Lajme nga vendi
Ruskovska: Prokurori Publik nuk mund të përzihet në lëndët konkrete të prokurorëve
Kryetarja e Prokurorisë për Ndjekjen e Krimit të Organizuar, Villma Ruskovska, konteston raportin e përgatitur nga Prokuroria Publike e Lubomir Joveskit, lidhur me bastisjen në Drejtorinë e Policisë Financiare.
Ruskovska për “Alsat” tha se prokurori publik nuk ka të drejtë ligjore të ndërhyjë në trajtimin e rastit konkret.
Paraprakisht, Prokuroria Publike ka njoftuar se ka konstatuar parregullsi tek prokurorët që kanë bërë kontroll në punën e Arafat Muaremit.
Nga atje shtojnë se janë kërkuar informacione të caktuara nga prokurorët, por Ruskovska mohon që edhe ajo të jetë thirrur për të dhënë deklaratë.
“Vetëm njëri nga prokurorët publik ka vepruar në detyrë dhe ka ofruar informacionin e kërkuar. Refuzimi për të dhënë informacionin e kërkuar për të përcaktuar faktet e trajtimit të çështjes konkrete, mbështet dyshimin për mospërputhje në veprim”, thonë nga PTHP.
“Jo, nuk më është kërkuar të jap deklaratë”, tha Vilma Ruskovska – Kryetare e Prokurorisë për Ndjekjen e Krimit të Organizuar.
Më tej, nga Prokuroria Themelore Publike njoftojnë se personat e Drejtorisë mbi të cilët është kryer bastisja kanë autorizime policore, prandaj, për ta mund të veprojë vetëm Reparti i specializuar për ndjekjen e veprave penale, të kryera nga persona me autorizime policore.
“Sipas kësaj, tre prokurorët publik nga Prokuroria Themelore Publike për ndjekjen e krimit të organizuar dhe korrupsionit që kanë vepruar në këtë lëndë ndërsa nuk janë pjesë e Repartit të specializuar, pa kompetencë kanë vepruar lidhur me kallëzimin penal. Prokurori publik i Republikës së Maqedonisë së Veriut tregon se lënda duhet të vendoset në regjistër përkatës dhe sipas orarit t’i jepet prokurorit publik, që është i sistemuar në Repartin e specializuar”, thanë nga PTHP.
“Shtrohet pyetja nëse drejtori ka autorizime policore duke pasur parasysh që e emëron Qeveria. Sidoqoftë, lënda mund të bartet nga një regjistër në tjetër dhe kjo është e ligjësuar”, theksoi Villma Ruskoska- kryetare e Prokurorisë për ndjekjen e krimit të organizuar.
PTHP ka vërtetuar parregullsi edhe gjatë kërkesës për bastisje, që e ka miratuar gjykatësi kompetent.
“Kallëzimi anonim penal dhe gjetjet konkrete në të, pa u mbështetur me asnjë dëshmi apo mjete tjera, mund të jenë shkak për nisjen e procedurës penale, por kjo nuk siguron nivel të caktuar të besueshmërisë se do të gjenden gjurmë të veprës penale apo lëndë të rëndësishme për procedurën penale që të ketë baza për kërkimin e bastisjes së hapësirave të organit shtetëror ose bastisje të personit”, u shprehën nga PTHP.
“A ka bazë për dhënien e urdhrit për bastisje vendos gjykata e jo prokurori publik. Nëse dikush ka vlerësuar se bastisja është joligjore, ka mundur të dorëzojë ankesë pranë Këshillit penal të gjykatës. Me sa e di unë, ankesë e tillë s’është dorëzuar”, theksoi Villma Ruskoska- kryetare e Prokurorisë për ndjekjen e krimit të organizuar.
Joveski sot ka obliguar Ruskovskën tërësisht ta hetojë veprimin për këtë lëndë dhe t’ia dorëzojë informacionet për lëshimet dhe faktet për përgjegjësi të mundshme./Alsat/
Erdhi në Tetovë pa përkthyes. Ndoshta mendoi se shqipja është dialekt sezonal që aktivizohet vetëm më 28 Nëntor.
Kjo është Ministrja e Arsimit, Vesna Janevska, e njohur për qëndrimet e saj “parimore” kundër UÇK-së, kundër festimit të Ditës së Flamurit kombëtar shqiptar dhe, në përgjithësi, kundër çdo gjëje që tingëllon shqip.
Kësaj radhe, megjithatë, i hasi sharra në gozhdë.
Në një ngjarje të mbajtur në Universiteti i Tetovës, ministrja nuk arriti ta kuptojë rektorin Jusuf Zejneli. Çudi e madhe: në Tetovë flitet shqip. Gazetarët shqiptarë, me një dozë ironie që zor se përkthehet, i sugjeruan që herën tjetër të vijë me përkthyes. Ja përgjigja e sajë…
Atmosfer…
Vesna Janevska dëshmoi edhe një herë se nuk ngurron t’i artikulojë qëndrimet e saj nacionaliste. Por as gazetarët nuk i lëshuan rrugë: ia bënë të qartë se ndodhet në një qytet ku shqipja nuk është “opsion”, por gjuhë e përditshme — dhe simbolikisht ia larguan mikrofonat.
Afmosferë….
Një rikujtesë miqësore për ministren: Universiteti i Tetovës nuk është thjesht institucion. Është themeluar me gjak, viktima e protesta, dhune e sakrifica, dhe për shumëkënd mbetet simbol i të drejtës për arsim në gjuhën amtare.
