Lajme nga vendi
LSDM:Mbështetje për kategoritë e rrezikuara
Kandidatët për këshilltarë të Lidhjes Social Demokrate të Maqedonisë, së bashku me ministren e punës dhe politikkës sociale Jovanka Trençevska kanë realizuar takim shoqatën e të verbërve dhe me shikim të dobët, si dhe pensionistët e Tetovës. Me këtë rast, Ministrja Trençevska, tha se me këta kategori të qytetarëve bisedojnë për problemet me të cilët pwrballen ata.
“Me këtë rast do të shohim se çka mungon në pjesën e ligjeve por edhe në pjesën e shërbimeve, të cilët I krjon qeveria dhe Ministria e Punës dhe Politikës Sociale. Biseduam me shoqatën e të verbëve dhe gjysëm të verbër. Ka edhe disa kërkesa nga ana e tyre të cilët do të jenë pjesë e politkkave që do të krijohen në të ardhmen dhe shpresojmë se këta kërkesa do të jenë edhe në buxhetin për vitin e ardhshëm. Atë që dua ta them në vigjilje të zgjedhjeve në Tetovë është se LSDM-ja me krijimin e politkave qendrore me të vërtetë e përmirëson jetën e qytetarëve duke përfshirë edhe qytetarët e Tetovës.Pak kohë më parë, këshilltarët e LSDM-së kanë qenë pjesë e shumicës në këshillin e Tetovës dhe kanë njohuri për problemet me të cilët balafaqohen tetovarët dhe nëse na jepet mbështetja sërish ne do të jemi krah qytetarëve pa dallim se janë nga kategoritë e rrezikuara, raste sociale, të rinj.Prandaj kërkojmë mbështetje për listën e këshilltarëve të LSDM-së” tha ministrja e punës dhe politikkës sociale Jovanka Trençevska.
Lajme nga vendi
BDI: Të pezullohen menjëherë vendimet tatimore me efekt retroaktiv për qytetarët që kanë punuar jashtë vendit
Pas protestave të qytetareve të cilët kanë punuar jashtë vendit në Irak dhe Afganistan lidhur me tatimet e dërguara nga Drejtoria e Të ardhurave Publike, sot ka reaguar Bashkimi Demokratik për Integrim, ata thonë se politikat e padrejta dhe represive tatimore të qeverisë aktuale, godasin drejtpërdrejt qytetarët, transmeton Portalb.mk.
Sipas BDI-së, protestat para Drejtorisë së të Ardhurave Publike janë dëshmi e qartë e dështimit institucional dhe e një politike tatimore të verbër, që përmes tatimeve retroaktive po u vendos barrë të padrejtë financiare qytetarëve që për vite me radhë kanë siguruar ekzistencën e familjeve të tyre dhe kanë kontribuar në ekonominë e vendit.
Ata kërkojnë pezullim të menjëhershëm të vendimeve tatimore me efekt retroaktiv, njohje të plotë të dokumentacionit për statusin e jorezidentit dhe transparencë dhe qartësi institucionale.
Qytetarët e vendit që kanë punuar në Irak dhe Afganistan prej më shumë se dy javësh po protestojnë para Drejtorisë së të Ardhurave Publike në Kumanovë por edhe në Tetovë, pasi konsiderojnë se u janë shkelur të drejtat dhe se nuk duhet të tatohen dyfish.
Më 13 dhjetor 2025, qytetarët u befasuan nga vendimi i Drejtorisë së të Ardhurave Publike për mbledhjen e taksës mbi të ardhurat e padeklaruara nga jashtë Maqedonisë. Disa prej tyre thanë se nuk janë të informuar mjaftueshëm për detyrimin e deklarimit të rregullt të këtyre të ardhura, ndërsa të tjerë kishin theksuar se njoftimet nga DAP-i u kishin ardhur me vonesë, për të ardhura të realizuara vite më parë.
