Në Gjykatën Themelore në Kumanovë ka nisur procesi gjyqësor ndaj 25-vjeçarit Trajko Bojkovski nga Staro Nagoriçani, i akuzuar për një seri veprash të rënda penale, duke përfshirë pesë vrasje dhe dy tentativa për vrasje.

​I akuzuari u shoqërua në sallën e gjyqit nga punonjësit e policisë me pranga në duar. Ndërsa mediat po xhironin mbërritjen e tij, Bojkovski lëkundej në karrige dhe shikonte drejt tavanit, pa reaguar ndaj pranisë së publikut.

​Prokuroria Themelore Publike në Kumanovë ka ngritur më parë aktakuzë ndaj tij, duke e ngarkuar për një vepër penale të vrasjes dhe disa vepra penale të të njëjtit formë të kualifikuar, si dhe për dy tentativa për vrasje. Sipas aktakuzës, duke qenë se ai ka privuar nga jeta me paramendim disa persona, rrezikon një dënim me burg prej të paktën dhjetë vjetësh ose me burgim të përjetshëm.

​Prokuroria bën me dije se, sipas ekspertizave të kryera gjatë hetimit, ai i ka kryer veprat nga motive të tjera të ulëta, përkatësisht me qëllim të kënaqjes së pasioneve të tij seksuale mbi trupat e pajetë të grave.

​Sipas aktakuzës, vrasja e parë është kryer natën mes 5 dhe 6 janarit të vitit 2025 në fshatin Kleçovcë, ku i akuzuari ka privuar nga jeta një grua të moshuar dhe të pafuqishme në shtëpinë e saj. Në periudhën mes 5 dhe 7 qershorit të vitit 2025, në fshatin Dragomancë, në mënyrë të ngjashme ka privuar nga jeta edhe një grua tjetër.
​Prokuroria e ngarkon atë edhe për faktin se më 22 korrik të vitit 2025, në fshatin Çellopek, ka tentuar të vrasë një grua, por është arratisur pasi ajo ka filluar të thërrasë djalin e saj.

Advertisement

​Në aktakuzë thuhet se mes datave 17 dhe 18 janar të vitit 2026, në Nagoriçan të Vjetër, ai ka vrarë një grua tjetër, ndërsa mes datave 5 dhe 6 shkurt të vitit 2026, në Çellopek, ka privuar nga jeta edhe një grua tjetër të moshuar dhe të pafuqishme.
​Rasti i fundit, sipas Prokurorisë, daton më 9 shkurt të vitit 2026, kur në Çellopek ka tentuar sërish të privojë nga jeta një grua, por ka hequr dorë dhe është arratisur pasi ka dëgjuar një zhurmë.

Dje në orën 20:30, në afërsi të një objekti hotelier në Tetovë, zyrtarë policorë nga Departamenti i Policisë Kriminalistike në Tetovë kanë privuar nga liria personin një 19-vjeçar nga Tetova, për shkak të ekzistimit të bazave të dyshimit për kryerjen e veprës penale “vjedhje”, duke vepruar sipas denoncimit paraprak nga një 40-vjeçar nga Tetova, se po atë ditë nga automjeti i tij i udhëtarëve “BMV” me targa të Tetovës, i ishin vjedhur para dhe sende të tjera.
…..
Dje në orën 16:40 në SPB Tetovë, një 44-vjeçar nga fshati Novo Sellë e Tetovës ka denoncuar se më 07.07.2026 rreth orës 22:00 në rr. “Iliria” në Tetovë, djali i tij 16-vjeçar, pas një debati paraprak, është sulmuar fizikisht nga një i mitur, të cilin e njihte, i cili ka përdorur një send metalik.
……
Dje në orën 18:10 në DPB Gostivar është denoncuar se në rrugën lokale në fshatin Senokos të Gostivarit, automjeti i udhëtarëve “Mercedes” me targa të Gostivarit, i drejtuar nga një 31-vjeçar nga fshati Toplicë e Gostivarit, ka goditur një këmbësor të mitur nga fshati Senokos. Nga aksidenti, lëndime të rënda trupore ka pësuar i mituri, të konstatuara në Qendrën Urgjente në Gostivar.
……
Dje në orën 18:15 në rrugën Gostivar–Tetovë, në nyjën pranë fshatit Kamjan, zyrtarë policorë nga Stacioni Policor për Sigurinë në Trafikun Rrugor Tetovë kanë privuar nga liria një 32-vjeçar nga fshati Gllumovë e Shkupit. Gjatë kontrollit të trafikut rrugor dhe matjes me radar, zyrtarët policorë kanë ndaluar një automjet udhëtarësh “Volksvagen Polo” me targa të Shkupit, të cilin ai e drejtonte, dhe pas masave të ndërmarra është konstatuar se ai po e drejtonte automjetin me një shpejtësi prej 168 kilometrash në orë, në një vend ku shpejtësia e lejuar me shenjë komunikacioni është e kufizuar në 80 kilometra në orë. Ai është ndaluar në Stacionin Policor dhe pas dokumentimit të plotë të rastit, ndaj tij do të ngrihet padi përkatëse.