Po ashtu, një shfletim i Kushtetutës së Maqedonisë së Veriut do të ishte mëse i nevojshëm për Janevskën. Amendamenti 5, pika 1, e përcakton qartë se çdo gjuhë që flitet nga së paku 20% e qytetarëve është gjuhë zyrtare, bashkë me alfabetin e saj.
Ndoshta, para se të merret me ligjet e arsimit, do të ishte e dobishme t’ia kujtojmë se kushtetuta nuk është broshurë dekorative — por themeli mbi të cilin ndërtohet (ose rrëzohet) serioziteti institucional.
Propozim ligji i ri për ndryshime në arsimin e lartë është i papranueshëm për senatin e universitetit të Tetovës dhe ky senat ka sjell një vendim ku kërkon që ky ligj të tërhiqet dhe të rishikohet duke pasur parasysh gjendjen reale në universitete.
“ Numri më i madh i vërejtjeve ka të bëj me cenimin e autonomisë universitare , pasi që parashihet të ketë një këshill universitar i cili edhe i zbehë kompetencat e universitetit , dhe kjo është ajo ku shumica e profesorëve kanë vërrejtje pjesa tjetër është me numër të madh. Akreditimin e studimeve të doktoraturës , pasi që UT i plotëson të gjithë kushtet ka staf akademik , punime shkencore punime , por kriteret janë në harmoni me gjendjen reale dhe për këtë janë një numër i vërejtjeve . Senati Universitetit të Tetovës ka vendim në të cilën propozon që ligji më mirë të tërhiqet të rishikohet dhe të ketë një draft i cili është në harmoni me gjendjen reale .”
Kundër këtij ligji, si të tillë është edhe Drejtor i Forumit per Ndryshime ne Arsim Blendi Hodai. Sipas tij, ky ligj në mënyrë jo transparente është publikuar por edhe cenon autonominë e universiteteve .
“ Për vetë faktin se ministria nuk i përmendi emrat e personave që kanë hartuar propozim ligjin nënkupton se , ligji është jo transparent dhe kjo është e rëndësishme për neve pasi që ligji për arsimin e lartë është interes publik nuk është një roman dhe ta nxjerri dhe të thoni ja e kemi publikuar. Ne vërejmë se me një pjesë cenon autonominë euniversitetit dhe ne vlerësojmë se autonomia e universiteteve është shumë e rëndësishme për stafin akademik.”
Por ministria e arsimit Vesna Janevska është e prerë, ligji nuk tërhiqet , ajo tha se i dëgjon vërejtjet , por nuk do të ketë tërheqje të ligjit.
“ Ligji një muaj është në debat publik dhe të gjithë kanë të drejtë të japin vërejte dhe nëse vërejtjet pranohen dhe deri më tani kishim debate dhe u morëm veshtë që çka do të pranohet, por ligji nuk do të tërhiqet dhe nuk duhet tëtërhiqet pasi që bën të ardhmen për të rinjtë tanë.”
I pyetur se kush janë emrat që e kanë shkruar këtë ligj, ministria e arsimit nuk pranoi që të tregoj të njëjtat, pasi që sipas saj ata janë emra të njohur dhe u cenohet integriteti akademik.
Nën patronazhin e Reisul Ulemasë të BFI-së së RMV-së, u shtrua iftari tradicional i Bashkësisë Fetare Islame, duke bërë bashkë në një mbrëmje të veçantë drejtuesit më të lartë shtetërorë, institucionalë dhe përfaqësues të jetës publike.
Presidentja e shtetit, Gordana Siljanovska-Davkova, Kryetari i Kuvendit, Afrim Gashi, ministra dhe zëvendësministra, kryetarë partish politike, kryetarë komunash, ambasadorë, rektorë universitetesh, si dhe shumë personalitete nga jeta shoqërore dhe civile, ishin të pranishëm në Iftarin Tradicional të Bashkësisë Fetare Islame.
Në fjalën e tij përshëndetëse, kreu I BFI-së, u uroi mirëseardhje mysafirëve dhe agjërim të lehtë e të pranuar, duke theksuar se Ramazani është muaj reflektimi, afrimi dhe përgjegjësie të përbashkët. Ai veçoi rëndësinë e unitetit, tolerancës dhe bashkëjetesës si vlera themelore për stabilitetin dhe perspektivën e vendit.
“Gëzimi I Iftarit merr vlerë të veçantë kur jemi bashkë pranë njëri-tjetrit, të lidhur shpirtërisht, të solidarizuar dhe respektues ndaj secilit, pa dallim race, feje, kombi apo vendi. Në tryezën e Itarit forcohen lidhjet njerëzore, mbillet dashuria, paqa dhe solidariteti dhe shprehet bujaria përmes veprave të mira. Aty ku ndahet buka, forcohet besimi, aty ku ndahet fjala e mirë, ndërtohet respekti”
Mbrëmja u zhvillua duke reflektuar frymën e respektit, dialogut dhe bashkëpunimit ndërinstitucional.
Edhe të pranishmit përmes postimeve nëpër rrjetet sociale kanë përshëndetur organizimin e këtij Iftari, ku potencohet se përmes këtyre ngjarjeve dërgohen mesazhe të fuqishme uniteti, respekti dhe solidariteti.
MINISTRJA HARRON PËRKTHYESIN AMA JO QËNDRIMET, POR BOJKOTOHET
UT-ja KUNDËR LIGJIT PËR ARSIM TË LARTË, CËNOHET AUTONOMIA
IFTARI I BFI-së BËRI BASHKË KRERËT E SHTETIT DHE PARTIVE POLITIKE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
You must be logged in to post a comment Login