Lajme nga vendi
Kronika e zezë – Tetovë dhe Gostivar, 07 Korrik
Dje në ora 09:00 në fshatin Siriçinë të Tetovës, zyrtarë policorë nga Stacioni Policor i Jegunocit kanë ndaluar automjetin e udhëtarëve „Ford“ me targa të Shkupit, i drejtuar nga një 46-vjeçar nga Shkupi. Gjatë kontrollit është konstatuar se personi po drejtonte automjetin edhe pse kishte ndalesë aktive për drejtim mjeti, pas së cilës është privuar nga liria sipas nenit 297-a të Kodit Penal, ndërsa automjeti është ndaluar për procedurë të mëtejshme dhe pas dokumentimit të rastit do të vijojë parashtresa përkatëse.
……Dje në ora 16:40 në rrugën „121“ në Tetovë, zyrtarë policorë kanë ndaluar një moped „Aprilia“ me targa të Tetovës, i drejtuar nga një 18-vjeçar nga Tetova, me çka është konstatuar se nuk posedonte patentë shoferi. Në konsultim me prokurorin kujdestar publik, i njëjti është privuar nga liria sipas nenit 297-a të KP, ndërsa mopedi është konfiskuar. Pas dokumentimit të rastit do të dorëzohet parashtresë përkatëse.
……Dje në ora 09:30 në SPB Tetovë, një burrë 63-vjeçar nga Tetova, si autorizues i nënës së tij, ka denoncuar veprën penale „lëshim i çekut pa mbulim dhe keqpërdorim i kartelës pagesore“. Sipas denoncimit, më 03.07.2026 denoncuesi ka vërejtur mungesë të mjeteve financiare në vlerë prej 8.148 denarë në llogarinë transaksionale të nënës së tij, përkatësisht shtatë pagesa të paautorizuara online. Po merren masa për zbardhjen e rastit.
…… Dje në ora 12:00 në SPB Tetovë, një 46-vjeçare nga Tetova ka denoncuar se një ditë më parë rreth orës 23:30 para objektit të banimit, fqinji e ka sulmuar fizikisht djalin e saj 16-vjeçar. Po merren masa për zbardhjen e ngjarjes.
……Dje në ora 12:45 në SP Gallatë, një 29-vjeçar nga fshati Gradec ka denoncuar se rreth orës 10:00 në punëtorinë e tij në fshatin Gradec është sulmuar fizikisht nga një qytetar nga po i njëjti fshat. Po punohet për zbardhjen e rastit.
……Dje në ora 12:25 në DPB Gostivar është denoncuar se në rrugën „Sedek Kostoski“ në Gostivar ka ndodhur një aksident komunikacioni mes një mopedi me targa të Gostivarit, i drejtuar nga një 19-vjeçar nga Gostivari dhe një biçiklete të drejtuar nga një 68-vjeçar nga Gostivari. Në aksident lëndime të rënda trupore ka pësuar 68-vjeçari, të konstatuara në Qendrën Urgjente në Gostivar. Këqyrja e vendit të ngjarjes është kryer nga ekipi i SPB Tetovë.
……Dje në ora 12:10 nga Qendra Urgjente Gostivar është denoncuar se tek ata është sjellë një person i lënduar. Zyrtarët policorë nga SP Gostivar kanë kryer verifikime, me çka është konstatuar se bëhet fjalë për një 33-vjeçar nga Gostivari, i cili ishte gjetur i rrëzuar në korsinë e rrugës „Nikolla Parapunov“ në afërsi të Sahat Kullës. Po merren masa për zbardhjen e rastit.
……Dje në SP Gostivar, një grua 41-vjeçare nga rrethina e Gostivarit ka denoncuar se rreth orës 18:00 në shtëpinë familjare është sulmuar fizikisht nga bashkëshorti i saj. Po merren masa për zbardhjen e rastit.
…..Dje në SPB Tetovë, një 19-vjeçar nga fshati Pallçisht i Poshtëm ka denoncuar se rreth orës 18:15 në rrugën „Ilinden“ në Tetovë, derisa po lëvizte me shokët e tij, është sulmuar fizikisht dhe me një send të fortë nga disa persona. Menjëherë janë ndërmarrë masat dhe aktivitetet përkatëse dhe janë privuar nga liria një 18-vjeçar dhe dy 16-vjeçarë, të gjithë nga Tetova, ndërsa tek ata janë gjetur dhe konfiskuar sende të forta dhe një send i mprehtë. Pas dokumentimit të rastit do të dorëzohet parashtresë përkatëse.
