Lajme nga vendi
A diskriminohen shqiptarët në buxhetin 2023?
Kryeministri, Dimitar Kovaçevski dhe ministri i Financave, Fatmir Besimi, përmes një konference të përbashkët për shtyp e prezantuan Propozim buxhetin për vitin 2023, duke e vlerësuar atë si buxhet për siguri, stabilitet, i cili do të reagojë ndaj krizës dhe do të vendosë bazat për rritjen e mëtejshme ekonomike. Kryeministri Kovaçevski theksoi se me Buxhetin në vitin 2023 parashihet të sigurohen 250 milionë euro mjete për masat antikrizë, 120 milionë euro më shumë për pensionistët, 57.5 milionë euro më shumë për komunat, 63 milionë euro më shumë për shërbimet shëndetësore dhe karakteristikë kryesore është se për shpenzimet kapitale janë projektuar 800 milionë euro. Por, nga ky buxhet shuma e cila është ndarë për komunat është shumë diskriminuese ndaj Komunave që janë të banuara me shqiptarë, shkruan Zhurnal.
Sa ma shumë shqiptarë në Komuna aq më pak buxhet i planifikuar për këto Komuna-
“Më shumë para për Komunën e Shtipit se sa për Tetovën”
Buxheti për vitin 2023 është diskriminues ndaj shqiptarëve, gjegjësisht komunat që kanë përqindje më të madhe të shqiptarëve kanë buxhet më të vogël. Kështu është shprehë profesori Universitar Petrit Pollozhani. Komuna e Shtipit do të merr më shumë para se Tetova shtoi ai.
“Në rajonet tona ka vetëm ndërtim të rrugës Trebenishtë – Strugë – Qafë Thanë, ka një lentë Gostivar –Tetovë dhe është bërë buxheti për rrugën Kërçovë – Ohër. Nuk ka sasi të mjaftueshme të buxhetit sa i përket sistemit të ujitjes, pra përmirësimit të bujqësisë në rajonet tona”, deklaroi ekonomisti, Petrit Pollozhanim, për KlanMacedonia.
Pra, shqiptarët në Maqedoninë e Veriut edhe pse kanë një shqiptarë në krye të Ministrisë së Financave, Fatmir Besimi, si dhe një shqiptarë tjetër në krye të Ministrisë së Ekonomisë, Kreshnik Bekteshi, sërish ka hapësirë dhe mundësi që shqiptarët të diskriminohen si dhe zonat e banuara me shqiptarë të jenë çdoherë zona me investime të pakta si dhe me sasi më të ulët të buxhetit të dedikuar për këto zona.
LSDM: 800 milionë euro investime kapitale në buxhetin e vitit 2023-
LSDM ka njoftuar se investimet kapitale në Buxhetin për vitin 2023 janë parashikuar në 800 milionë euro. Siç njoftuan nga LSDM buxheti për vitin e ardhshëm është i zhvilluar, prandaj parashihen 52,3 për qind më shumë investime kapitale në krahasim me këtë vit.
Por, Pollozhani për investimet kapitale thotë që kanë ngecur nga viti i kaluar, ndërsa buxheti është i fokusuar për t’u dalë në ndihmë qytetarëve dhe kompanive të cilët janë prekur nga kriza ekonomike dhe energjetike të shkaktuara nga lufta në Ukrainë.
“Investimet kapitale në Maqedoni nuk realizohen as gjysma e tyre, për shembull, në vitin e kaluar deri në fund të shtatorit 2020 ishin realizuar vetëm 41.2 % të investimeve kapitale të përgjithshme”.
Kjo nënkupton që edhe përkundër faktit se tani ka fryrje dhe marketing politik që kemi një shumë të madhe të ndarë për buxhetin 2023 që është e dedikuar posaçërisht për investime kapitale, 800 milionë euro. Shumë e madhe por që nuk dihet sa nga kjo shumë do të shpenzohen e shfrytëzohen për atë që edhe janë dedikuar, investime kapitale, e projekte që janë në shërbim të të gjithë qytetarëve pa dallim. Projekte që do të gjallërojnë të gjithë zonat, qofshin edhe ato të banuara me shqiptarë, që janë lënë në harresë.
