Lajme nga vendi
Filarmonia detyron Qeverinë të ndryshojë qëndrim
Themelimi i institucioneve të reja, pa siguruar më parë ambientet ku do të ushtrojnë aktivitetin, është një praktikë që ka ndjekur dhe përndjek ende një pjesë të mirë të institucioneve të reja për kulturën shqiptare, ku janë dashur muaj, në mos edhe vite që të funksionojnë brenda godinave të dy ose më shumë institucioneve
Evis HALILI
Shkup, 21 qershor – U deshën tre muaj protestë që Filarmonia të detyronte Qeverinë që të ndryshonte qëndrim, duke miratuar dy vendime kontradiktore brenda kësaj periudhe. Për rrjedhojë Filarmonia nuk është e detyruar të ndajë ambientet e saj me Orkestrën e xhazit (e sapoformuar), ndërsa kjo e fundit me vendimin e djeshëm përfitoi ambiente të reja të përhershme. Themelimi i institucioneve të reja, pa siguruar më parë ambientet ku do të ushtrojnë aktivitetin, është një praktikë që ka ndjekur dhe përndjek një pjesë të mirë të institucioneve të reja për kulturën shqiptare, ku janë dashur muaj, në mos edhe vite që të funksionojnë brenda godinave të dy ose më shumë institucioneve, si ansambli i këngëve dhe valleve, Teatri i Tetovës…. Por një gjë e tillë nuk ndodhi me Filarmoninë, e cila për te muaj me radhë protestoi duke mos lejuar që qoftë edhe provizorisht Orkestra e re e xhazit të vendosej në objektin e tyre. “Në muajt e fundit, përveç që kemi luftuar për të ruajtur hapësirën tonë, ne kemi luftuar edhe kundër breshërisë së lajmeve të rreme dhe dezinformatash. Ne nuk iu dorëzuam presionit, i cili ishte i fortë dhe intensiv, as nuk hoqëm dorë nga lufta për të ruajtur hapësirën tonë të punës..”, thuhet në deklaratën e Filarmonisë.
Por pavarësisht ndryshimit të qëndrimit të Qeverisë dhe Ministrisë së Kulturës, në konferencën e djeshme ministrja e kulturës akuzoi drejtuesit Filarmonisë dhe kërkoi prej tyre të kërkojnë falje publike. “Si epilog i sinqertë i gjithë kësaj situate do të ishte – kërkimi i ndjesës publikut nga drejtori dhe Bordi Drejtues që me vetëdije manipuluan emrat e njohur të muzikës, por edhe autoritete nga bota e kulturës…, që me vetëdije i ekspozuan ndaj kritikave të publikut”, tha ministrja Bisera Kostandinova Stojçeva. Nga Filarmonia deklarojnë se nuk kanë ndërmend të kërkojnë falje, por të falënderojnë publikun që i mbështeti kundër vendimit të dëmshëm të Ministrisë së Kulturës. “Ministrja sërish na sulmoi. E vërteta e vetme e konferencës së ministres ishte konstatimi se protestat tona nuk ishin sindikaliste, po ato ishin artistike dhe për herë të parë të gjithë punonjësit morën anë tonë dhe të gjithë emrat e njohur të botës së muzikës”, thuhet në deklaratën e sindikatës së Filarmonisë.
Orkestra Kombëtare e Xhazit, me vendim të Qeverisë, do të ketë adresë të re të përhershme, në bulevardin “Goce Dellçev”, një hapësirë prej 475 m2, që është pjesë e hapësirës totale prej 1448 m2 në kuadër të Operës dhe Baletit Kombëtar, për rinovimin e duhur të së cilës tashmë ka një projekt dhe janë siguruar fondet. (koha.mk)
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
