Sakrifikimi i vetëdijshëm i përgjegjësisë penale për tragjedinë në spitalin modular në Tetovë përbën një riviktimizim të 14 viktimave, të dinjitetit të tyre dhe të dhimbjes së familjarëve.

Ali Ahmeti dhe Prokuroria e drejtuar nga Islam Abazi i detyrohen publikut një përgjigje: si është e mundur që pas 14 jetëve të humbura, në fund të dalë se “fajtor” është kablloja?

Ky rast rrezikon të mbetet një nga shembujt më të turpshëm të papërgjegjshmërisë institucionale dhe të një drejtësie të kapur.
Drejtësia nuk mund të varet nga ndikimi politik, përkatësia partiake apo funksioni i askujt. Kur për një tragjedi me 14 viktima nuk ka përgjegjësi të plotë dhe të paanshme, nuk kemi të bëjmë vetëm me dështimin e një aktakuze, por me një humbje të rëndë të të gjithë sistemit të drejtësisë.

Ky epilog skandaloz është barrë mbi udhëhëqësinë e pareformuar të BDI-së, i cili edhe një herë dëshmon se shqiptarët i përdor si alibi perfekte për obsesionin e tij me pushtetin – pushtet që për ta nënkupton privilegje, tenderë dhe kolltuqe, e jo përgjegjësi para qytetarëve.

Për BDI-në, duket se 14 jetët njerëzore janë vetëm statistikë. Por për familjet e viktimave ato janë jetë të pazëvendësueshme, ndërsa për gjithë shoqërinë janë një detyrim që e vërteta të zbardhet dhe drejtësia të vihet në vend.
VLEN nuk do të lejojë që tragjedia e Tetovës të harrohet dhe as që përgjegjësia të varroset në labirintet e prokurorisë dhe gjykatave.

Advertisement

Do të vazhdojmë të kërkojmë hetim të pavarur, përgjegjësi të paanshme dhe drejtësi për secilën prej 14 jetëve të humbura.

Ndëshkimi politik për këtë papërgjegjshmëri do të vijë në zgjedhjet e ardhshme parlamentare, kurdo që të mbahen.
Shqiptarët po nisen për drejtësinë e tyre.

Zëvendësministri i Mbrojtjes, Admir Shabani ka reaguar lidhur me debatet për listën preliminare të kandidatëve për pranimin e kadetëve në Akademinë ushtarake, duke theksuar se bëhet fjalë për një fazë paraprake të procesit dhe jo për listën përfundimtare të kandidatëve të pranuar.

Sipas tij, nxjerrja e përfundimeve për rezultatin përfundimtar të konkursit para përmbylljes së procedurës është e parakohshme. Shabani thekson se rritja e përfshirjes së të rinjve shqiptarë në sistemin e mbrojtjes mbetet një prioritet, duke shtuar se që nga publikimi i konkursit janë ndërmarrë aktivitete për promovimin dhe informimin e të rinjve për mundësinë e aplikimit.

“Brenda afatit të paraparë vetëm dy kandidatë shqiptarë u paraqitën dhe dorëzuan dokumentacionin përkatës”, thekson zv/ministri Shabani.

Ai vlerëson se sfida nuk duhet të shihet vetëm përmes numrit të shqiptarëve në një listë preliminare, por edhe përmes pyetjes se pse interesimi i të rinjve për profesionin ushtarak mbetet i ulët.

Sipas tij, institucionet duhet të punojnë për ta bërë profesionin ushtarak më tërheqës, përmes mundësive për arsimim, zhvillim profesional, kushteve bashkëkohore të punës dhe perspektivës së qartë për karrierë.

Advertisement

Zëvendësministri ka paralajmëruar se aktivitetet për promovimin e Akademisë ushtarake dhe mundësive për karrierë në Ministrinë e Mbrojtjes dhe Armatë do të vazhdojnë edhe në periudhën e ardhshme.

