Lajme nga vendi
Bislimoski do të udhëheq me Bordin e rregullatorëve të Komunitetit energjetik në Athinë
Ndryshimet e çmimeve të bursës të energjisë elektrike nga 400 euro në 1,60 euro për megavat orë do të jetë një nga temat boshte të diskutimit sot dhe nesër të rregullatorëve nga Komuniteti energjetik në Athinë, ku me Bordin e rregullatorëve do të drejtojë Marko Bislimoski, kryetar i Komisionit Rregullator Energjetik dhe kryetar i Bordit të rregullatorëve, njofton korrespondentja e MIA-s në Athinë.
Në prag të takimit, Bislimoski ka thënë se me që po afrohet fundi i sezonit të ngrohjes për qytetarët, për rregullatorët ekziston vetëm fillimi i sezonit të ri të ngrohjes dhe për këtë arsye “do të diskutojmë që në mënyrë strategjike të pozicionohemi për skenarët e mundshëm që na presin në prag të dimrit të ardhshëm”.
“Kriza energjetike dëshmoi se përgjigja më e mirë është përgjigje e koordinuar e Evropës dhe rritja maksimale e pavarësisë energjetike të çdo vendi. Jemi dëshmitarë se po riaktivzohen termocentralet, por agjenda për energji të gjelbër duhet të vazhdojë dhe reformat dhe investimet duhet të kenë vazhdimësi dhe realizim 100 për qind. Do të pozicionohemi në mënyrë strategjike pa mëdyshje, sepse furnizimi i besueshëm, stabil dhe i pandërprerë i energjisë elektrike dhe ngrohjes është prioritet për të gjithë rregullatorët nga Komuniteti energjetik”, tha Bislimoski i cili është në mandatin e tij të dytë dhe udhëheq si kryetar i Bordit të Rregullatorëve të Komunitetit energjetik.
Në dhjetor të vitit 2019, kryetari i Komisionit Rregullator Energjetik (KRrE) u zgjodh unanimisht kryetar i Bordit të rregullatorëve të Komunitetit energjetik në mbledhjen e atëhershme të rregullt, ndërsa në nëntor të vitit 2021 mori mandatin e dytë dyvjeçar.
Takimet e komunitetit energjetik tradicionalisht mbahen në Athinë, ku përveç Maqedonisë së Veriut, vende anëtare janë edhe Serbia, Kosova, Mali i Zi, Bosnje e Hercegovina, Moldavia, Gjeorgjia, Ukraina dhe Shqipëria.
Takimi i mëparshëm në Athinë u zhvillua në fund të dhjetorit të vitit të kaluar.
Një person nga Shkupi është arrestuar pasi gjatë kontrollit personal dhe bastisjes së banesës së tij janë gjetur rreth dy kilogramë marihuanë.
Më 11 nëntor 2025, zyrtarët policorë nga Njësia për tregti të palejuar me drogë pranë SPB Shkup, pas informacioneve operative të marra paraprakisht, kryen identifikimin dhe kontrollin e personit S.M. nga Shkupi në rrugën “Hristo Tatarçev”.
Sipas njoftimit të Ministrisë së Punëve të Brendshme (MPB), gjatë kontrollit u gjet marihuanë, një peshore digjitale dhe një shumë e madhe parash. Gjatë kontrollit të automjetit “Volkswagen” me targa të Shkupit, në pronësi të S.M., u gjet gjithashtu një sasi më e madhe marihuane.
Pas një urdhri të marrë paraprakisht, policia kreu edhe bastisje në banesën ku qëndronte S.M., ku në dhomën ndihmëse të bodrumit u gjet një sasi e madhe marihuane dhe dy peshore digjitale.
S.M. është privuar nga liria, është njoftuar prokurori publik dhe, pas dokumentimit të plotë të rastit, ndaj tij do të paraqitet kallëzim përkatës, njofton MPB.
Nga data 15 nëntor 2025, të gjithë drejtuesit e automjeteve do të jenë të detyrueshëm të kenë pajisjet dimërore sipas Ligjit për Sigurinë në Komunikacionin Rrugor.
Mosrespektimi i këtij rregulli nuk është pa pasoja – nëse kapeni pa pajisjet e nevojshme, gjobiteni me 45 euro (në kundërvlerë denarë).
Sipas Rregullores për pajisjet dimërore të detyrueshme, automjetet me peshë maksimale deri në 3.500 kg duhet të jenë të pajisura me:
Goma dimërore në të katër rrotat, me thellësi minimale të shiritit të gomës prej 4 mm,
ose, nëse përdorni goma verore me të njëjtën thellësi minimale, duhet të mbani me vete zinxhirë dëbore që i përshtaten rrotave lëvizëse.
Pra, nëse s’e keni bërë ende, është koha të kontrolloni makinat tuaja – dimri po vjen dhe gjobat nuk falin!
Sot paradite në disa lugina do të ketë kushte për paraqitje të mjegullës. Gjatë ditës moti do të jetë me diell dhe me vranësira të vogla lokale. Do të fryjë dhe erë e dobët deri në mesatare nga drejtimi veriperëndimorë. Temperatura minimale do të jetë në interval prej -2 deri në 6, ndërsa ajo maksimale do të arrij prej 13 deri në 19 gradë, shkruan Alsat.
Në Shkup, paradite në disa pjesë të luginës do të ketë kushte për paraqitje të mjegullës. Gjatë ditës moti do të jetë me diell dhe me vranësira të vogla. Do të fryjë dhe erë e dobët nga drejtimi verior. Temperatura minimale do të ulet në 2, ndërsa ajo maksimale do të arrij në 16 gradë Celsiusë. /Alsat.mk
Kapet me marihuanë dhe shumë të madhe parash, arrestohet shkupjani
MPB: Pa goma dimërore dhe zinxhirë, s’ka qarkullim nga 15 nëntori
Moti sot paradite do të jetë me mjegull, gjatë ditës me diell
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi2 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoNë Nju York emërtohet rruga “Isa Boletini” në muajin e Pavarësisë