Por, duke u bazuar nga përvojat e viteve paraprake nuk është se duhet t’i gëzohemi shumë kësaj shume të ndarë për investime kapitale, sepse nuk dihet se sa përqind do të shfrytëzohen. Përndryshe, viteve të kaluara as gjysma e shumave që janë ndarë nuk janë shfrytëzuar.
Çfarë parashihet në Buxhetin për vitin 2023?
Infrastrukturë: zgjerimi i autostradës Tetovë-Gostivar, ndërtimi i autostradës së re Trebenishtë-Strugë-Qafë Thanë, ndërtimi i pjesës Gostivar-Bukojçan dhe pjesës Prilep-Manastir. Gjithashtu, Ndërmarrja Publike e Rrugëve Shtetërore do të përgatisë studim fizibiliteti për ndërtimin e rrugës Tetovë-Prizren. Do të vazhdojë edhe ndërtimi i pjesës lindore të Korridorit rrugor 8 nëpërmjet pjesës Rankovcë-Kriva Pallankë, pjesës Kriva Pallankë deri në kufirin me Bullgarinë, si dhe ndërtimi i pjesës perëndimore të Korridorit rrugor 8, ndërtimi i autostradës Kërçovë-Bukojçan dhe Kërçovë-Ohër. Ndërtimi i autostradës Shkup-Bllacë do të financohet me hua nga BERZH-i.
Rikonstruimi i linjës hekurudhore të Korridorit 10, si dhe parashihen mjete për vazhdimin e realizimit të fazës së parë dhe të dytë të projektit për ndërtimin dhe rehabilitimin e pjesës lindore të linjës hekurudhore – Korridori 8 – pjesa Kumanovë – Beljakovcë-Kriva Pallankë.
Mjedis: nga aspekti i mjedisit jetësor ka një numër të madh të projekteve kapitale. Vazhdon edhe Projekti për përkrahjen e përmirësimit të shërbimeve komunale, me të cilin financohen projekte kapitale në komuna.
Shëndetësi: për sektorin shëndetësor janë planifikuar investime për ndërtimin dhe rikonstruimin e institucioneve shëndetësore publike, prokurimin me pajisje mjekësore.
Arsim: mbrojtjen e fëmijëve dhe sportin janë planifikuar investime kapitale, të cilat janë destinuar për ndërtimin dhe rikonstruimin e shkollave fillore dhe të mesme, kopshteve të fëmijëve, ndërtimin e shkollave dhe sallave sportive, rikonstruimin e konvikteve të nxënësve, prokurimin me pajisje dhe rikonstruimin e universiteteve dhe investime në infrastrukturën e sportit.
Megjithatë, është paraparë që të zvogëlohen kostot joproduktive si mëditjet për udhëtime pune, për automjete dhe kostot e tjera joproduktive. Gjithashtu parashihet rritje prej 5% për pagat, ku përfshihet efekti i rritjes së pagës minimale. /Zhurnal.mk
Rinia e fshatit në bashkëpunim me klubin e futbollit “Xhepçishti”, nga data 27 deri më 31 korrik organizon turneun tradicional në futboll të vogël ‘’Xhepçishti 20926’’, ku pritet të marrin pjesë mbi 25 ekipe nga rajoni. Për ekipin fitues do të ndahen 3 mijë euro.
Në kuadër të javës kulturore në Xhepçisht, që përkon edhe me ardhjen e mërgimtarëve, nga data 27 deri më 31 korrik do të zhvillohet edicioni i tretë i turneut tradicional në futboll të vogël me moton ‘’Xhepçishti 2026’’.
