Kryetari i LSDM-së Venko Filipçe, në një brifing për gazetarët sot prezantoi një masë të re që është pjesë e programit të ri të propozuar të partisë, e cila parashikon shkurtimin e javës së punës nga pesë në katër ditë.

Filipçe theksoi synimi është një jetë dinjitoze për punëtorët.

“Prandaj nevojitet siguri dhe stabilitet i garantuar në vendet e punës. Pas një viti pune të vazhdueshme, i japim fund kontratave mujore. Pas maksimumi 12 muajsh, çdo angazhim i përkohshëm bëhet i përhershëm. Të gjithë kanë të drejta të barabarta. Çdo ditë llogaritet në stazh, i jepet fund punësimit përmes agjencive dhe sindikata është mbrojtja juaj”, deklaroi Filipçe.

Një nga shtyllat kryesore të programit, sipas Filipçes është motoja “Shtëpi për të gjithë”, që parashikon masa konkrete për lehtësimin e qasjes në banim, veçanërisht për të rinjtë.

Socialdemokratët propozojnë heqjen e plotë e tatimit mbi qarkullimin për të gjithë deri në moshën 35 vjeç që blejnë banesën e tyre të pare,  kurse shteti të garantojë kredi banesore për të rinjtë deri në 35 vjeç me normë fikse interesi prej vetëm 1% në 10 vitet e para.

Advertisement

Kryeministri Hristijan Mickoski sot komentoi deklaratat e djeshme të Arben Taravarit për gjendjen e shqiptarëve në qeverinë aktuale, përcjell TV21.

Mickoski tha se Taravari këtë e bën për t’u vardisur sa më shumë te partneri i ri i koalicionit, BDI.

“Shikoni, unë ende nuk mundem të befasohem se pse z.Taravari vuan për biznesin Gjoka ku nuk pati sukses dhe në opinion shpik gjëra që nuk kanë absolutisht asnjë lidhje me realitetin. Unë shumë herë i kam komentuar marrëdhëniet në qeveri dhe marrëdhëniet me partnerin tonë, ndryshe mund të them se janë parimore, për dallim me marrëdhëniet që kemi pasur me z. Taravarin, që ishin vardisëse nga ana e tij, kështu që supozoj që atë parim të vardisjes që e ka zbatuar te unë, tani po e zbaton te partneri i ri i koalicionit, BDI. Atëherë në komunikim me mua ashpër i kritikonte, tani supozoj në komunikimin për t’u vardisur sa më shumë te Ali Ahmeti, më kritikon mua”,tha Taravari.

Ndryshe, Taravari mbrëmë drejtoi kritika të ashpra ndaj kryeministrit Mickoski, ku e akuzoi për dobësimin e qëllimshëm të faktorit politik shqiptar.

“Mickoski arriti t’i margjinalizojë totalisht shqiptarët dhe tregoi se mund të qeverisë edhe me një grup partitë të vogla, të cilat as nuk duhet të bëjnë diçka, as nuk dinë”, deklaroi Taravari në Telma, duke shtuar se shumica e ministrave nga blloku shqiptar ishin anonimë dhe pa përvojë pune.

Advertisement

Sipas tij, pikat kryesore të marrëveshjes koalicionare kanë mbetur vetëm në letër, ndërsa shtoi se decentralizimi fiskal jo vetëm që nuk ka ndodhur, por ligji i ri për vetëqeverisjen lokale ka zvogëluar edhe më tej kompetencat e komunave.

Taravari theksoi se është më mirë të jesh në opozitë sesa të jesh një kukull në qeveri.

“Unë karakterologjikisht nuk mund të jem kukull në një qeveri… Të jesh pjesë e një sistemi që është jo-funksional është idiotizëm”, tha Taravari./TV21

Profesori i Fakultetit të Shkencave Teknike pranë Universitetit “Nënë Tereza” në Shkup, Blerant Ramadani, ka shkëlqyer në konferencën prestigjioze shkencore OSMSES në Gjermani, duke prezantuar një projekt vizionar që premton të ndryshojë të ardhmen e energjetikës.

Ngjarja u organizua nga IEEE, organizata më e madhe e inxhinierëve në botë, dhe u mikprit nga Karlsruhe Institute of Technology (KIT) — një nga qendrat më të fuqishme të kërkimit teknologjik në Evropë, përcjell INA.

Punimi kërkimor i Ramadanit, i titulluar “Physics-Informed Digital Twin: An Environment for the Pre-deployment Validation of LSTM for Wind Power Forecasting”, ofron një zgjidhje teknologjike të nivelit të lartë. Ai propozon krijimin e një “Binjaku Digjital”, i cili përdor Inteligjencën Artificiale për të parashikuar me saktësi maksimale prodhimin e energjisë nga era.

Ky inovacion është jetik për tranzicionin global drejt energjisë së gjelbër, pasi optimizon burimet natyrore dhe rrit sigurinë e rrjeteve energjetike përpara se teknologjia të zbatohet në terren.

Përveç peshës shkencore, Prof. Ramadani shprehu përkushtimin e tij për transferimin e kësaj dijeje në procesin mësimor akademik.

Advertisement

“Inovacioni shkencor nuk njeh kufij. Tani, detyrimi ynë është që këtë vizion dhe ekspertizë botërore t’i kthejmë në vlerë reale akademike për auditoret tona dhe për gjeneratën e re të inxhinierëve,” deklaroi Ramadani.(INA)