Qytetarët të cilët kanë punuar në Irak dhe Afganistan kanë vazhduar protestën kundër tatimeve që u kërkohen t’i paguajnë në Drejtorinë e të Ardhurave Publike për periudhën kur kanë punuar jashtë vendit. Në protestën e shtatë me radhë, ata marshuan nga qendra e qytetit deri te Gjykata Themelore e Tetovës, raporton Portalb.mk.

Qytetarët të cilët kanë punuar jashtë thonë se shumë prej tyre kanë qëndruar jashtë vendit mbi 183 ditë dhe sipas ligjit për tatimin personal duhet të trajtohen si jorezidentë tatimorë, por ky status nuk na njihet nga DAP.

Sipas tyre, çdo qytetar që ka punuar në shtetet e lindjes por edhe të tjerë, duhet të paguajë mijëra euro tatim, para që më nuk i kanë meqë i kanë investuar.

Protestuesit thanë se përveç të hyrave shteti ka filluar që t’i tatimojë edhe dëmshpërblimet që disa kanë marrë, gjë që sipas tyre është e ndaluar edhe me ligje ndërkombëtare.

Drejtoria për të Ardhura Publike (DAP) para pak javësh ka sqaruar për Portalb.mk disa nga dilemat e ngritura nga qytetarët të cilët tani e disa javë po protestojnë.

Advertisement

Drejtoria e të Ardhurave Publike ka thënë se nuk se po vendosen detyrime të reja tatimore me efekt retroaktiv, por se bëhet fjalë për zbatimin e dispozitave ekzistuese ligjore nga Ligji për Tatimin mbi të Ardhurat Personale, të cilat kanë qenë në fuqi edhe në periudhën kur qytetarët i kanë realizuar të ardhurat nga jashtë vendit.

LEXO: DAP për protestat kundër tatimeve: Qëndrimi jashtë vendit 183 ditë nuk është i mjaftueshëm për statusin e jorezidentit
Ndërkaq kryeministri i vendit, ka theksuar se personat që kanë qenë të angazhuar jashtë vendit nuk do të kenë detyrim për pagesë shtesë të tatimit në Maqedoni, me kusht që të paraqesin dëshmi se kompania përmes së cilës kanë punuar i ka shlyer tashmë detyrimet tatimore në vendin ku kanë qenë të angazhuar.

LEXO: Mickoski: Qytetarët që kanë punuar jashtë vendit nuk do të paguajnë tatim shtesë nëse dëshmojnë se ai tashmë është paguar
Më 13 dhjetor 2025, qytetarët u befasuan nga vendimi i Drejtorisë së të Ardhurave Publike për mbledhjen e taksës mbi të ardhurat e padeklaruara nga jashtë Maqedonisë.

Disa prej tyre thanë se nuk janë të informuar mjaftueshëm për detyrimin e deklarimit të rregullt të këtyre të ardhurave, ndërsa të tjerë kishin theksuar se njoftimet nga DAP-i u kishin ardhur me vonesë, për të ardhura të realizuara vite më parë.

Pas kësaj, qytetarët të cilët kanë punuar jashtë kanë mbajtur disa protesta, kryesisht në Tetovë dhe Kumanovë.

Advertisement

Unionet e studentëve nga Universiteti i Tetovës, Universiteti “Nënë Tereza” dhe Universiteti i Evropës Juglindore kanë adresuar një thirrje publike drejtuar profesorëve universitarë, duke kërkuar mbështetjen e tyre për protestën e paralajmëruar më 6 prill, ora 12:30.

Përmes një letre pubike, studentët kërkojnë solidaritet dhe përkrahje nga profesorët e tyre, sic thonë, për një çështje që lidhet drejtpërdrejt me respektimin e të drejtave të garantuara me Kushtetutë dhe ligj – konkretisht, mundësinë për dhënien e provimit të jurisprudencës në gjuhën shqipe.

Rrugëtimi ynë akademik, sic thonë studentët, na ka bashkuar në momente krenarie, kujtime të bukura studentore por edhe sfida të përbashkëta.

