Lajme nga vendi
Paralajmërohet rikonstruimi i bulevardit “Ilinden” në dalje të Tetovës për në Gostivar
Zgjerimi dhe rivitalizimi i bulevardit “Ilinden” nga rreth-rrotullimi afër Universitetit të Evropës Juglindore i cili lidhet me pikë-pagesën dhe autostradën për në Gostivar është në planin e Komunës së Tetovës për këtë vit. Por, nuk dihet nëse e njëjta do të realizohet në tërësi sivjet, pasi do të varet nga sigurimi i mjeteve financiare. Nga Ndërmarrja Publike “Rrugët Shtetërore” thonë se kjo pjesë e rrugës e cila lidhet me autostradën, është nën juridiksion të Komunës së Tetovës, shkruan Portalb.mk.
Kjo pjesë e bulevardit të “Ilindenit” nuk është e sinjalizuar siç duhet, mungon ndarja e bulevardit në të dy kahjet, në disa pjesë mungon ndriçimi publik si dhe probleme të tjera infrastrukturore.
Pasi që kjo pjesë e bulevardit është në dalje të qytetit dhe lidhet me autostradën Tetovë-Gostivar, pyetëm në Ndërmarrjen Publike “Rrugët Shtetërore”, ata topin e hedhin te Komuna.
“Seksioni lëndor për të cilin ju bëni pyetjen, rruga “Ilindenska”, nuk është pjesë e rrjetit rrugor shtetëror dhe është nën juridiksionin e komunës”, thanë nga NP “Rrugët Shtetërore”.
Nga ana tjetër, Komuna e Tetovës njofton se për rivitalizimin dhe zgjerimin e bulevardit “Ilinden” (nga rreth-rrotullimi afër Universitetit të Evropës Juglindore deri te pikë-pagesa për në dalje të Tetovës, e cila lidhet me autostradën) Komuna e Tetovës ka projekt të përgatitur.
“I njëjti është paraparë në Programin e punës për vitin 2023, kurse realizimi i projektit në fjalë do implementohet pasi të sigurohen mjetet financiare”, thane nga Zyra për informim e Komunës së Tetovës.
Memet Jonuzi, udhëheqës i Sektorit për veprimtari komunale në Komunën e Tetovës sqaron se për bulevardin e “ilindenit” prej te rreth-rrotullimi prej te UEJL deri te mbikalimi, së bashku me rrugën servisore, projekti kap shumën prej 40 milionë denarëve, i cili kap të gjithë fazat, përfshin rikonstruimin e rrugës, kanalizim atmosferik, elektriken dhe sinjalizimin.
“E gjithë kjo ka të bëjë me një gjatësi prej 390 metra gjatësi, është i formuar projekti me dy korsi të ndara nga 7 metra e gjysmë, kemi gjelbërimin në mes nj metër dhe trotuaret që janë të përfshira në të dy anët nga katër metra gjerësi”, sqaron Jonuzi.
Por, sipas tij gjendja financiare e Komunës mbetet problematike.
“Komuna siç e dini është me borxhe dhe buxheti i komunës është i limituar, mendojmë të shfrytëzojmë burime tjera që kanë të bëjnë me disa organizata ndërkombëtare dhe institucione vendore që ne të aplikojmë, edhe nga vetë Qeveria, ose do të provojmë edhe në formën e kredisë që të sigurojmë mjetet për realizimin e saj. Kjo nuk do të thotë se ne si tërësi këtë ta realizojmë, por jemi të interesuar që komplet si projekt të fillon, ta ketë nisjen dhe në bazë të asaj varësisht prej mjeteve që do të kemi dhe që do të bëjmë rebalancin gjatë këtij viti mendojmë që të paktën të fillohet mandej të ketë edhe përfundimin”, theksoi Jonuzi.
Ky projekt i Komunës përfshin pjesën prej te rreth-rrotullimi deri te mbikalimi së bashku me rrugën servisore, ku lidhet pjesa që vjen prej Gostivarit, ndërsa siç tha Jonuzi pjesa tjetër i takon autostradës dhe i takon Rrugëve Shtetërore.
“Me ndërtimin e Qarkores e qytetit të Tetovës, autostrada A2, pjesa e rrugëve rajonale që kalonin nëpër qytetin e Tetovës automatikisht brenda 6 muajve do të kalojë në juridiksionin e komunës sipas Rregullores për kategorizimin e rrugëve publike. Në vitin 2021, Ndërmarrja Publike për Rrugë Shtetërore, përmes Marrëveshjes me Ndërmarrjen Publike për Mirëmbajtjen dhe Mbrojtjen e Rrugëve Magjistare dhe Regjionale, ka bërë përmirësimin e rrugës në rampën hyrëse nga kryqëzimi “Tetova Jug””, thanë nga NP “Rrugët Shtetërore”.