Në këtë turnir, sipas organizatorëve, rinisë së këtij vendbanimi dhe klubit të futbollit Xhepçishti, pritet të marrin pjesë mbi 25 ekipe nga vendi dhe rajoni me emra të njohur të futbollit.
Bekim Sadiki, në cilësinë e organizatorit, për TV Koha tha se vazhdojnë ta kultivojnë traditën e këtij turneu dhe presin numër edhe më të madh të ekipeve.
‘’Edhe këtë vit klubi i futbollistik Xhepçishti dhe rinia e fshatit organizon turnirin tradicional ‘’Xhepçishti 2026’’, i cili turnir do të fillon nga data 27 korrik dhe do të zgjatë deri më datën 31 korrik. Qëllimi i këtij turneu është si zakonisht organizohet për nder të mërgimtarëve, për nder të bashkëfshatarëve të Xhepçishtit, të rajonit dhe vendit . Ne nëpërmjet të këtij dëshirojmë që bashkëfshatarët tanë apo pjesëmarrësit të cilët do të marrin pjesë gjithashtu edhe mërgimtarët të njihen mes veti , të takojnë shokë, miq e familja. E kjo të jetë një vlerë e shtuar për futbollin në vend’’ deklaroi Bekim Sadiki nga Këshilli organizativ.
Sipas këshillit organizativ, turneu në fazën e parë do të zhvillohet me sistemin e grupeve , ndërsa pas kësaj me sistemin e eliminimit direkt.
Organizatori për ekipin fitues, krahas kupës, do të ndaj 3.000 euro për ekipin fitues, për vendin e dytë 500 Euro dhe për vendin e tretë 250 Euro, ndërsa shpërblime do të ketë edhe për lojtarin, portierin dhe golashënuesin më të mirë.
Turneu do të zhvillohet në stadiumin me barë natyral te shkolla fillore “Gjergj Kastrioti Skënderbeu” në duke filluar nga ora 18.30.
Pas rastit me ndotjen e ujit në Gostivar, në Tetovë do të bëhen çdo ditë analizat e ujit. Drejtor i NPK “Sharri”, Valon Zeqiri siguroi se në Tetovë uji është i pijshëm dhe për dallim nga e kaluara kur analizat janë bërë 2 herë në javët, tani më do uji i pijshëm do të analizohet çdo 24 orë me qëllim që të prevenohet çdo mundësi e ndotjes dhe dëmtimit të mundshëm të shëndetit të qytetarëve.
“E kuptoj shqetësimin e qytetarëve që është rritur ditëve të fundit. Kam marr shumë mesazhe dhe kam bërë edhe një postim. Por sot i kemi më të qarta dhe më të sakta i kemi edhe analizat që kanë daluar dhe analizat na tregojnë se uji në Tetovë është i pijshëm dhe nuk ka asnjë problem, prandaj qytetarët mund ta konsumojnë lirisht”.
Zeqiri thotë se pas rastit në Gostivar janë ashpërsuar të gjitha masat për kontrollin e rrjetit të ujësjellësit duke lutur njerëzit që të mos përhapin dezinofrmata për cilësinë e ujit në Tetovë.
“Jemi duke marr masa të rrepta në këtë drejtim dhe gjithmonë kemi marr masa të rrepta për pjesën e kujdesit ndaj ujit të pijshëm në qytetin e Tetovës por tash i kemi shpeshtuar analizat. Ata që kanë rrezikuar dhe tentojnë të rrezikojnë rrjetin e ujësjellësit do të ndëshkohen shumë ashpër me ligjin dhe të gjithë ata që i kanë bërë keqëpërdorimet i lusim të mos krijojnë huti te qytetarët e Tetovës dhe sa më shpejtë të drejtohen te ndërmarrja Sharri dhe t’i rregullojmë të njëjtat”.
