Drejtoria e Doganave pajiset me një sistem për analizën e rrezikut dhe ruajtjen e të dhënave që pritet të përmirësojë kontrollin e tregtisë dhe të parandalojë përpjekjet për krim dhe ekonominë gri. Ky sistem është një grant nga Republika e Koresë në shumën prej 4.75 milionë dollarësh, i cili u promovua sot.

“Të gjitha të dhënat mbi të gjitha importet, eksportet, tranzitin, të dhënat mbi mallrat e akcizës, i gjithë regjistri i sekuestrimeve, akuzat për kundërvajtje dhe penale janë integruar në Sistem ku analizohen me mbështetjen e inteligjencës artificiale të përparuar. Në të njëjtën kohë, ai ofron të dhëna mbi dërgesat vlerat e të cilave janë të ndryshme nga çmimet e bursës, por edhe vlerat e të cilave janë nën mesataren sipas analizës së vlerës së të gjithë importit, e cila i njofton doganierët të inspektojnë kontejnerët me dërgesa të tilla, të gjitha me qëllim parandalimin e përpjekjeve për mashtrim doganor”, tha Boban Nikollovski.

Sistemi i ri, siç theksoi drejtori Boban Nikollovski, do të lehtësojë gjithashtu tregtinë ligjore, që do të thotë kohë më të shkurtra zhdoganimi dhe kosto më të ulëta për kompanitë. Projekti filloi në vitin 2021 me një studim fizibiliteti dhe përfundimi i sotëm, sipas Komisionerit të shërbimit doganor Korean, është rezultat i angazhimit dhe partneritetit të ngushtë midis dy qeverive.

“Që nga viti 2008, shërbimi doganor Korean ka futur sistemin elektronik të zhdoganimit UNIPAS në 16 vende, dhe shuma e tyre ishte 329,37 milionë dollarë. Ky projekt prej 4.75 milionë dollarësh është veçanërisht i rëndësishëm për Maqedoninë e Veriut, pasi përfaqëson krijimin e parë të sistemit elektronik të zhdoganimit të Shërbimit Doganor të Republikës së Koresë në të gjithë rajonin evropian”, deklaroi Limjon Ku.

Sipas Limjon Ku, i cili viziton vendin për herë të parë, sistemi i ri jo vetëm që do të kontribuojë në pozicionimin e Maqedonisë së Veriut si një lidere në Ballkan me një sistem doganor të përparuar, por do të përfaqësojë gjithashtu një shembull frymëzues të bashkëpunimit dhe miqësisë së fortë doganore.

Advertisement

Në lidhje me konferencën për shtyp të opozitës të mbajtur sot, jemi të detyruar të theksojmë qartë dhe pa dyshim se pretendimet e shpalosura janë plotësisht të pabaza, të pasakta dhe paraqesin shpifje të rëndë dhe konstruksion të qëllimshëm. Përpjekjet e opozitës janë të qarta, të krijojë narrativa pa bazë faktike. Prandaj edhe një herë theksojmë se të gjitha të dhënat relevante janë publikisht të disponueshme dhe lehtësisht të verifikueshme përmes sistemeve elektronike zyrtare të institucioneve kompetente. Këto konstruksione të dobëta dhe të pa ide shpërbëhen lehtësisht me verifikimin më bazik.

Bëhet fjalë për një prokurim publik të centralizuar për 20 ministri, me vendim të Qeverisë. Prokurimi i këtyre sistemeve ka për qëllim forcimin e sigurisë kibernetike të institucioneve përmes identifikimit në kohë të dobësive të sigurisë dhe mbrojtjes proaktive nga kërcënimet. Gjatë procedurës kishte dy oferta, ndërsa subjekti i përmendur kishte ofertën më të favorshme. Procedura u zhvillua pa asnjë vërejtje dhe pa asnjë ankesë të parashtruar.

