonomitë bujqësore që lulediellin dhe kolzën vajore të prodhuar i kanë shitur në një kapacitet përpunues të regjistruar.
Shuma e pagesave direkte shtesë është 6.000 denarë për hektar për grurë, elb, lulediell dhe kolzë vajore, dhe 18.000 denarë për hektar për afion.
Nën-masa 1.5 „Pagesa direkte shtesë nga nën-masa 1.3 për kulturat hortikulturale të dorëzuara në kapacitete përpunuese”
Përfitues të kësaj nën-mase janë ekonomitë bujqësore që kulturat hortikulturale të prodhuara i kanë dorëzuar në kapacitete përpunuese të perimeve, drejtpërdrejt ose përmes një blerësi të regjistruar, në periudhën nga 26 dhjetor 2024 deri më 25 dhjetor 2025.
Shuma e pagesave direkte është 3 denarë për kilogram për të gjitha kulturat hortikulturale, përveç specit të varietetit “Kurtovska kapija”, ku pagesa është 4 denarë, përkatësisht 5 denarë për kilogram për sasinë e dorëzuar gjatë maj-qershor dhe nëntor-dhjetor 2025.
Nën-masa 1.7 „Pagesa direkte shtesë nga nën-masa 1.6 për pemët e dorëzuara në kapacitete përpunuese ose te blerësit e regjistruar”
Përfitues të kësaj nën-mase janë ekonomitë bujqësore që pjeshkët, qershitë, mjedrat, manaferrat, aroninë, goji berry, kajsitë, luleshtrydhet, shegët dhe lajthitë e prodhuara i kanë dorëzuar në kapacitete përpunuese të frutave drejtpërdrejt ose përmes një blerësi të regjistruar në periudhën 26 dhjetor 2024 – 25 dhjetor 2025, përveç lajthisë, për të cilën periudha është 15.09.2024 – 31.03.2025.
Përfitues janë edhe ekonomitë bujqësore që mollët e prodhuara i kanë dorëzuar në kapacitete përpunuese ose te blerës të regjistruar drejtpërdrejt ose përmes një blerësi të regjistruar gjatë periudhës 15 gusht 2024 – 30 qershor 2025.
Shuma e mbështetjes është 3 denarë për kilogram për të gjitha kulturat frutore, përveç mjedrës dhe lajthisë (5 denarë/kg) dhe mollëve (2 denarë/kg).
Nën-masa 2.15 „Pagesa direkte shtesë nga nën-masa 2.14 për familjet e bletëve të përfshira në seleksionim për prodhimin e mbretëreshave të bletëve”
Përfitues janë ekonomitë bujqësore të regjistruara në Regjistrin e rritësve të bletëve dhe të regjistruar si prodhues të mbretëreshave të bletëve në Ministrinë e Bujqësisë, ose anëtarë të një rritësie të regjistruar të mbretëreshave të bletëve.
Pagesa është 2.000 denarë për familje bletësh që është në kontroll dhe e përfshirë në procesin e seleksionimit.
Nën-masa 2.16 „Pagesa direkte për analizë laboratorike të vetive fizike dhe kimike të mjaltit”
Përfitues janë ekonomitë bujqësore të regjistruara si rritës bletësh, që posedojnë së paku 10 familje bletësh të regjistruara të dimëruara dhe që në vitin 2025 kanë kryer analizë laboratorike të vetive fizike dhe kimike të mjaltit.
Kërkesat dorëzohen përmes sistemit elektronik të Agjencisë nga ana e ekonomisë bujqësore, ndërsa për ndihmë mund të drejtohen te njësitë rajonale të MZSHV-së.
Lidhja për qasje në aplikacion: www.ipardpa.gov.mk
– Pagesa direkte e-subvencione.
Në rubrikën “Njoftime/Udhezime” gjenden udhëzimet e detajuara për paraqitjen e kërkesës, lista e dokumenteve të nevojshme, si dhe Programi dhe Udhëzimi për pagesa direkte, ku paraqiten në detaje kushtet dhe shuma e mbështetjes financiare.