Mbetet që monitorimi i vazhdueshëm dhe bashkëpunimi i qytetarëve me institucionet të jenë faktorët kryesorë për ruajtjen e sigurisë së furnizimit me ujë, duke forcuar besimin e publikut dhe duke parandaluar situata të ngjashme në të ardhmen./Tv Koha/
Pullaze të rrënuara nga ndërtesa, pemë të rrëzuara por edhe dëme tjera materiale la pas vetes stuhia e djeshme me erë të fuqishme në Tetovë.
Për shkak të motit të lig dhe erës së fuqishme disa fshatra dhe rajone të Tetovës mbrëmë pas orës 17.00 deri në orët e vona të pas mesnatës nuk kanë patur rrymë elektrike mbase për shkak të defekteve të largpërçuesit të shkaktuar nga era e fuqishme. Bëhet fjalë për rajonin e Komunës së Bogovinës.
Qendra për Menaxhim me Kriza njoftoi se pas motit të lig, të përcjellë me erë të fuqishme dhe reshje shiu që përfshiu territorin e vendit, në shumë rajone ishin regjistruar dëme materiale dhe ndërprerje të rrymës elektrike.
Sipas QMK-së, në Rajonin e Pollogut dhe territorin e Tetovës nuk ka të regjistruar raste më të rënda që kishin kërkuar intervenime urgjente. Janë evidentuar dëme të vogla, kurse shërbimet kompetente janë në terren. Situata është stabile dhe nën kontroll – thonë nga Qendra për Menaxhim me Kriza.
Në terren kanë dalë edhe ekipet e NPK – Tetova.
Sipas tyre, pas erës së fuqishme që përfshiu qytetin, së bashku me stafin e NPK “Tetova” është reaguar menjëherë, duke dalë në terren për largimin e drunjve dhe degëve të rrëzuara, pastrimin e mbeturinave dhe eliminimin e pengesave të krijuara, me qëllim rikthimin sa më të shpejtë të normalitetit për qytetarët, ka njoftuar Drejtori I NPK – Tetova, Samet Bislimi përmes rrjeteve sociale.
Ndërkohë, metereologët kanë dalë me shpjegim profesional për shkaqet që çuan në motin e lig, që dje goditi disa rajone të tjera të vendit.
Sipas analizave shkaku kryesor i stuhisë ishte depërtimi i menjëhershëm i një fronti të ftohtë atmosferik nga veriu në shtresat e larta të atmosferës.
Ky front i ftohtë u përplas drejtpërdrejt me masën shumë më të ngrohtë të ajrit që vinte nga jugu dhe që paraprakisht ishte vendosur mbi Maqedoninë e Veriut.
Metereologët thonë se atmosfera ishte ngrohur ndjeshëm dhe ishte mbushur me energji për shkak të temperaturave të larta të regjistruara gjatë ditëve të fundit.
Përplasja e këtyre masave ajrore shkaktoi formimin e reve të fuqishme me bubullima, të cilat sollën erëra të forta, reshje të rrëmbyeshme shiu dhe dëme të konsiderueshme materiale, veçanërisht në zonën e Shkupit.
Përkeqësimi i menjëhershëm I motit, sipas metereologëve, po dëshmon se atmosfera mbi Maqedoninë e Veriut dhe të gjithë Ballkanin po bëhet gjithnjë e më e paqëndrueshme nga pikëpamja meteorologjike.
Pikërisht për këtë arsye, ata bëjnë thirrje, që në të ardhmen autoritetet dhe qytetarët të përgatiten me kohë për fatkeqësi të tilla natyrore, të cilat, sic thonë, për fat të keq, do të bëhen gjithnjë e më të fuqishme dhe më të shpeshta./Tv Koha/
BOKS: KRISTIAN PRENGA TË SHTUNËN SFIDON ANTHONY JOSHUAN
MË 27 KORRIK NIS TURNEU TRADICIONAL I FUTBOLLIT ‘’XHEPÇISHTI 2026’’
UJI NË TETOVË ËSHTË I PIJSHËM, DO TË BËHEN ÇDO DITË ANALIZA
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
