Connect with us

Lajme nga vendi

ÇFARË TË KONSUMOJMË PËR NJË AGJËRIM TË SHËNDETSHËM?!

Published

on

Agjërimi konsiderohet një praktikë me përfitime të shumta për shëndetin fizik dhe shpirtëror, sidomos gjatë muajit të Ramazani. Megjithatë, mënyra se si ushqehemi gjatë iftarit dhe syfyrit luan rol vendimtar në ruajtjen e këtyre përfitimeve. Sipas mjekut Bekim Ismaili, zgjedhja e ushqimeve të duhura dhe konsumimi i tyre në mënyrë të kontrolluar janë thelbësore, veçanërisht për personat që vuajnë nga sëmundje kronike. Ai thekson se gabimet në ushqyerje gjatë agjërimit mund të zbehin efektet pozitive, madje edhe të shkaktojnë probleme shëndetësore.

Ismaili thotë se në iftari duhet të haet ngadal, në sasi të paktë dhe ushqime të lehta.

Ismaili gjithashtu bën apel që gjatë sifyrit të mos konsumohen ushqim në sasi të mëdha për ta përmbushur mungesën e ushqimit gjatë ditës, pasi që sipas tij, trupi ka rezerva ushqimore që duhet të harxhohen gjatë ditës.

Mjaku Bekim Ismaili tha se rastet e paraqitjes në qendrën emergjente pas iftarit janë të shpeshta dhe e gjitha kjo vjen nga kequshqyerja. Ai bën apel që gjatë kohës së lejuar që haet sa më pak dhe sa më shpesh, të konsumohet ujë dhe ushqime me vlera të larta ushqyese, të shmangen ushqimet e yndyrshme, me shumë sheqer ose ushqimet e përpunuara. Këto vlejn sidomos për agjëruesit që kanë edhe sëmundje kronike.

Lajme nga vendi

Goditet nga konstrukti i metaltë, humb jetën i riu në Shkup

Published

on

Një punëtor ka ndërruar jetë në rajonin e Petrovecit në Shkup, pasi mbi të ka rënë një konstrukt metali. Policia njofton se bëhet fjalë për një 23-vjeçar nga Velesi.

“Më 19.02.2026, në orën 15:00, në SPB-Shkup u raportua se në zonën industriale në komunën e Petrovecit, gjatë kryerjes së punëve në një objekt në ndërtim të një fabrike, një profil metalik ra nga lartësia mbi E.A. (23) nga Velesi, i cili vdiq në vendngjarje si pasojë e lëndimeve të marra. Mjeku i Ndihmës së Shpejtë konstatoi vdekjen, dhe sipas udhëzimeve të prokurorit publik, trupi i të ndjerit u dërgua për obduksion. Rasti është raportuar tek inspektori i punës, dhe një ekip hetues nga SPB-Shkup ka kryer inspektimin në vendngjarje”, thonë nga MPB.

Continue Reading

Lajme nga vendi

Problemi me qentë endacak dhe sulmet ndaj kalimtarëve vazhdon të mbetet i pazgjidhur

Published

on

Problemi me qentë endacak dhe sulmet ndaj kalimtarëve vazhdon të mbetet i pazgjidhur në Shkup. Vetëm këtë muaj janë denoncuar disa raste kur kalimtarë të rastit kanë përfunduar në spital pas kafshimit nga ana e qenve endacak.

Gjatë vitit të kaluar, qindra qytetarë të Shkupit kanë kërkuar kompensim për dëmet e shkaktuara nga qentë endacakë, duke e kthyer këtë problem në një sfidë serioze për institucionet lokale.

Për zgjidhjen e problemit me qentë endacakë, Orce Gjorgjievski, kryetari i Qytetit të Shkupit, paralajmëroi se gjatë periudhës së ardhshme do të rriten kapacitetet në Ndërmarrjes Publike “Lajka” dhe se do të ketë kushte më të mira për të gjitha kafshët në qytet.

