Sport
6.25 MILIONË SPEKTATORË KANË NDJEKUR NDESHJET E BOTËRORIT!
Në Kupën e Botës që po zhvillohet në SHBA, Kanada dhe Meksikë deri më sot janë zhvilluar 96 ndeshje prej të cilave 76 kanë përfunduar me fitore, ndërsa 20 me barazime. Katër vende kualifikim në fazat e eliminimit direkt e kanë siguruar me penalti. Statistikat thonë se janë shënuar 275 gola dhe 13 kartonë të kuq. Messi me 8 gola kryeson listën e golashënuesve. Ndeshjet i kanë ndjekur afro 6 milion e 250 mijë tifozë.
Kampionatit Botëror 2026, që zhvillohet në SHBA, Kanada dhe Meksikë po i afrohet fundit.
Nga 104 sa ishin paraparë të zhvillohen, deri ditën e sotme janë zhvilluar 96 ndeshje, prej të cilave 76 kanë përfunduar me fitore, ndërsa 20 ndeshje kanë përfunduar me barazim, por tre ndeshje në fazën e 1/16 së finales dhe një në 1/8 e finale ekipet fituesit dolën pas ekzekutimit të penaltive.
Në 96 ndeshje zhvilluara janë regjistruar 275 gola dhe janë ndëshkuar 13 futbollist me kartonë të kuq.
Listën e golashënuesve më të mirë e kryeson Lionel Mesi me 8 gola të shënuar dhe 2 penalti të humbura, pas tij janë Mbape dhe Haland me nga 7 gola dhe Harri Kejn me 6 gola.
Mbrojtësi i Egjiptit, Mohamed Hany, u bë futbollisti i parë në histori që realizon dy autogola në të njëjtin edicion të Kupës së Botës
Botërori 2026 ka regjistruar edhe numrin rekord të tifozëve. Kështu që deri në përfundimin e fazës së 1 / 8 finale në Kupën e Botës FIFA 2026, numri total i tifozëve në tribuna ka arritur në mbi 6.25 milionë spektatorë.
Kjo shifër ka thyer çdo rekord historik të pjesëmarrjes në kompeticionet botërore të futbollit dhe besohet se deri në përfundim të Kupës së Botës numri i tifozëve mund të arrijë afro 7 milion.
Pavarësisht shifrave mbresëlënëse Botërori 2026 do të mbahet mend edhe për vendime të diskutueshme të arbitrave, akuza dhe dyshime për favorizime të kombëtareve të caktuara por edhe për implikimin e politikës në futboll.
SHABAN SINANI – TV KOHA
Kampionati në Ligën e dytë të futbollit vendor vazhdon nesër me gjashtë ndeshje të xhiros së dytë , ndërsa dueli Teteksi – Rabotniçki është caktuar për datën 24 gusht. Derbi i javës së dytë zhvillohet në stadiumin e Kamjanit mes KF Kamjani – KF Osogova . Të gjitha ndeshjet fillojnë në ora 16:30.
Debutuesi në Ligën e dytë klubi i futbollit Kamjani pas barazimit historik kundër Pelisterit në Manastir në kuadër xhiros së parë sezonale nesër debuton edhe para publikut vendas ku do të përballet me ekipin e Osogovës.
Pikërisht për këtë ndeshje drejtuesit e klubit dhe stafi teknik organizohen në nivelin më të lartë mundshëm në të gjitha aspektet.
Pika e fituar në Manastir ka vlerën e madhe por vetëm nëse kundër Osogovës skuadra arrinë të arkëtojë tre pikët.
Trajneri Burhan Emurllai për TV Koha tha se kanë analizuar kundërshtarin dhe shpreson që futbollistët të zbatojnë detyrat
BURHAN EMURLLAI- Trajner i KF Kamjani
‘’Ekipi është e përgatitur , kjo pika në Manastir na dha një vetëbesim. Mirëpo pas një analize të shkurt dje e mbyllëm Pelisterin tani i gjithë fokusi jonë është te Osogova . Domethënë ndeshje shumë e rëndësishme për ne është fillimi i kampionatit akoma edhe tre pikë në këtë ndeshje janë shumë të rëndësishme për ne, nëse marrim tre pikët do të jemi në rrugë të mirë .Kemi kaluar një ndeshje me kundërshtarë të fortë me Pelisterin . Dmth çdo gjë të shtunën përpos tre pikëve nuk na intereson nëse çalojmë atëherë këtë ndeshje atëherë pika me Pelisterin nuk vlen deri sa nuk marrim tre pikët me Osogovën. Kështu që jemi të përgatitur psiqikisht, do të jemi me këmbë në tokë të kaloj një ndeshje e mirë tani të fokusohemi te ndeshja e radhës . E kemi ndeshjen e parë në shtëpi , mendoj se do të ketë edhe tifozë, nuk duhet që ti zhgënjejmë. Do të japim maksimumin ‘’deklaroi trajneri Burhan Emurllai
Trajner i Emurllai ka edhe një porosi për tifozët e klubit, që të jenë në numër sa më të madh dhe t`i përkrahin ashtu siç meriton klubi.
BURHAN EMURLLAI- Trajner i KF Kamjani
‘’Patjetër që duhet të na përkrahin. Do ta përkrahin këtë ekip dhe këto djem të cilët të dielën në mbrëmje na nxorën të gjithëve faqebardhë, luftuan dri në atomin e fundit mos dalin të mposhtur atje . Tani ngelën të shtunën këtu që të kem përkrahje të publikut ti marrim tre pikët se janë shumë pikë të rëndësishme për kampionatin ku çdo pikë është e rëndësishme për ne ‘’ tha trajneri Emurllai
Në javën e dytë të kampionatit nesër me fillim në ora 16:30, takohen: Kamjani – Osogova, Novaci – Bellasica, Detoniot Plaçkovica – Ohri, Kozhufi – Shkupi, Euromilk – Makedonija Gj.P, Pelisteri – AP Brera ndërsa ndeshja Teteksi – Rabotniçki luhet më 24 gusht me fillim në ora 16:30.
