Lajme nga vendi
Gostivar: Llogaria e bllokuar bllokon edhe investimet kapitale
Faturat e larta të energjisë elektrike dhe faturat e vonuara e vështirësuan funksionimin e pushtetit lokal të Gostivarit.
Xhiro llogaria e komunës së Gostivarit është bllokuar që nga nëntori i vitit të kaluar dhe në periudhën e kaluar ka funksionuar me kornizë financiare për mbulimin e shpenzimeve bazë. Parashikimet janë se do të duhen së paku pesë muaj për rikuperim, pas së cilës gjendja financiare në komunën e Gostivarit do të normalizohej.
Për gjendjen e keqe të “thesarit komunal”, MIA iu drejtua kreut të komunës dhe e pyeti për gjendjen aktuale.
– Që nga viti i kaluar jemi përballur me një problem të rëndë financiar. Ne kemi ende vështirësi, pasi llogaria është e bllokuar dhe po punojmë në kuadër financiar. Goditja më e fortë ishte rritja e çmimit të energjisë elektrike si pasojë e krizës energjetike. Në veçanti kemi bërë ribalancime dhe jemi detyruar të shpenzojmë rreth 1.5 milionë euro për faturat e energjisë elektrike, thotë kryetari i Komunës së Gostivarit, Arben Taravari.
Sipas Taravarit, faturat për energjinë e konsumuar në institucionet arsimore kanë qenë dyfish më të larta, ndërsa bllok-dotacionet e Ministrisë së Arsimit dhe Shkencës për shkollat kanë mbetur të njëjta. Sipas tij, kjo e përkeqësoi edhe më shumë gjendjen financiare.
Si pasojë e “minusit” në arkën e komunës, ka një vonesë të konsiderueshme në realizimin e programit dhe investimeve kapitale. Pothuajse asgjë nga ajo që ishte paraparë në programin e mandatit të dytë të kryesisë aktuale komunale nuk është realizuar.
Kjo ka qenë temë e diskutimit në seancën e fundit të këshillit për miratimin e raportit tremujor për realizimin e buxhetit të Komunës së Gostivarit për vitin 2023. Opozita vendase kritikoi menaxhimin e parave dhe mosrealizimin e investimeve të paralajmëruara. Buxhetoret komunale informuan se borxhi aktual i komunës së Gostivarit është 7.2 milionë euro. Në diskutime u tha se për bllokimin e xhiro llogarisë , një nga arsyet e rritjes së borxhit është edhe interesi për dëmet e vonuara të kompanive që i kanë ofruar shërbim bashkisë nga shtatë deri në tetë vite më parë, dhe ka edhe borxhet e trashëguara nga menaxhmentet e mëparshme.
Kryetari Taravari thotë se kryesia komunale po bën përpjekje për normalizimin e punës së komunës, duke qenë se, siç theksoi, është një situatë e paplanifikuar që nuk është e paraparë as në afat të mesëm dhe as afatgjatë.
– Po punojmë për zhbllokimin e llogarisë dhe kemi një plan. Sipas analizave në sektorin e financave, gjendja financiare në komunën e Gostivarit duhet të normalizohet deri në shtator. Arben Taravari, kryetar i komunës së Gostivarit, tha për MIA-n.
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
