Lajme nga vendi
Hyrja e Maqedonisë së Veriut në BE është në interes të Gjermanisë dhe BE-së, thotë deputeti gjerman
Bundestagu gjerman pa mëdyshje e pranon gjuhën maqedonase, kulturën dhe identitetin, thotë në deklaratën për Dojçe Vele, deputeti i Liberalëve (FDP), Tomas Haker. Si pjesë e shumicës parlamentare Haker është një nga iniciatorët e rezolutës në parlamentin gjerman për Maqedoninë e Veriut, e cila sot do të gjendet në rend dite të Bundestagut.
Me këtë rezolutë, Bundestagu dëshiron të inkurajojë Maqedoninë e Veriut që të zbatojë kompromisin me Bashkimin Evropian nga vera e vitit 2022, thotë Hakeri, duke aluduar në marrëveshjen për futjen e bullgarëve në Kushtetutë.
Deputeti gjerman thekson se hyrja e Maqedonisë së Veriut në BE është në interes të Gjermanisë dhe BE-së.
“Zbatimi i kompromisit nuk do të çojë në humbjen e gjuhës, kulturës dhe identitetit maqedonas, siç frikësohen disa persona të ekspozuar politik në Maqedoninë e Veriut”, thekson Haker. Sipas tij, përmbushja e marrëveshjes do t’i mundësojë Shkupit të hapë klasterin e parë negociator dhe kjo, siç thekson ai, “është e një rëndësie vendimtare”.
Në rezolutën për të cilën do të votojë Bundestagu gjerman mbështet të ardhmen evropiane të Maqedonisë së Veriut, njohjen e kulturës, identitetit dhe gjuhës maqedonase, si dhe një sërë rekomandimesh për qeverinë në Berlin. Ndër të tjera, nga qeveria federale kërkohet që të ndikojë në Bullgari që të mos pengojë procesin e anëtarësimit të Maqedonisë së Veriut në BE dhe të mos vendosë kushte shtesë.
Haker tha se Maqedonia e Veriut është një shembull unik në rajon për gatishmërisë e plotë për integrime euroatlantike. Kjo është arsyeja pse rezoluta kërkon që procesi i anëtarësimit në BE të bëhet “më inovativ”.
“Ashtu siç ka qenë prej vitesh, nuk mund të vazhdojë. Prandaj, Maqedonisë së Veriut dhe vendeve të tjera që sinqerisht mbrojnë anëtarësimin në BE, duhet t’u ofrojmë hapa të ndërmjetëm tërheqës. Propozimi i presidentes së Komisionit Evropian, Ursula fon der Lajen, e cila kërkon të mundësojë një lidhje më të ngushtë me vendet e Ballkanit Perëndimor me planin me katër pika, shkon në drejtimin e duhur”, thotë Haker.
Sipas tij, hapa të tillë janë detyrë ndaj vendeve të Ballkanit Perëndimor, “dhe veçanërisht ndaj Maqedonisë së Veriut”, sepse edhe tani është e dukshme se besueshmëria e BE-së në disa vende nuk është e pafundme.
Lajme nga vendi
Çmimet e shërbimeve hotelerike në janar – shtator 2025, janë rritur për 5,2 për qind
Çmimet e shërbimeve hotelerike në periudhën janar – shtator të vitit 2025 janë rritur për 5,2 për qind në krahasim me të njëjtën periudhë të vitit të kaluar, ndërsa në krahasim me dhjetorin e vititi 2024 për 1,9 për qind.
Sipas Entit Shtetëror të Statistikës, çmimet e shërbimeve hotelerike në shtator të vitit 2025 nuk kanë shënuar ndryshime në krahasim me muajin paraprak, por janë rritur për 4,7 për qind në krahasim me të njëjtin muaj të vitit të kaluar.
Çmimet në shërbimin hotelerike sipas grupeve në shtator të vitit 2025 krahasuar me gushtin e vitit 2025 janë rritur te Pijet joalkoolike me 0,1 për qind, ndërsa te grupet Ushqim, Pije alkoolike dhe Akomodim nuk janë shlnuar ndryshime.
MPB Maqedoni njofton se dje në orën 22:50 në rrugën rajonale Demir Kapi – Negotinë, oficerët e Stacionit të Policisë për Mbikëqyrjen Kufitare Mihajlovë arrestuan A.V. (47) dhe A.B. (54), të dy nga Shkupi.
“Gjatë kontrollit të një automjeti pasagjerësh “Volkswagen Polo” me targa të Shkupit, të drejtuar nga A.V., dhe pasagjerit me emrin A.B., u gjet B.U. (22), një migrant ilegal nga Turqia”.
“Automjeti u konfiskua, dhe me urdhër të prokurorit publik, migranti u vendos në Qendrën e Pritjes për të Huaj në Shkup. Personat janë ndaluar në stacionin policor dhe pas dokumentimit të plotë të rastit, kundër tyre do të ngrihen kallëzime përkatëse”, thonë nga MPB.
Nga Drejtoria e Doganave njoftojnë se në pikën kufitare “Bogorodicë” kanë sekuestruar 1,158 orë dore të falsifikuara.
Nga Drejtoria e Doganave shtojnë se në pikat kufitare deri në shtator të këtij viti janë zbuluar 63 raste të shkeljes së të drejtave të pronësisë intelektuale, duke sekuestruar pothuajse 78.000 produkte me marka të njohura tregtare.
“Gjatë një kontrolli të mallrave të deklaruara për tranzit në pikën kufitare Bogorodicë, u sekuestruan gjithsej 1.158 orë dore me markat e mbrojtura tregtare “Rolex”, “Boss”, “Armani” dhe “Tommy Hilfiger”. Rasti u zbulua nga një ekip doganor mobil, i cili, për shkak të dyshimit, kreu një kontroll të detajuar, duke gjetur orë vlera e të cilave, deklaruar sipas faturës nga një kompani kineze ishte 60.852 denarë.
Për shkak të dyshimit të bazuar për shkelje të të drejtës së pronësisë intelektuale, mallrat u bllokuan dhe u nis procedura për të përcaktuar origjinalitetin e produkteve”, thonë nga Drejtoria e Doganave.
Çmimet e shërbimeve hotelerike në janar – shtator 2025, janë rritur për 5,2 për qind
Ndalohen dy persona nga Shkupi, transportonin një migrant nga Turqia
Dogana e Maqedonisë sekuestroi 1.158 orë të falsifikuara
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota2 months agoTRAGJEDI familjare në SHBA : 34 vjeçarja vret burrin dhe dy fëmijë, më pas veten
-
Lajme nga rajoni1 month agoLëshohet për qarkullim ura e re mbi lumin Ibër
-
Lajme nga bota2 months agoTakimi Zelensky-Trump në Berlin, dhoma e Kancelarisë gjermane ku askush s’mund të përgjojë