Pjesa pranverore e kampionatit në Ligën e parë të volejbollit në kategorinë e meshkujve starton nesër me ndeshjet e xhiros së parë si në fazën e play off-it ashtu edhe në at të play out. Në Tetovë zhvillohen dy ndeshje Liria –Janta Volej dhe Shkëndija Skopje
Me ndeshjet e xhiros së parë të play off-it dhe play out, nesër zyrtarisht starton pjesa e dytë e kampionatit në Ligën e parë të volejbollit për meshkuj. Të gjitha ekipet që garojnë në këtë ligë kanë bërë përgatitje aq sa kanë pasur hapësirë dhe mundësi por me gjithat të gjitha ekipet shprehen optimist për një fillim të suksesshëm. Ndeshje më interesante pritet të zhvillohet në Strumicë aty ku kampioni në fuqi klubi volejbollit Strumica përballet me ekipin Universiteti i Tetovës. Kapiteni i skuadrës studentore Hamza Veseli për TV Koha tha se pauzën e kanë shfrytëzuar për përgatitje aq sa kanë pasur mundësi
‘’Përgatitja është ka shkuar me një fazë më të shkurt për shkak të fillimit të kampionatit nesër më datën 24 janar. Ekipi është përgatitur deri diku pasi neve veç se kemi siguruar të jemi në top gjashtën e ekipeve më të mira dhe besoj se gjithçka do të shkoj në bazë të planit që e kemi parapa në fillim të sezonit. Do të shohim në vazhdim se si do të rrjedhë kampionati‘’ deklaroi kapiteni Hamza Veseli
Duke marrë para sysh forcën e dy skuadrave pretendente për titullin kampion siç janë Strumica dhe UGD Shtipi , ekipit tetovar në këtë fazë të kampionatit i duhet të fitojë përvojë me ekipin që ka
‘’ Pretendimet e klubit janë që ne të jemi sa më lartë kreut të tabelës e pse jo edhe të mos luajmë edhe në finale‘’ tha Hamza Veseli
Ndeshja Strumica – Universiteti i Tetovës sipas të gjitha gjasave mund të anulohet me kërkesën e ekipit vendas pos akoma nuk ka shkresë zyrtare na Federata . Në ndeshjet tjera të play off-it nesër takohen: UGD Shtipi – Susheva dhe Rabotniçki – Boreci.
Në fazën e play out që gjithashtu fillon nesër takohen: Liria – Janta Volej, ndeshja luhet në sallën e shkollës ekonomike 8 Shtatori me fillim në ora 12:00,, Shkëndija – Skopje luhet në sallën e sportit të gjimnazit të Tetovës me fillim në ora 18:00 dhe ndeshja Makedonija Xhio – Vesna Probishtip që luhet në Strumicë fillon në ora 18:30.
Lajme nga vendi
Aleanca për Shqiptarët shpreh qëndrimin e saj kritik ndaj Ligjit për Kundërvajtje, në të cilin përfshihet edhe projekti “Safe City”
Aleanca për Shqiptarët shpreh qëndrimin e saj kritik ndaj Ligjit për Kundërvajtje, në të cilin përfshihet edhe projekti “Safe City”, duke vlerësuar se zbatimi aktual i këtij projekti ngre shqetësime serioze juridike, sociale dhe kushtetuese.
Së pari, Aleanca për Shqiptarët vëren se nuk po zbatohet Ligji për përdorimin e gjuhëve, veçanërisht në komunikimin zyrtar me qytetarët, përfshirë edhe njoftimet dhe sanksionet që burojnë nga projekti “Safe City”. Kjo përbën shkelje të drejtpërdrejtë të të drejtave gjuhësore të qytetarëve shqiptarë dhe është e papranueshme në një shtet multietnik.
Së dyti, kërkojmë rishikim të lartësisë së dënimeve dhe të pjesës së tolerancës, me qëllim që qytetarët të mos dëmtohen padrejtësisht. Siguria në komunikacion është e rëndësishme dhe e domosdoshme, por ajo nuk duhet të realizohet në kurriz të mirëqenies dhe jetesës së qytetarëve, përmes dënimeve disproporcionale dhe pa ndjeshmëri sociale.
Së treti, Aleanca për Shqiptarët thekson se zbatimi selektiv i projektit “Safe City” vetëm në disa qytete është i padrejtë dhe diskriminues. Nëse ky projekt synon rritjen e sigurisë publike, atëherë ai duhet të zbatohet në mënyrë të barabartë në të gjithë territorin e shtetit, dhe jo vetëm në tre qytete.
Aleanca për Shqiptarët kërkon nga institucionet kompetente që urgjentisht të adresojnë këto vërejtje, të hapin debat publik dhe të sigurojnë që çdo projekt i tillë të jetë në përputhje me ligjin, barazinë dhe interesin real të qytetarëve.
Aleanca për Shqiptarët
BDI: Të pezullohen menjëherë vendimet tatimore me efekt retroaktiv për qytetarët që kanë punuar jashtë vendit
VOLEJBOLL: NESËR FILLON PJESA E DYTË E KAMPIONATIT NË LIGËN E PARË
Aleanca për Shqiptarët shpreh qëndrimin e saj kritik ndaj Ligjit për Kundërvajtje, në të cilin përfshihet edhe projekti “Safe City”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
You must be logged in to post a comment Login