Sa i përket prokurimit tjetër publik të përmendur, bëhet fjalë për një softuer realisht të nevojshëm për një projekt që e kemi premtuar para qytetarëve me qëllim rritjen e transparencës dhe digjitalizimin e proceseve institucionale. Konkretisht, parashikon një modul për ndjekjen e kontratave (realizimin dhe sasinë e tyre), një modul për burimet njerëzore, një modul për shqyrtimin e kërkesave nga institucione të ndryshme drejtuar SHPPP-së, si dhe pasqyrimin e shpenzimeve operative dhe se sa shpenzon secili institucion.

Këto fakte konfirmojnë se bëhet fjalë për një përpjekje tendencioze për manipulim politik, në të cilën plasohen pretendime të fabrikuara pa asnjë provë relevante. Pretendimet që lidhen me individë dhe privilegje të supozuara janë absolutisht të pasakta dhe në kundërshtim të drejtpërdrejtë me faktet dhe dokumentacionin e disponueshëm nga institucionet kompetente.

Publikisht dhe me përgjegjësi pohojmë se në të gjitha procedurat nuk ekziston as edhe një lëshim minimal, as ndonjë parregullsi më e vogël. Opozita, dukshëm e paaftë të ofrojë ide, programe apo vizion edhe një herë i rikthehet recetës së vjetër dhe tashmë të konsumuar të trillimeve, por këto janë konstruksione të zbehta dhe pa ide që zbulojnë dëshpërimin e atyre që i plasojnë.

Advertisement

Institucionet punojnë në mënyrë transparente, ligjore dhe duke dhënë llogari, ndërsa kushdo që pretendon të kundërtën do të duhet t’i mbështesë fjalët e veta me fakte, e jo me konstruksione boshe politike.

I inkurajojmë të gjitha palët e interesuara të informohen nga burimet zyrtare dhe të mos bien pre e spekulimeve të motivuara politikisht. Publiku meriton përgjegjësi, fakte dhe transparencë.

Policia e rajonit të Tetovës ka parashtruar kallëzime penale ndaj disa individëve dhe kompanive të transportit për mashtrim dhe dhënien e deklaratave të rreme. Ata dyshohet se përgatitën fatura për transportin e nxënësve, edhe pse kontratat me shkollat e mesme u kishin skaduar. Në disa raste, të dyshuarit dhanë deklarata të rreme para noterit për të marrë vendime për urdhër pagesa.

“SPB-Tetovë ka parashtruar kallëzim penal kundër M.Z. (46) nga Tetova dhe një personi juridik, ndërmarrje transporti nga Tetova, për shkak të dyshimit të bazuar për kryerjen e veprave penale “mashtrim” dhe “dhënie e deklaratës së rreme”. Gjatë shtatorit dhe tetorit të vitit 2024, të denoncuarit, edhe pse e dinin se kontrata për transportin e nxënësve të rregullt, e lidhur midis tyre dhe një shkolle të mesme, kishte skaduar, pa bazë ligjore përgatitën fatura në shumën prej 15.034.110 denarësh për të dy muajt dhe i dorëzuan te shërbimet përgjegjëse të shkollës, me qëllim të kryerjes së pagesës. Të denoncuarit nuk arritën t’i mashtrojnë shërbimet përgjegjëse të shkollës, pas çka para noterit dhanë deklaratë të rreme dhe dorëzuan faturat duke kërkuar që noteri të përgatiste një vendim për urdhër pagese noterial, i cili u miratua nga noteri. Po ashtu, SPB-Tetovë ka parashtruar kallëzim penal kundër Ć.F. (59) nga fshati Shemshovë dhe një personi juridik nga i njëjti fshat, për dyshimin e bazuar për kryerjen e veprave penale “mashtrim” dhe “dhënie e deklaratës së rreme”. Gjatë shtatorit dhe tetorit të vitit 2024, të denoncuarit, edhe pse e dinin se kontrata për transportin e nxënësve të rregullt e lidhur me një shkollë të mesme në Tetovë kishte skaduar, më 10.06.2025, pa bazë ligjore përgatitën fatura për muajin shtator dhe tetor 2024 në shumën totale prej 2.152.447 denarësh, dhe i dorëzuan te shërbimet përgjegjëse të shkollës, me qëllim që t’i mashtrojnë dhe të kryhet pagesa e faturave të dorëzuara”, thonë nga MPB.