Ministri i Punëve të Brendshme, Pançe Toshkovski, në drejtim të transparencës dhe edukimit më të madh të shoferëve, njoftoi se sistemi “Safe City” nuk do të jetë “kurth” për qytetarët. Ai tha se MPB planifikon të ndajë publikisht të gjitha vendet ku janë instaluar kamerat.

Ai gjithashtu paralajmëroi miratimin e akteve nënligjore që do të përcaktojnë kufirin e lejuar të shpejtësisë.

“Ne udhëhiqemi nga parametrat evropianë që parashikojnë një tolerancë prej tre deri në dhjetë kilometra në orë mbi kufirin e lejuar të shpejtësisë. Qëllimi nuk është të ndëshkohet me çdo kusht, por të ulet shpejtësia dhe të shpëtohen jetë”, theksoi Toshkovski.

Kamerat e “Safe City” të instaluara në rrugët e Shkupit regjistrojnë automatikisht shkeljet e trafikut duke filluar nga 1 dhjetori. Ishte planifikuar që gjobat të fillojnë të zbatohen nga 1 janar 2026, mirëpo kjo është shtyrë pas 1 shkurtit 2026.

Më 18.12.2025, rreth orës 10:00, në rrugën rajonale Tetovë–fshati Vollkovijë, afër fshatit Radiovcë, në rrethin e Tetovës, punonjësit e policisë nga Njësia e Policisë Zherovjan kanë privuar nga liria personat R.A. (41) dhe Xh.A. (66), të dy nga fshati Zherovjan.

Arrestimi i tyre është bërë për shkak të dyshimit se kanë kryer veprën penale “gjueti e paligjshme”. Gjatë kontrollit, te R.A. është gjetur dhe konfiskuar një pushkë gjuetie e markës “Bajkall” kalibër 12 mm, me dy fishekë të vendosur, si dhe një rrip me 15 fishekë. Ndërkohë, nga Xh.A. janë konfiskuar leja e armës, legitimacioni i shoqatës së gjuetarëve dhe sende të tjera.

Të dy personat janë mbajtur në stacionin policor dhe, pas dokumentimit të plotë të rastit, ndaj tyre do të parashtrohet kallëzim përkatës penal sipas nenit 396 dhe nenit 288 të Kodit Penal.

Presidenti Donald Trump ka pezulluar skemën e lotarisë së Kartës së gjelbër në SHBA pas të shtënave në Universitetin Brown të dielën e javës së kaluar, ku humbën jetën dy persona.

I dyshuari, një portugez i cili u gjet i vdekur, hyri në vend përmes programit të vizave të emigrantit të lotarisë së diversitetit (DV1) në vitin 2017 dhe përfitoi kartën e gjelbër.

Sekretarja e Sigurisë Kombëtare Kristi Noem tha se ka pezulluar skemën e vizave nën drejtimin e Trump për të “siguruar që asnjë amerikan të mos dëmtohet nga ky program katastrofik”.

Zyrtarët amerikanë thanë se besojnë se i dyshuari, 48-vjeçari Claudio Neves Valente, vrau gjithashtu profesorin portugez të Institutit të Teknologjisë të Masaçusetsit, Nuno Loureiro, më parë këtë javë.

Programi ofron deri në 50,000 viza çdo vit përmes një procesi përzgjedhjeje të rastësishme midis hyrjeve nga vendet me shkallë të ulët emigracioni në SHBA.

Advertisement

Duke shkruar në mediat sociale, Noem tha se Trump më parë kishte “luftuar për t’i dhënë fund” skemës në vitin 2017 pasi tetë persona u vranë në një sulm me kamion në New York City.

Shtetasi uzbek Sayfullo Saipov, një mbështetës i Shtetit Islamik, i cili po vuan dënime të shumta me burgim të përjetshëm për sulmin, hyri në SHBA përmes skemës DV1, sipas Noem.

Komentet e saj vijnë vetëm disa orë pasi Neves Valente u gjet i vdekur në një depo në Salem, Neë Hampshire, nga ajo që policia beson se është vetëvrasje.

Policia tha se provat video dhe informacionet nga publiku i çuan hetuesit në një vend me qira makinash ku gjetën emrin e të dyshuarit dhe e përputhën atë me personin e tyre të interesit, pas një kërkimi gjashtëditor në shumë shtete.

Ai u gjet i vdekur me një çantë dhe dy armë zjarri. Provat në një makinë aty pranë përputheshin me vendin e të shtënave në Universitetin Brown në Providence, sipas Prokurorit të Përgjithshëm të Rhode Island, Peter Neronha.

Advertisement

Lotaria amerikane në Shqipëri është aplikuar masivisht ndër vite. Nëpërmjet saj, shumë shqiptarë ndodhen sot në SHBA ku kanë ndërtuar jetën e tyre.

Megjithatë këtë vit, procedurat për të nuk u aktivizuan zyrtarisht, duke lënë me pikëpyetje shumë aplikantë potencialë që DV Lottery e shohin si një mundësi për të vijuar jetën e tyre në SHBA.

Deri më sot nuk ka patur një njoftim apo shpjegim zyrtar në lidhje me këtë.