Connect with us

Lajme nga bota

Dështojnë bisedimet në Kremlin, s’ka marrëveshje për paqe Rusi – Ukrainë

Published

24 minutes ago

on

Pesë orë bisedime midis presidentit rus Vladimir Putin dhe negociatorit të lartë të presidentit amerikan Donald Trump, duket se nuk kanë arritur të sjellin ndonjë përparim në sigurimin e një marrëveshjeje paqeje për Ukrainën.
Një zëdhënës i Kremlinit tha se takimi në Moskë ishte “konstruktiv”, por pjesë të planit mbetën të papranueshme për Rusinë.  Më herët Putini tha se ndryshimet e propozuara nga Kievi dhe Evropa, në një plan paqeje të mbështetur nga ShBA-ja, ishin të papranueshme, duke shtuar se nëse Evropa “dëshiron të shkojë në luftë dhe e fillon një të tillë, ne jemi gati tani”. Ukraina dhe aleatët e saj kanë lobuar te ShBA-ja për të ndryshuar draft-marrëveshjen e paqes, për të cilën Shtëpia e Bardhë është përpjekur të sigurojë një marrëveshje të shpejtë dhe Kremlini më parë ka lënë të kuptohet se është i hapur. Ky plan, i cili u pa gjerësisht si i favorshëm për Rusinë pasi u publikua në media në nëntor, ka pësuar disa ndryshime në javët e fundit. I pyetur në lidhje me propozimin pas takimit në Moskë, ndihmësi i lartë i Putinit, Juri Ushakov, tha se Kremlini “u pajtua me disa pika…, por disa gjëra i kritikuam”.
Ai shtoi: “Nuk kemi dalë ende me një version kompromisi.”. Mosmarrëveshjet kryesore midis Moskës dhe Kievit mbeten, duke përfshirë edhe çështjen e Ukrainës që pranon të lëshojë territorin që vazhdon ta kontrollojë, si dhe garancitë e sigurisë të ofruara nga Evropa.
Related Topics:
Advertisement

Lajme nga bota

U akuzua për mashtrim dhe korrupsion në prokurim, Federica Mogherini lirohet pas mesnate

Published

1 hour ago

on

December 3, 2025

By

Federica Mogherini, ish-Përfaqësuese e Lartë e BE-së për Politikën e Jashtme, u lirua mbrëmë rreth orës 1 të mëngjesit, pas arrestimit të saj të martën si pjesë e një hetimi për mashtrim dhe korrupsion.
Dy të ndaluarit e tjerë, Stefano Sannino dhe Cesare Zegretti, u liruan gjithashtu nga Policia Federale Gjyqësore Belge.
Sipas gjyqtarëve, të tre individët u morën në pyetje dhe u informuan për akuzat zyrtare, të cilat lidhen me:
  • Mashtrim dhe korrupsion në prokurim,
    Federica Mogherini, ish-Përfaqësuese e Lartë e BE-së për Politikën e Jashtme, u lirua mbrëmë rreth orës 1 të mëngjesit, pas arrestimit të saj të martën si pjesë e një hetimi për mashtrim dhe korrupsion.
    Dy të ndaluarit e tjerë, Stefano Sannino dhe Cesare Zegretti, u liruan gjithashtu nga Policia Federale Gjyqësore Belge.
    Sipas gjyqtarëve, të tre individët u morën në pyetje dhe u informuan për akuzat zyrtare, të cilat lidhen me:
    • Mashtrim dhe korrupsion në prokurim,
    • Konflikt interesi,
    • Shkelje të sekretit profesional.
    Ata u liruan pasi nuk konsideroheshin të rrezikshëm për arratisje, duke vazhduar hetimet nën masat ligjore të përcaktuara nga autoritetet belge.
    Hetimi ka të bëjë me transaksione dhe prokurime brenda Shërbimit Evropian të Veprimit të Jashtëm dhe Kolegjin e Evropës, duke ndezur interes të madh publik në lidhje me menaxhimin e fondeve dhe praktikave administrative të institucioneve evropiane.
Continue Reading