“Synimi ynë është që në gjeneratat e ardhshme të kemi një numër dukshëm më të madh të kandidatëve shqiptarë të interesuar dhe cilësorë, të cilët, mbi bazën e kritereve të përcaktuara dhe rezultateve të tyre, do të bëhen pjesë e sistemit”, thekson ai.

Në fund, ai ka bërë thirrje që debati për përfaqësimin të mos kufizohet vetëm në akuza politike, por të shoqërohet me angazhim konkret për motivimin e të rinjve që të aplikojnë dhe të ndërtojnë karrierë në institucionet e mbrojtjes.

“Nuk do të premtojmë vetëm shifra në letër. Do të krijojmë mundësi, do të motivojmë të rinjtë dhe do të punojmë për rezultate konkrete që do të shihen në gjeneratat që vijnë”, përfundon reagimi. përcjell Zhurnal.mk .

Advertisement

Kanë kaluar 24 orë nga kërkesa për zgjedhje të parakohshme parlamentare. Nga VLEN-i ende asnjë fjalë. Në këtë mënyrë kanë reaguar nga BDI-ja pasi ditëve të fundit u riaktualizuan kërkesat për zgjedhje të parakohshme në vend.

Madje këtë reagim, BDI-ja në rrjetet sociale e ka ilustruar me një fotografi me mbishkrimin “KALUAN 24 ORË, s’VLEN-I ENDE I STRUKUR DHE PA ZË PËR ZGJEDHJE TË PARAKOHSHME”.

Ata që shkelën legjitimitetin, tani fshihen sapo u kërkohet që legjitimitetin ta matin para qytetarëve. s’Vlen-i e di se nuk e ka pasur dhe nuk e ka mbështetjen e shqiptarëve. E di se pushteti i tij mbështetet te lëmosha e padronëve politik dhe te frika nga vota e lirë. Nëse kanë marrë leje, le t’i pranojnë zgjedhjet e parakohshme.  Heshtja e tyre tashmë është përgjigje: kanë frikë nga qytetarët dhe nga verdikti që i pret.

BDI-ja e ka humbur betejën me shqiptarët, zgjedhjet do ta vulosin fundin. Kjo ka qenë kundërpërgjigja e VLEN-it, duke pohuar se BDI para se të kërkojë zgjedhje, sic thonë, duhet të shpjegojnë pse askush në partinë e tyre nuk mori përgjegjësi politike pas humbjes në zgjedhjet lokale.

Edhe në VLEN janë paraqitur kreativ. Reagimi i tyre është shoqëruar me një fotografi të një tubimi parazgjedhor.

Advertisement

Bisedat për legjitimitet dhe kërkesat për zgjedhje të parakohshme janë vetëm për në shtëpi, për t’i mbajtur të njëjtët politikanë në kondicion dhe për t’u shitur shpresë se së shpejti do të kthehen në pushtet për të vjedhur përsëri. Por këto përralla nuk kalojnë më as në Reçicë të Vogël.BDI-ja e di shumë mirë se më pak se një vit më parë, shqiptarët me votë i larguan nga të gjitha komunat me shumicë shqiptare dhe se çdo përballje e re me qytetarët do të thotë një tjetër shuplakë për ta. Në zgjedhjet e ardhshme, qytetarët do ta përfundojnë punën dhe kjo udhëheqje e pareformuar e cila funksionon si një politbyro, do ta dërgojnë direkt në pension politik.

Shumica parlamentare është e fokusuar në punë, por nuk përjashtohet mundësia t’i përgjigjet kërkesës së opozitës për zgjedhje të parakohshme parlamentare, deklaroi kryeministri Mickoski.

Ai tha se koalicioni qeveritar ka legjitimitetin për një mandat të plotë katërvjeçar dhe nuk mendon për zgjedhje të parakohshme.  Sipas tij, qytetarët nuk duan zgjedhje, por edhe nëse ka të tilla, ai është i sigurt në fitore të partive që aktualisht formojnë shumicën parlamentare./Tv Koha/