……Dje nga ana e zyrtarëve policorë të SP Tetovë, për shkak të qëndrimit të padeklaruar në vend, është arrestuar shtetasi i huaj një 26-vjeçar nga Peja, Republika e Kosovës. Ai është ndaluar në stacionin policor për procedurë të mëtejshme.
……Pas mesnate në ora 01:41 në SPB Tetovë, një qytetar nga Tetova, punonjës në NPK Tetova, ka denoncuar se derisa po kryente detyrat e punës në rrugën „Bllagoja Toska“ në afërsi të një objekti hotelier, është sulmuar fizikisht nga një person i panjohur. Po merren masa për identifikimin e autorit dhe zbardhjen e rastit.
Lajme nga vendi
Gostivari sot përkujton 29 vjetorin e ngritjes së flamurit shqiptar në komunë dhe dhunën barbare
Gostivari sot përkujton 29 vjetorin e ngritjes së flamurit shqiptar në komunë dhe dhunën barbare të aparatit shtetëror të Maqedonisë kundër këtij vendimi të asaj kohe kur në krye të komunës ishte Rufi Osmani, përcjell INA.
Në mëngjesin e hershëm të datës 9 korrik të vitit 1997, makineria policore maqedonase ia mësyen Gostivarit, për shkak të ngritjes së flamurit kombëtar shqiptar pranë komunës, si një e drejt që e kishte miratuar unanimisht pushteti lokal.
Eskortat policore ishin nisur pasi që natën e 8 korrikut, Parlamenti kishte sjellë një vendim kundër valvitjes së flamurit shqiptar.
Në mëngjesin e kobshëm, eskortat policore arrestojnë Rufi Osmanin si kryetar komune, si dhe kryetarin e Këshillit komunal, Refik Dauti. Po atë ditë pasoi edhe revolta dhe protesta e qytetarëve, ashtu që policia ushtroi dhunë barbare, duke lënë qindra të plagosur, por edhe të vrarë.
Në këto ngjarje tragjike në mbrotje të flamurit ranë tri dëshmorë, Shpend Iseini, Nazmi Saliu dhe Milaim Dauti, dhe u maltretuan me qindra dhe mijëra qytetarë të Gostivarit që kishin dalë në protestë në mbrotje të flamurit kombëtarë që ishte larguar nga godina e Komunës së Gostivarit.
Rufi Osmani tani i përkushtuar si profesor universitar gjithmonë përkujton këtë ditë të kobshme për Gostivarit dhe shqiptarët anembanë.
“Kur u zgjodha unë kryetar i Komunës së Gostivarit menjëherë morrën vendim që te përdoret edhe flamuri shqiptar në Maqedoni. Kërkesa erdhi edhe pse Shqipëria ndodhej në një krizë të thellë e njohur si kriza e 97, Kosova po ashtu. Ne e ndjemë se diçka po përgatitet, prandaj së bashku me Arbër Xhaferin dhe Alajdin Demirin realizuam një takim me kryeministrin e asaj kohe Branko Cërvenkovski.
Në këtë takim unë i ofrova kompromis, Cërvenkovskit, për të dalë prej situate. Kompromisi ishte që unë vullnetarisht të shkoj në burg për mos respektim të vendimit të gjykatës kushtetutare, ndërsa qeveria, gjegjësisht parlamenti të sjell ligjin për zyrtarizimin e flamurit kombëtar. Qëllimi im ishte të mos e pëson populli. Dhe në parim u ra dakord, këtë mund ta dëshmoj edhe Alajdin Demiri, i cili është gjallë.
Më 8 korrik, Parlamenti i Maqedonisë në ora 22:00 të natës miratoi ligjin dhe sjellja e ligjit politikisht neve na dha të drejtë, sepse me këtë ligj u abrogua vendimi i gjykatës kushtetutare, por për fat të keq ora 24:00, Branko Cërvenkovski që për mua vazhdon të jetë një kriminel ordiner, nga pozicioni i kryeministrit solli në Gostivar mbi 5000 mijë policë. Në ora 3 të mëngjesit burgosem unë, burgoset kryetari i Këshillit, dhe më 9 korrik ndodhi masakra e Gostivarit. U vranë tre qytetar të pafajshëm, u maltretuan me mijëra qytetar”, rrëfen Osmani.
Gjykata themelore e Gostivarit shpalli fajtor kryetarin e komunës së Gostivarit, Rufi Osmani, duku ia shqiptuar 14 vite burg, gjegjësisht 7 vite burg në instancën e dytë gjyqësore. U dënua edhe kryesuesi i këshillit Komunal, Refik Dauti, ndërsa ndëshkime pati edhe për kryetarin e atëhershëm të Tetovës, Alajdin Demiri si dhe kryesuesin e këshillit komunal Vebi Bexheti.