“Bëjmë përpjekje të ndjeshme në zgjidhjen e problemit me qentë e rrugës. Siguruam mjete ndërsa në periudhën e ardhshme do të zgjerojmë kapacitetet e NP “Lajka”, me qellim që të ofrojmë tretman human dhe kushte më të mira për të gjitha kafshët në qytet”, deklaroi Orce Gjoergjievski – Kryetar i Qytetit të Shkupit.

Sipas të dhënave të Qytetit të Shkupit, gjatë vitit 2025 janë paraqitur 383 padi civile për dëme të shkaktuara nga qen endacakë, ku me vendime gjyqësore janë paguar mbi 45 milionë denarë për qytetarët e dëmtuar. Nga muaji janari i vitit 2025 deri në janar të vitit 2026, janë ngritur gjithsej 440 padi për kompensim të dëmit jo material për shkak të sulmeve nga qentë endacak në Shkup.

Advertisement

Në vitin 2025, për 383 vendime gjyqësore, Qyteti i Shkupit ka paguar mbi 45.973.353 denarë ndaj qytetarëve të dëmtuar.

Continue Reading

Lajme nga vendi

Vrasje makabre në Çellopek – 25-vjeçari dyshohet për krim serial ndaj grave të moshuara

Published

on

Një prokuror publik nga Prokuroria Themelore Publike në Kumanovë ka nxjerrë Urdhër për zhvillimin e procedurës hetimore kundër një personi për të cilin ekziston dyshim i bazuar se ka kryer veprën penale – Vrasje sipas nenit 123 paragrafi 2 pika 1 të Kodit Penal.

Në një datë të saktë të papërcaktuar, në periudhën nga 27.01 deri më 12.02.2026, i dyshuari 25-vjeçar, në fshatin Çellopek, komuna e Staro Nagoriçanit, me paramendim dhe në mënyrë mizore e tinëzare, i ka marrë jetën viktimës, një gruaje të lindur në vitin 1947.

Ai ka shfrytëzuar rrethanën që e dëmtuara jetonte e vetme, ishte e moshuar dhe e pafuqishme. Kur ka hyrë në shtëpinë e saj, ajo ishte duke fjetur në shtrat, ndërsa i dyshuari e ka sulmuar fizikisht, duke i shkaktuar disa goditje me të cilat i ka shkaktuar lëndime të rënda trupore, si pasojë e të cilave gruaja ka ndërruar jetë.

Me veprime intensive dhe të koordinuara gjatë ditëve të fundit nga Prokuroria Themelore Publike në Kumanovë dhe qendra hetimore pranë kësaj prokurorie, Ministria e Punëve të Brendshme dhe ekipet e Institutit të Mjekësisë Ligjore, janë siguruar prova që tregojnë lidhje të këtij rasti me disa raste të tjera të ngjashme në rajonin e Kumanovës.

Për shkak të ngjashmërive lidhur me përzgjedhjen e viktimave dhe mënyrën e egër të kryerjes së veprës, po hetohet nëse edhe në ato raste bëhet fjalë për vrasje të kryera nga i njëjti autor. Për një nga viktimat e mundshme dje është urdhëruar zhvarrimi dhe autopsia, ndërsa nga trupi i gruas së ndjerë janë marrë gjurmë dhe mostra të ADN-së që po i nënshtrohen ekspertizës.

Advertisement

Organet hetimore po punojnë në ekspertiza dhe analiza të ndërlikuara, si dhe në veprime të tjera për sigurimin e provave, të cilat për momentin nuk mund të ndahen me publikun për shkak të fshehtësisë së procedurës.

I dyshuari, që nga momenti i zbulimit të tij, është privuar menjëherë nga liria dhe është siguruar, ndërsa me propozim të prokurorit publik i është caktuar masa e paraburgimit. Është urdhëruar gjithashtu edhe ekspertizë psikiatrike e të dyshuarit nga një ekip ekspertësh – psikiatër forenzikë nga Instituti i Psikiatrisë në Shkup.

Continue Reading

Më të lexuarat