…….
Dje në SPB Tetovë, një 38-vjeçar nga fshati Reçicë e Vogël e Tetovës ka denoncuar se rreth orës 21:10 para shtëpisë së tij familjare në fshati Reçicë e Vogël, pas një mosmarrëveshjeje paraprake për hapësirën e parkimit, është sulmuar fizikisht nga fqinji i tij 66-vjeçar nga i njëjti fshat.
…..
Dje në orën 22:30 në rr. “Vëllezërit Milladinovi” në Tetovë, zyrtarë policorë nga SPB Tetovë kanë arrestuar një 50-vjeçar nga Tetova, në bazë të urdhëresës së gjykatës kompetente, për vuajtjen e dënimit me burg për vepër penale të kryer sipas nenit 300 paragrafi 3 të Kodit Penal. I njëjti është shoqëruar dhe dorëzuar në Institucionin Ndëshkues-Përmirësues Burgu i Tetovës për vuajtjen e dënimit.
……
Dje në orën 01:20 në Departamentin Policor të Grupçinit, një 51-vjeçar nga fshati Dëbërcë e Tetovës ka denoncuar se nga një automjet udhëtarësh “Citroen” në lëvizje është hedhur një bombë dore drejt objektit të tij hotelier, i ndodhur përgjatë rrugës lokale në fshat. Nga shpërthimi janë shkaktuar dëme materiale, ndërsa lëndime kanë pësuar një 57-vjeçar nga fshati Çiflik i Tetovës dhe një 60-vjeçar nga fshati Dëbërcë, të cilët ndodheshin në rrethin e restorantit. Të lënduarit janë dërguar menjëherë në Spitalin Klinik të Tetovës për t’u ofruar ndihmë mjekësore. Këqyrja e vendit të ngjarjes është kryer nga ekipi i ekspertizës nga SPB Tetovë, me ç’rast janë gjetur gëzhoja pistolete. Për ngjarjen është njoftuar Prokurori Publik nga PTHP Tetovë. Po ndërmerren masa dhe aktivitete për gjetjen e autorit dhe zbardhjen e plotë të rastit.

Ministria e Financave njofton se me ndryshimet ligjore synohet rritja e transparencës, garantimi i sigurisë juridike dhe mbrojtja më e madhe e pjesëmarrësve në giveaway.

Sipas ligjit të ri, çdo organizator do të duhet të sigurojë leje nga Ministria e Financave, ndërsa kërkesa duhet të dorëzohet të paktën 30 ditë para fillimit të giveaway-t. Bashkë me kërkesën duhet të dorëzohet dokumentacioni i nevojshëm, i cili ndryshon varësisht nëse organizatori është tregtar individual apo shoqëri tregtare.

Një nga risitë kryesore është edhe detyrimi për pagesën e një tarife prej 18 për qind të vlerës së përgjithshme të fondit të shpërblimeve, e cila duhet të paguhet brenda tre ditëve nga marrja e lejes. Në të kundërtën, leja do të revokohet.

Ligji parashikon gjithashtu publikimin e detyrueshëm të rregullave të giveaway-t para nisjes së tij, ndërsa emrat e fituesve duhet të publikohen jo më vonë se tre ditë pas përzgjedhjes. Shpërblimet duhet t’u dorëzohen fituesve brenda afatit të përcaktuar në rregullat e lojës, i cili nuk mund të jetë më i gjatë se 60 ditë nga publikimi i rezultateve.

Rregullat e giveaway-t do të duhet të përmbajnë të gjitha informacionet kryesore, përfshirë organizatorin, produktet ose shërbimet që promovohen, kushtet e pjesëmarrjes, kohëzgjatjen e lojës, mënyrën e përzgjedhjes së fituesve, vlerën e shpërblimeve dhe procedurën për paraqitjen e ankesave. Ligji ndalon pjesëmarrjen e të punësuarve te organizatori dhe të anëtarëve të familjeve të tyre të ngushta, ndërsa një giveaway nuk mund të zgjasë më shumë se një vit.

Advertisement

Për herë të parë, ligji jep edhe një përkufizim zyrtar të giveaway-t, duke e cilësuar si një lojë fati ku pjesëmarrja realizohet përmes aktiviteteve si like, tag, share ose publikimi i përmbajtjeve me qëllim promovimin e produkteve apo shërbimeve.

Me këto ndryshime rregullohen për herë të parë edhe aktivitetet promovuese në internet dhe rrjetet sociale, ndërsa Ministria e Financave vlerëson se korniza e re ligjore do të sjellë rregulla më të qarta për organizatorët, transparencë më të madhe dhe mbrojtje më të mirë për qytetarët që marrin pjesë në giveaway./INA/