Lajme nga bota

Gjykata në Francë liron nga burgu ish-presidentin Sarkozy

Published

3 weeks ago

on

November 10, 2025

By

Gjykata e Parisit urdhëroi lirimin e Nicolas Sarkozy të hënën pasdite, pas përfundimit të seancës dëgjimore të ish-presidentit të Republikës Franceze. Sarkozy, i cili gjatë seancës dëgjimore i përshkroi 20 ditët që kaloi në burg si një “makth”, do të jetë nën mbikëqyrje gjyqësore.

Përveç kësaj, gjykata i ndaloi Sarkozisë të kishte çdo kontakt me Ministrin e Drejtësisë Gerald Darmanin, i cili e kishte vizituar në burg në fund të tetorit. Ky takim kishte sjell kritika, kryesisht nga gjyqtarët.

Sipas informacioneve, Sarkozi do të largohet nga burgu Sante në qendër të kryeqytetit francez më vonë gjatë ditës. Më parë, prokurori i kishte propozuar Gjykatës së Apelit të Parisit që ish-presidenti francez të lirohej.

Sarkozy u burgos më 21 tetor pasi një gjykatë e shpalli fajtor për konspiracion kriminal, për shkak të përpjekjeve të bashkëpunëtorëve të tij të ngushtë për të siguruar financim për kandidaturën e tij presidenciale të vitit 2007 nga udhëheqësi i atëhershëm libian Muammar Gaddafi.

Continue Reading

Lajme nga bota

Rekord i rrallë! 56 vite në këtë post, presidenti 92-vjeçar i Kamerunit betohet për mandatin e tetë radhazi

Published

4 weeks ago

on

November 7, 2025

By

AFRIKA- Presidenti 92-vjeçar i Kamerunit, Paul Biya, është zotuar të rivendosë rendin në vend, i cili është tronditur nga dhuna pas zgjedhjeve, ndërsa u betua për një mandat të tetë radhazi, deri në vitin 2032, kur do të jetë 99 vjeç. Sipas rezultateve përfundimtare, Biya fitoi 54% të votave, krahasuar me 35% për Issa Chiroma Bakari, i cili nga ana e tij akuzoi autoritetet për mashtrim.

Shpallja e rezultateve, siç raportohet nga BBC, çoi në protesta të përgjakshme në të gjithë vendin, me të paktën 14 të vdekur dhe më shumë se 1,200 të arrestuar, sipas Komisionit Kombëtar të të Drejtave të Njeriut. Organe të tjera kanë paraqitur një numër shumë më të lartë të vdekjeve.

Në fjalimin e tij të inaugurimit, presidenti më i vjetër në botë shprehu ngushëllimet e tij për viktimat e protestave dhe fajësoi për trazirat ata që i quajti “politikanë të papërgjegjshëm”. Pas akuzave për mashtrim gjatë zgjedhjeve të tetorit, Biya e përshkroi procesin zgjedhor si të kënaqshëm dhe vlerësoi autoritetin zgjedhor. 

Në inaugurimin e tij në parlamentin e vendit në Yaounde, Biya falënderoi forcat e sigurisë për shtypjen e protestave , por nuk iu referua akuzave për forcë të tepruar. Në vend të kësaj, ai u bëri thirrje qytetarëve të bashkëpunojnë me të për të ndërtuar një vend “të bashkuar, të qëndrueshëm dhe të begatë”.

92-vjeçari premtoi të prioritizonte çështjet që prekin gratë dhe të rinjtë dhe u zotua të luftonte korrupsionin dhe problemet e sigurisë. Biya mori pushtetin në nëntor 1982, pas dorëheqjes së Presidentit Ahmadou Ahijo. Kritikët e tij thonë se ai e ka qeverisur vendin me grusht të hekurt që atëherë./noa.al/

 

Advertisement
Continue Reading

Më të lexuarat