Komisioni Shtetëror Zgjedhor në seancën e sotme pranoi një pjesë të ankesave për të drejtën personale të votimit nga persona të sëmurë dhe të pafuqishëm, të cilëve më herët nuk u ishte lejuar të votojnë në kushte shtëpie, përcjell Tv21. Personat, ankesat e të cilëve janë pranuar, do të duhet ta kenë me vete vendimin e lëshuar nga KSHZ gjatë votimit, pasi që ata nuk figurojnë në Listën Zgjedhore dhe as në pajisjet për identifikim biometrik.

Janë paraqitur rreth 9000 kërkesa për votim në kushte shtëpie, ndërsa afati për dorëzimin e ankesave përfundoi mbrëmë në mesnatë. Nuk do të votohet për tetë persona nga Shtëpia e të Moshuarve “Aria”, e cila është mbyllur me vendim të Ministrisë për Politikë Sociale.

Me datë 14.10.2025, në orën 16:50, në pikëpagesën rrugore “Petrovec” në Shkup, nëpunësit policorë kanë ndaluar M.A. (28) nga Bosnja dhe Hercegovina për shkak të ekzistimit të bazave të dyshimit për kryerjen e veprës penale sipas nenit 268 të Kodit Penal. Në të vërtetë, ai në pikë pagesën rrugore ka kaluar me mjet trasnportues me targa kombëtare boshnjake dhe në këtë rast ka paguar me kartëmonedhë prej 10 euro për të cilën i punësuari ka dyshuar se është e falsifikuar.
Kartmonedha është sekuestruar për veprime të mëtejshme. Ai po mbahet në stacion policor dhe pas dokumentimit të plotë të rastit, do të parashtrohet kallëtim përkatës.

Më 14.10.2025 në orën 16:00, zyrtarë policorë të SPB Tetovë kanë privuar nga liria personin M.M.(28) nga f. Çellopek.

Siç njoftojnë nga SPB Tetovë, ai në Spitalin Klinik në Tetovës ishte sjellë në mënyrë agresive ndaj personelit dhe kishte sulmuar fizikisht L.A.(31) nga f. Zhelinë, mjek në spital, ndërsa ai po përpiqej t’i jepte ndihmë mjekësore. Gjithashtu, pas arritjes së zyrtarëve policorë, M.M. ishte sjellë në mënyrë agresive edhe ndaj tyre dhe kishte sulmuar fizikisht njërin nga zyrtarët policorë.
Ai është ndaluar në stacionin policor dhe pas dokumentimit të rastit do t’i ngritet kallëzim përkatës.