Lajme nga vendi
Vazhdon të jetë i lartë numri i të prekurve nga gripi stinor, më të goditur janë fëmijët
Gripi stinor dhe virozat vazhdojnë të shqetësojnë të gjitha moshat, posaçërisht fëmijët. Në Institutin për Sëmundje të Mushkërive te Fëmijët “Kozle” takuam shumë fëmijë të sëmurë, disa prej tyre prisnin për kontroll ndërsa disa të tjerë për tu shtrirë në këtë spital.
“Erdha sepse po kollitem. Duhet të shtrihesh ose do të shkosh në shtëpi? Duhet të shtrihem. Sa ditë ke munguar nga shkolla? Një javë. A ka edhe nxënës tjerë që mungojnë sepse janë të sëmurë? Po. Ka shumë”.
“Prej kur janë të sëmurë? Tash një javë. Çfarë simptome kishin? Temperaturë, kollitje. Erdhët për kontroll? Ishim gjatë natës, na thanë që sot do të na pranojnë”.
Të shqetësuar ishin edhe gjyshërit dhe prindërit që shoqëronin fëmijët. Ndër simptomat që kishin ishin temperatura e lartë dhe kollitja.
“E vogla nuk është mirë, është ftohur prandaj erdhëm në kontroll, të shohim se çfarë ka. Çfarë simptoma ka? Temperaturë dhe vjellje. E bëmë pasqyrën e gjakut, po presim rezultatet”.
“Shumë keq, shumë keq por do të bëhemi më mirë. Prej kur është e sëmurë? Që pardje me temperaturë, vjellje pas çdo ushqimi, tash bëmë Rengen dhe pasqyrën e gjakut, të shohim se si do të jetë. Deri në sa e kishte temperaturën? 39 dhe 39.2, akoma është e lodhur. Çfarë moshe është? 13 muaj”.
Drejtor i institutit Kozle tha se brenda 24 orëve po kryhen 150 kontrolle të fëmijëve.
“Në hospitalizim deri nga fundi i javës së kaluar kishim diku 70 fëmijë, për momentin kemi 55 fëmijë të cilët kanë nevojë për hospitalizim. Ata fëmijë të cilët ne, apo mjekët tonë e shohin se ai mjekim mund të bëhet edhe në kurim shtëpiak me terapi shtëpiake, me inhalator, ata prindër të cilët kanë po edhe ata që nuk kanë për fëmijën e vet e blejnë nga një inhalator dhe pastaj vazhdojnë mjekimin në mënyrë shtëpiake prandaj e shohim që është një numër paksa I zvogëluar nga ajo që e kishim para një jave”, deklaroi Besnik Zeqiri, drejtor I ISHP “Kozle”.
Spitali i fëmijëve “Kozle” do të jetë në dispozicion të të gjithë personave në nevojë pavarësisht festave të fundvitit.
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