Kujtojmë që zëvendëskryeministri i parë, Artan Grubi para dhjetë ditësh njoftoi se Qeveria ka nënshkruar marrëveshje me kompaninë “Bechtel Enka” për të ndërtuar autostradën e Korridorit 8 në tërësi. Sipas tij, do të rrënohet tërësisht rruga aktuale Tetovë-Gostivar dhe do të ndërtohet autostrada me nga tre korsi në secilën anë që do të lidhet pastaj edhe me autostradën Gostivar-Kërçovë. Si edhe një rrugë anësore që do të lidh fshatrat nga Tetova në Gostivar.
Përndryshe, në muajin nëntor të vitit të kaluar, kryetari i Komunës së Tetovës, Bilall paralajmëroi se kanë filluar punët për vazhdimin e dy bulevardeve, “Ilindenit” dhe “Industrialit” nga pjesa e cila del në rrugën rajonale Tetovë-Jazhincë.
Tetova ka katër bulevarde, “Iliria”, “Ilinden”, “Industrial” dhe “Bllaogoja Toska”- lidhja e të të cilit nga shkolla tekstile me pjesën afër spitalit pritet të përfundojë në pranverë. Hapja e tre bulevardeve “Ilindenit”, “Industrial” dhe “Bllagoja Toskës” është edhe pjesë e Programit Zgjedhor 2021-2025 për Tetovën të kryetarit aktual të Komunës së Tetovës.
Qytetarët nuk do të marrin përgjigje për skandalet, por do të marrin teatër si sot, thonë nga LSDM për ndalimin e Artan Grubit në pikën kufitare “Ballcë”, përcjell TV21. Nga LSDM thonë se përmes rastit të Grubit, pushteti po mundohet të mbulojë, siç i quajnë ata, skandalet e qeverisë.
“Secili që e ka shkelur ligjin, duhet të përgjigjet. BDI po e shpëton Mickoskin, i ka hedhur gomën e shpëtimit. Pas teatrit të sotëm në kufirin e Maqedonisë, tashmë të gjithë e kanë të qartë se arratisja e Artan Grubit ishte marrëveshje politike. Ashtu siç u morën vesh që ta lëshojnë, tani u morën vesh që të kthehet. Në këtë mënyrë, VMRO me ndihmë të BDI-së, dëshiron të mbulojë skandalin më të madh me 5 tonë drogë”, tha mes tjerash Bodanka Kuzesk, zëdhënëse e LSDM-së.
Për shkak të mos plotësimit të kushteve që janë detektuar gjatë kontrollit të jashtëzakonshëm, Qeveria nesër mund të ngre iniciativë për marrjen e licencave për gjashtë kompani të cilat prodhojnë kanabis për qëllime mjekësore. Nga Ministria e Shëndetësisë nuk tregojnë se për cilat kompani bëhet fjalë dhe nëse numri i tyre mund të jetë më i madh.
Sipas ligjit, licenca mund të rikthehet pas 2 deri në 5 vjetësh, varësisht nga shkeljet e konstatuara. Ministria njofton se, pas përfundimit të inspektimeve të jashtëzakonshme, do të shqyrtohen edhe ndryshime ligjore në bazë të parregullsive të evidentuara.
“Pas përfundimit të inspektimeve të jashtëzakonshme te të gjithë subjektet juridike, do të bëhet një analizë e gjendjes së përgjithshme dhe, në bazë të mangësive të konstatuara në funksionim, do të ndërmerren hapa për hartimin e zgjidhjeve të reja ligjore”, njoftojnë nga Ministria e Shëndetësisë.
Dyshimet për keqpërdorime me kanabisin nisën pasi në Serbi ku u sekuestruan 5 tonë marihuanë, të ardhura nga Maqedonia. Pas këtij rasti, autoritetet në end sekuestruan edhe 40 tonë marihuanë nga kompani të licencuara për prodhimin e kanabisit për qëllime mjekësore, ndërsa më pas u ndërmorën inspektime të jashtëzakonshme. /Alsat.mk
Më 22.02.2026, rreth orës 20:00, në SPB Tetovë, një 32-vjeçare nga Tetova ka raportuar se ka rënë pre e një mashtrimi nga një bashkëqytetar i saj. Sipas dëshmisë, gjatë vitit 2024, ajo kishte arritur marrëveshje me personin në fjalë që ai t’i siguronte një vizë pune për në Gjermani.
Për këtë shërbim, viktima i ka paguar atij shumën prej 3.000 eurosh në disa këste. Megjithatë, premtimi nuk u mbajt dhe viza nuk u lëshua. Kur gruaja ka kërkuar kthimin e mjeteve, mes tyre ka shpërthyer një debat, pas të cilit personi i dyshuar është zhdukur dhe nuk ka qenë më i kapshëm për komunikim. Policia njofton se po punon për zbardhjen e plotë të kësaj ngjarjeje.
LSDM për kthimin e Grubit: Teatër në kufirin e Maqedonisë
“Kanabisi”, gjashtë kompani rrezikojnë heqjen e licencave
Pagoi 3 mijë euro për vizë gjermane, që s’e mori kurrë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