Të shtunën zhvillohen dy ndeshje e javës së katërt të rrethit të parë të sezonit vjeshtor. Në stadiumin në Çair, me fillim në ora 16:30, takohen Shkëndija e Haraçinës – Arsimi ndërsa në orën 17:00 në terrenin e FFM-së takohen Skopje – Tikveshi.
Ndeshja mes Shkëndijës së Haraçinës dhe Arsimit të Çegranit konsiderohet një mini derbi i javës së katër të kampionatit meqë për herë të parë luajnë njëra kundra tjetrës si anëtare të elitës së futbollit vendor.
Haraçinasit në tre xhirot e para kanë një disfatë në javën e pare, barazim me Sileksin javën e dytë në Çair dhe fitore në transfertë kundër Tikveshit në Kavadar në javën e tretë.
Pas fitores në Kavadar skuadra e Berat Imerit është motivuar të vazhdon rrugëtimin e sukseseve edhe kundër Arsimit , kësaj radhe para tifozëve të vet në Çair.
Trajneri Berat Imeri për TV Koha deklaroi se sfida me Arsimin do të jetë shumë e vështirë.
‘’ Na pret një ndeshje shumë e vështirë . Ne kemi shumë respekt për ekipin e Arsimit , Duhet të jemi shumë serioz . Gjatë tërë javës do të punojmë që të japim maksimumin dhe shpresoj për rezultat pozitiv. Por e rëndësishme është që futbollistët duhet ta kuptojnë se nuk ka ndeshje të lehta në kategorinë e parë. Jam optimist, presim fitore por nuk do të jetë lehtë‘’deklaroi Berat Imeri trajneri i Shkëndijës së Haraçinës
Futbollisti i Arsimit, Fatjon Jusufi, tha se pas dy dështimeve në dy xhirot e para, fitorja kundër Bashkimit, sadopak ktheu vetëbesimin dhe se kundër Shkëndijës së Haraçinës do të mundohen të nxjerrim rezultat pozitiv, me angazhimin maksimal të të gjithë ekipit.
“ Realisht mendoj se do të jetë një ndeshje shumë e vështirë edhe nga ana jonë edhe nga ana e Shkëndijës së Haraçinës. Mendoj se do të jetë një ndeshje mjaftë e luftuar fizikisht. Ekipi i cili do të bëjë më pak gabime besoj se edhe do ta fitoje ndeshjen. Ne kemi analizuar kundërshtarin edhe po punojmë në at aspekt. Mendoj se ndeshjet e para ne që i kemi luajt janë një shembull që nuk duhet marrë pasi është fillimi i kampionatit dhe shumica e lojtarëve ende nuk ishin kompozuar me ne. Më shumë jemi të hendikepuar nga viti i kaluar sepse shumicën e lojtarëve kanë ndruar ekipe edhe shumë të tjerë kanë ardhur tani. Por besoj se dalëngadalë do ta kapim edhe forcën fizike edhe po kthehemi bashkërisht si ekip dhe besoj se pas ndeshjes me Bashkimin dal nga dal ne do e kapim ritmin dhe në secilën ndeshje pa pa marr para sysh jashtë apo brenda për rezultate pozitive “ deklaroi futbollist Fatjon Jusufi.
Në terrenin FFM-së me fillim nga ora 17:00 do të përballen Skopje me Tikveshin e Kavadarit.
Dy ndeshjet e fundit të javës së katërt, Vardari – Sileksi dhe Shkëndija – Struga Trim Lum, zhvillohen të hënën.
Java e katërt e sezonit vjeshtor në Ligën e parë të futbollit vendor hapet nesër me ndeshjen Bregallnica – Bashkimi.
Dy ekipet në tre xhirot e para nuk mund të lëvdohen se kanë shënuar ndonjë sukses të veçantë. Bregallnica ka shënuar një fitore dhe dy humbje, ndërsa Bashkimi ka tre humbje.
Dy skuadrat do të përpiqen të dëshmojnë se kriza në fillim të kampionatit tanimë është kaluar duke pretenduar për rezultate pozitive.
Ekipi i Bashkimit vazhdon me prurjen e përforcimeve të reja.
Së fundmi, prurja e re është Fati Ismaili, një emër i njohur në futbollin vendor meqë ka qenë pjesë e Shkupit, Rabotniçkit dhe Gostivarit ndërsa ka luajtur edhe në Kosovë për Vushtrrinë dhe Dinamo e Ferizajit.
Prurja tjetër është Stefan Ristovski, sulmues krahu, i cili vjen nga Detonit Plaçkovica.
Ndeshja Bregallnica – Bashkimi luhet nesër me fillim në ora 19:00.
Të shtunën takohen Skopje – Tikveshi dhe Shkëndija Haraçinës – Arsimi, ndërsa të hënën Vardari – Sileksi dhe Shkëndija – Struga Trim Lum.
Vandalizohen pajisjet e shënjimit dimëror në Kodrën e Diellit, reagon Ambasada e Austrisë
VLEN: BDI-ja e ka humbur betejën me shqiptarët, zgjedhjet do ta vulosin fundin
Mickoski për vendimin e Abazit: 14 persona u dogjën të gjallë në spitalin modular në Tetovë, ndërsa Prokuroria nuk konstatoi përgjegjësi, rasti nuk ka përfunduar, gjithmonë mund të dalin detaje të reja
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