Lajme nga vendi
Të rinjtë nxisin paqen në Ballkan! Konferencë ndërkombëtare për paqen në Universitetin e Tetovës
Në një iniciativë të përbashkët me Federatën Universale të Paqes, Universiteti i Tetovës organizoi konferencën “Nga iniciativa rinore drejt paqes së qëndrueshme”, me fokus të veçantë përfshirjen e të rinjve në nisma paqësore, sidomos nga Ballkani. Rektori i UT, Jusuf Zejneli, theksoi rëndësinë e edukimit, kërkimit shkencor dhe angazhimit shoqëror për të përgatitur gjenerata që jo vetëm përkrahin, por edhe punojnë aktivisht për paqe, duke shndërruar këtë konferencë në një platformë për shkëmbim idesh, frymëzim dhe forcim të bashkëpunimit ndërkombëtar.
“Përmes edukimit, kërkimit shkencor e angazhimit shoqëror, ne synojmë të përgatisim gjenerata jo vetëm që punojnë për paqe, por edhe punojnë aktivisht për të arritur atë. Kjo konferencë shërben si një platformë për shkëmbim idesh, frymëzim dhe forcim të bashkëpunimit, mes gjithë atyre që janë përkushtuar ndaj ndërtimit të paqes”, tha Jusuf Zejneli.
Maqedonia e Veriut renditet e 34-ta në botë dhe e dyta në Evropë për nga ndotja e ajrit me grimca PM.
Raporti i vitit 2025, i publikuar në platformën “IQAir”, e rendit vendin menjëherë pas Bosnjës dhe Hercegovinës dhe përpara Serbisë, me një koeficient prej 21.2, që do të thotë tejkalim i vlerave maksimale të grimcave PM 2.5 për tre deri në pesë herë, raporton agjencia “Meta.mk”.
Qytetet më të ndotura në vend vitin e kaluar ishin Tetova dhe Strumica, me një koeficient prej 27.3, që do të thotë se vlerat e PM 2.5 ishin pesë deri në shtatë herë mbi kufijtë e lejuar. Gostivari është në vendin e 18-të në listë, ndërsa Kërçova dhe Kumanova janë në vendin e 31-të dhe të 32-të. Shkupi është në vendin e 113-të me një koeficient prej 19.1.
Ky është Raporti i tetë vjetor Botëror i Cilësisë së Ajrit i platformës, i cili tregon se Maqedonia kishte ndotjen mesatare më të ulët të ajrit vitin e kaluar, krahasuar me vitet e mëparshme, kur koeficienti tejkalonte 35, d.m.th. alarmoi për vlera të larta të PM 2.5 deri në dhjetë herë.
Muajt më të ndotur ishin janari, shkurti dhe dhjetori, ndërsa ajri më i pastër ishte në prill dhe maj. Shkupi gjithashtu kishte ndotjen më të ulët të ajrit vitin e kaluar krahasuar me vitet e mëparshme. Që nga viti 2018, koeficienti ka rënë çdo vit nga mbi 30 në nën 20.
Lajme nga vendi
Mbledhja për bashkimin e VLEN-it, janë tejkaluar dallimet? Paralajmërohet kongres në maj
VLEN ka mbajtur mbrëmë mbledhjen e parë, ku është vendosur që kongresi i parë i koalicionit të mbahet gjatë muajit maj, shkruan Tema.mk.
Sipas burimeve të mediumit, në këtë mbledhje janë diskutuar hapat e ardhshëm organizativë dhe përgatitjet për kongresin, i cili pritet të jetë një moment i rëndësishëm për strukturimin dhe drejtimin politik të VLEN-it.
Kongresi i parë pritet të sjellë vendime të rëndësishme lidhur me organizimin e brendshëm dhe prioritetet politike për periudhën në vijim.
Erdogani paralajmëron Izraelin kundër “sabotimit” të përpjekjeve diplomatike për Iranin
Sulm pranë centralit bërthamor në Iran/ SHBA dhe Izraeli godasin Bushehrin
Irani kërkon tarifë tranziti prej 2 milionë dollarësh nga anijet që kalojnë Ngushticën e Hormuzit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga vendi2 months agoVLEN: Me Fetain në krye, nis goditja reale ndaj pasurisë së paligjshme