Ngjarjet e 9 korrikut të vitit 1997 edhe sot e kësaj dite, vazhdojnë të sjellin kujtesën e ngjarjeve më tragjike në mbrotje të flamurit kombëtarë që valvitej para godinës së Komunës së Gostivarit. (INA)
Shkëndija sonte zhvillon ndeshjen e xhiros së parë në UEFA Konferencë Liga kundër ekipit Europa FC në Gjibraltar duke kërkuar përkushtim maksimal dhe fitore për të lehtësuar ndeshjen e kthimit.
Sonte me fillim në ora 19:30 klubi I futbollit Shkëndija zhvillon ndeshjen e xhiros së parë të UEFA Konferencë Liga kundër skuadrës Europa FC të Gjibraltarit.
Ekipi mbrëmë ka zhvilluar séancën zyrtare stërvitore në terrenin ku edhe do të zhvillohet ndeshja.
Në press konferencën zyrtare pritshmëritë për ndeshjen e sotme i shpalosën trajneri Pollozhani dhe kapiteni Besart Ibraimi.
Trajneri Artim Pollozhani i cili zyrtarisht debuton si trajner i kuqezinjve në një ndeshje zyrtare siç është UEFA Konferencë Liga u shpreh optimist se edhe këtë vit ekipi do të ketë suksese.
“Fillon një cikël i ri për ne, fillojmë Kupat e Europës, një cikël i rëndësishëm. Siç e përmendët edhe ju, vjet klubi bëri një sukses të jashtëzakonshëm në Europë. Por, ai sukses tashmë i përket së kaluarës dhe sigurisht që ne do të tentojmë të shkojmë goxha larg këtë vit, sepse potenciali ekziston. Mendoj që me një qasje dhe angazhim maksimal, nga i pari deri te i fundit, mund ta arrijmë larg. Sa i përket fazës përgatitore, është mjaft e rëndësishme që ajo kaloi me sukses dhe i gjithë grupi është i plotë, kështu që do të konkurrojnë të gjithë ata që janë gati për ndeshjen e sotme” deklaroi trajneri Artim Pollozhani
Kapiteni Besart Ibraimi theksoi se kuqezinjtë janë favorit por do të luajnë me përkushtimin më lartë duke e respektuar kundërshtarin.
“Të them të drejtën, në ndeshjen e nesërme Normal që ne jemi favoritë, por me të vërtetë përkushtimi ynë do të jetë maksimal. Duhet të qasemi me seriozitetin më të madh, sepse në ditët e sotme nuk ka ndeshje të lehta. Jemi përgatitur, e kemi analizuar kundërshtarin dhe shpresojmë që nesër ta fitojmë ndeshjen, në mënyrë që në ndeshjen e kthimit ta kemi më lehtë” deklaroi kapiteni Besart Ibraimi
Ndeshja Europa FC – Shkëndija luhet sonte me fillim në ora 19:30.
Sonte me fillim në ora 19:00 skuadra tjetër nga Maqedonia e Veriut, Sileksi është mysafire e Dinamo Minsk.
Policia ka njoftuar se më 8 korrik, kanë gjetur një sasi të madhe të llojeve të ndryshme të drogës në një hapësirë të braktisur të bodrumit të një ndërtese në Komunën e Aerodromit, përcjell TV21. Nga policia bëjnë të ditur se po ndërmerren masa për zbardhjen e plotë të rastit, pas së cilës do të dorëzohet kallëzim përkatës.
“Më 08.07.2026, nga ana e zyrtarëve policorë të Njësisë për Tregti të Paligjshme pranë SPB Shkup, pas masave të ndërmarra paraprakisht, në hapësira të braktisura të bodrumeve në një ndërtesë në territorin e Komunës së Aerodromit është gjetur një sasi më e madhe e llojeve të ndryshme të drogës narkotike: lëndë e bardhë në formë gungash, kërpudha halucinogjene, një qese me një sasi më të madhe tabletash – ekstazi, marihuanë dhe tre peshore digjitale. Po ndërmerren masa për zbardhjen e plotë të rastit, pas së cilës do të dorëzohet kallëzim përkatës”, thonë nga MPB.
Gostivari sot përkujton 29 vjetorin e ngritjes së flamurit shqiptar në komunë dhe dhunën barbare
TETOVA ME DHJETË EKIPE NË LIGËN E TRETË – RAJONI GJASHTË!
6.25 MILIONË SPEKTATORË KANË NDJEKUR NDESHJET E BOTËRORIT!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
