Lajme nga vendi
Kontroll i jashtëzakonshëm në Klinikën e Kardiokirurgjisë pas vdekjes së një pacienti
Inspektorati Shtetëror Sanitar dhe Shëndetësor (ISHSSH) gjatë ditës ka kryer kontroll në Kardikururgji në Shkup, pas vdekjes së një pacienti, për të cilin familjarët e tij kanë thënë se për momentin nuk kanë kushte që ta operojnë dhe nuk kanë sallë të lirë pas operacionit.
Informacioni për kontrollin e ka konfirmuar ministri i Shëndetësisë, Arben Taravari në konferencën e sotme për shtyp. Ai tha se pacienti është pranuar në këtë klinikë dhe janë ndërmarrë të gjitha masat e nevojshme.
“Diseksion i aortës – kjo është diagnozë serioze, të paktën kolegët që janë në shëndetësi – mjekë ose punojës shëndetësorë, e dinë@, u përgjig ministri në pyetjen e gazetarëve për rastin.
Ai tha se pacienti është pranuar në klinikë, janë marrë të gjitha masat “sepse ka pasur hipertension, që të stabilizohet, e pastaj të operohet”.
“Ndërkohë, pacienti ka vdekur, për fat të keq. Nuk e di pse familja këmbënguli që të mos bëhej autopsia. Kolegët tanë këmbëngulën që të kryhej me çdo kusht një autopsi për të përcaktuar shkakun. Megjithatë, gjithsesi, sot ISHSSH është atje dhe menjëherë komiteti ynë i ekspertëve nga Ministria e Shëndetësisë, pasi ta marrim atë nga ISHSSH, do të dalë për të përcaktuar saktësisht se çfarë ka ndodhur. Megjithatë, nuk është e vërtetë që pacienti nuk është shtruar në spital. Është pranuar. Po ju them se njëra sallë po rinovohet në Kardiokirurgji, salla tjetër funksionon. Nuk ishte sikur të kishte një rast tjetër, që ky duhej të priste. Presioni duhej të stabilizohej në mënyrë që të ishte në gjendje të vepronte”, shtoi ministri.
Lajme nga vendi
Ndërpritet bojkoti i mësimit në Vaksincë! Suspendohet arsimtarja deri në ekzaminimet mjekësore
Pas një muaji të plotë bojkot, ka rifilluar mësimin në filloren e Vaksincës. Pas raportimit të vazhdueshëm të TV21 për mos reagim në kohë të institucioneve, më në fund drejtoria e shkollës mori vendim për suspendim të arsimtares së anglishtes S.S. për të cilën dyshohet se ka probleme shëndetësore. Drejtori i Sh. F. “Rilindja” përmes telefonit e konfirmoi se arsimtaren në fjalë e kanë larguar nga puna 3 muaj deri sa të kryhen procedurat administrative dhe ekzaminimet shëndetësore te Instituti i mjekësisë së punës.
Nga Komuna e Likovës thanë se kanë urdhëruar drejtorinë që ta zëvendësojnë përkohësisht me një arsimtare tjetër të anglishtes në mënyrë që mësimi të mos ngecë, ndërsa gjatë pushimit pranveror dhe veror do të kompensohen 4 javët e humbura mësimore. Nga Inspektorati shtetëror i arsimit thonë se brenda afateve ligjore presin raportin e drejtorisë për ekzaminimet mjekësore për të vendosur nëse arsimtarja S.S. i plotëson kushtet për tu rikthyer në mësim ose për përjashtim të përhershëm nga puna.
Lajme nga vendi
MICKOSKI HEQ DORË NGA BLERJA E AEROPLANIT QEVERITAR!: Do të lutemi që të mbetemi gjallë
LSDM-ja thotë se qeveria planifikon të blejë një aeroplan të ri me vlerë rreth 100 milion euro, derisa refuzon ta rrisë pagën minimale në 600 euro. Sipas socialdemokratëve me shumën prej 100 milion euro sigurohet gjysma e mjeteve të nevojshme për rritjen e pagës minimale, mund të ndërtohen 20 shkolla bashkëkohore, 25 cerdhe dhe 10 konvikte studentore.
BOGDANKA KUZESKA – LSDM
“Shteti nuk është pronë private, kurse paratë e popullit nuk janë lojra për pushtetin criminal. Derisa populli njeh denarët deri në fund të muajit, punëtorët janë në rrugë për pga më të larta, Kryeministri fluturon për pushime me aeroplan qeveritar”
Pas akuzave nga LSDM-ja, Kryeministri Mickoski potencoi se Qeveria heq dorë nga blerja e aeroplanit të ri. Sipas tij, nisma për këtë blerje kishte ardhur nga euipazhi që menaxhon aeroplanin.
HRISTIJAN MICKOSKI – KRYEMINISTËR
“Shoh që opozita po krijon tema edhe pse në një nga takimet e liderëve formale dhe joformale që kam patur me Filipçen, ai ishte I qartë dhe tha se për këtë nuk duhet kritikiuar qeveria, për shkak se nesër do të ketë qeveri tjetër, kurse avioni do të shfrytëohet edhe për qëllime humanitare. Por, shoh se nuk e mbajnë fjalën. Ne tërhiqemi nga blerja dhe do të lutemi të mbetemi gjallë”
Lidhur për akuzat e LSDM-së për rritjen e pagave, VMRO-DPMNE thotë se si opozitë kanë mbrojtur rritjen e pagave.
Me 40 amendamente vepruam që paga minimale të mbetet në formulën e llogaritjes – thanë nga VMRO-DPMNE.
Ndërpritet bojkoti i mësimit në Vaksincë! Suspendohet arsimtarja deri në ekzaminimet mjekësore
Vatikani refuzon ftesën e Trump për ‘Bordin e Paqes’/ The Independent: Mbështet OKB-në për zgjidhjen e krizave globale
Fjala përfundimtare e mbrojtjes, kërkohet pafajësi e plotë për katërshen e UÇK-së
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