“Sot gjendemi përballë një sfide të këtillë, ku mbështetja dhe zëri juaj janë të domosdoshëm për ne. Unionet e Studentëve në Universitetin e Tetovës, Universitetin e Evropës Juglindore dhe Universitetin “Nënë Tereza” janë bashkuar për të kërkuar një të drejtë që na takon me Kushtetutë dhe ligj, por që për vite me radhë u mohohet kolegëve tanë nga Fikulteti Juridik mundësinë për të dhënë provimin e jurisprudencës në gjuhën shqipe”

Në letrën publike gjithashtu thuhet se duke parë politizimin, refuzimin dhe pengesat që u paraqiten, tre unionet e studentëve kanë thirrur protestë më 6 prill ora 12.30 në Shkup duke filluar marshutën nga Ura e Gurit.

Advertisement

Mbështetja juaj e çmuar nuk ka munguar asnjëherë, thonë studentët,  prandaj shprehen të bindur se profesorët universitar edhe kësaj radhe do të qëndrojnë pranë tyre jo vetëm në kampuset universitare por edhe përmes një mbështetjeje publike dhe pjesëmarrjes suaj në ditën e protestës.

Gjatë ditës dhe natës së kaluar, në rajonin e SPB Tetovë janë shoqëruar gjashtë persona për shkak të dyshimit të bazuar për vepër penale sipas nenit 297-a të Kodit Penal – “drejtim I pakujdesshëm i mjetit motorik”. Të gjithë personat kanë drejtuar mjetet pa fituar të drejtën e drejtimit, gjegjësishtë pa leje drejtimi, me çrast mjetet u janë sekuestruar:

Në rr. “Bllagoja Toska” në Tetovë (ora 12:00 dhe 12:35): Janë privuar nga liria një 65-vjeçar nga fshati Pallaticë dhe një 62-vjeçar nga Tetova, të cilët drejtonin motoçikletë me targa të Tetovës. Në rr. “Iliria” në Tetovë në ora 13:45, në prani të prindit është privuar nga liria një 15-vjeçar i mitur nga Tetova, i cili drejtonte motoçikletë me targa të Tetovës.

Në lagjen “Çarshia e Epërme” në Tetovë, në ora 00:20, është privuar nga liria një 26-vjeçar nga fshati Trebosh, i cili drejtonte automjetin “Porsche” me targa të Tetovës.

Në rr.”Beliçica” në Gostivar në ora 01:15, është privuar nga liria një 20-vjeçar nga fshati Debresh, i cili drejtonte automjetin “Range Rover” me targa të Gostivarit.

Në rr.”Vëllezërit Gjinovski” në Gostivar në ora 01:20, është privuar nga liria një 52-vjeçar nga fshati Çegran, i cili drejtonte automjetin “Audi” me targa të Tetovës. Të gjithë janë ndaluar në stacion policor dhe pas dokumentimit të rasteve do të pasojnë parashtresat përkatëse.

Advertisement

……Dje, në orën 15:20 në Stacionin Policor të Gostivarit është shoqëruar një 24-vjeçare nga Gjermania, me qëndrim në Gostivar, për shkak të dyshimit për përfshirjen e saj në një sulm fizik të raportuar më parë, më datë 13 Djetor 2025.

……Dje, në orën 17:37 në DPB Gostivar është raportuar se në një shtëpi në rr. “Vëllezërit Gjinovski” është gjetur i vdekur një 73-vjeçar nga Gostivari, i cili jetonte vetëm. Mjeku I Ndihmës së Shpejtë ka konstatuar vdekjen pa gjurmë të dukshme dhune. Me urdhër të prokurorit publik, trupi është dërguar për obduksion.

……Sot, në mëngjes në orën 02:40 në rr.”Todor Cipovski Merxhan” në Tetovë, zyrtarët policorë kanë privuar nga liria një 31-vjeçar dhe një 30-vjeçar, të dy nga Shkupi, pasi që janë sjellë në mënyrë agresive ndaj policisë gjatë kryerjes së detyrës zyrtare. Ata janë ndaluar në stacion dhe pas dokumentimit do të vijojë kallëzimi përkatës.

Dje, në orën 22:50 në Tetovë, zyrtarë policorë nga SPB Tetovë kanë privuar nga liria personin një 27-vjeçar  nga Tetova, pasi që tek ai është gjetur dhe sekuestruar një lëndë pluhur i bardhë.

Një rast i njëjtë është evidentuar edhe sot pas mesnate në në orën 00:20 në Tetovë, zyrtarë policorë nga SPB Tetovë kanë privuar nga liria një 44-vjeçar nga Tetova.

Advertisement