Lajme nga vendi
Vendi ka forca progresive, Sofja nuk ka kushte të reja për Shkupin!
Pas shefave të diplomacisë nga Austria, Republika Çeke dhe Sllovakia, një trojkë tjetër ministrore nga Franca, Gjermania dhe Polonia, do të vijë në Maqedoninë e Veriut për të shpjeguar rëndësinë e ndryshimeve kushtetuese për vazhdimin e rrugës evropiane.
Sipas shefit të diplomacisë – Bujar Osmani, më e rëndësishmja është prania e diplomatit francez, i cili do t’i interpretonte qartë të gjitha dispozitat e Kornizës negociuese, për të cilat ka dilema, përkatësisht frikë se Maqedonia e Veriut do të nënshtrohet ndaj kushteve të reja nga pala bullgare, shkruan PRESSonline.al
Debati do të sjellë mbështetje
Kryediplomati Bujar Osmani pret që të sigurojë mbështetjen e dy të tretave për ndryshimet kushtetuese pasi të fillojë debati për to, kur opinioni edhe deputetët do të binden se nuk ka asgjë të diskutueshme nëse komuniteteve ekzistuese i shtohen edhe kroatët, malazezët, bullgarët dhe komunitetet e tjera etnike në Preambulën e Kushtetutës, pasi siç tha ai, të gjitha bashkë e pasqyrojnë karakterin multietnik të shtetit.
“Mendoj se debati do ta sqarojë këtë dilemë. Le të fillojë debati. Le të dërgohen amendamentet në parlament dhe deputetët t’i marrin bardh e zi, në letër. Dhe do të shihni se në cilin drejtim do të zhvillohet debati. Pres që edhe opozita të mbështesë ndryshimet kushtetuese. Nëse opozita nuk i mbështet, ne do të punojmë individualisht me çdo deputet”, njoftoi kreu i diplomacisë, përcjell PRESSonline.al
Nëse procesi dështon, sipas ministrit Osmani, nëpër libra do të shkruhet e mësohet se kush është “meritori” për izolimin e shtetit.
“Nëse nuk funksionon, imazhi në Parlament, nga monitori me butonat jeshil dhe të kuq, ndoshta do të mësojmë nga librat – kush e izoloi vendin”, ka deklaruar ministri i Jashtëm.
Ai theksoi se nuk ka rrugë tjetër përveç asaj evropiane dhe se të gjitha debatet duhet të jenë të arsyeshme.
Sofja nuk ka kushte të reja për Shkupin
Bullgaria nuk ka kushte të reja ndaj Maqedonisë së Veriut. Përkundrazi, ajo sinqerisht dëshiron të shohë fqinjin e saj duke avancuar drejt anëtarësimit të plotë, përmes sukseseve në procesin e reformave dhe përpjekjeve për të ndërtuar marrëdhënie të mira fqinjësore.
Ky është qëndrimi i Ministrisë së Jashtme bullgare të publikuar pas, siç thonë ata, shumë pyetjeve nga mediat lidhur me natyrën e kompromisit evropian të arritur në vitin 2022 mes dy vendeve.
“Bullgaria nuk ka kushte të reja ndaj Maqedonisë së Veriut. Përkundrazi, ajo sinqerisht dëshiron të shohë fqinjin e saj duke avancuar drejt anëtarësimit të plotë, përmes sukseseve në procesin e reformave dhe përpjekjeve për të ndërtuar marrëdhënie të mira fqinjësore. Ne presim hapin e parë në këtë proces, sipas zotimeve të nënshkruara nga Shkupi në korrik 2022 – “…hyrja në fuqi e ndryshimeve në Kushtetutën e Maqedonisë së Veriut për qytetarët që jetojnë në territorin e këtij vendi dhe janë pjesë e kombeve të tjera, siç është populli bullgar, sipas procedurave të brendshme”, thuhet në deklaratën e MPJ-së bullgare, përcjell PRESSonline.al
Ali Ahmeti: Vendi ka forca progresive
Diferencimi në vijën e një fronti pro-evropian është i dukshëm edhe në njoftimin e BDI-së pas takimit të liderit të partisë Ali Ahmeti me ministrat e Punëve të Jashtme të Austrisë, Çekisë dhe Sllovakisë. Në takim u diskutua për domosdoshmërinë e miratimit të amendamenteve kushtetuese, ecurinë e procesit të shqyrtimit, sfidat e reformimit të vendit në frymën evropiane dhe rëndësinë e ruajtjes së stabilitetit lokal dhe rajonal.
Siç thuhet në njoftim, Ahmeti i ka njoftuar diplomatët për përkushtimin dhe planin e koalicionit qeveritar për hapjen e rrugës së sigurt drejt horizontit të Evropës, për iniciativën për krijimin e një fronti të fuqishëm evropian që do të udhëheqë me sukses procesin jetik të miratimit të ndryshimeve kushtetutese, të cilat nuk duhen kuptuar vetëm si kusht për zhbllokimin e rrugës europiane, por edhe si mekanizëm për forcimin e kapaciteteve demokratike të vendit.
Ahmeti theksoi se vendi ka forca progresive që kujdesen për ruajtjen e orientimit pro-evropian të vendit, të përkushtuara në finalizimin e procesit të shqyrtimit, duke synuar pikat kyçe të veprimit reformues në frymën evropiane dhe duke vënë në dispozicion të gjitha kapacitetet institucionale për tejkalimin me sukses të sfidave”, thuhet në deklaratën nga BDI.(PRESSonline.al)
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
