Lajme nga vendi
VLEN: Nga 64 deputetë që ka shumica, vetëm 51 votuan pro Ligjit për Lojërat e Fatit
Koalicioni opozitar VLEN sot përmes një konference me mediat theksoi se vetëm në 100 ditët e fundit, Artan Grubi përmes kurbanit të tij Përparim Bajramit, po harxhon mbi 2.1 milion euro para të qytetarëve për marketing dhe reklama të kazinove dhe lojërave të fatit nëpër mediumet digjitale.
Fari Iseni nga VLEN theksoi se kjo Qeveri e korruptuar në ikje nuk mendon për fushata për senzibilizimin e qytetarëve për lexim e arsim, për mbrojtje të ambientit e sport, për mbrojtje të shëndetit e për punësim, por mendon vetëm si ti nxisë qytetarët për të lujatur sa më shumë kazino dhe lojëra të fatit.
Ja konferenca në vijim:
Rrjedhimisht hapet dyshimi mos vallë në këtë mënyrë pushteti planifikon ta financojë makinerinë e tyre propagandistike, me dhjetra portale nën kontollën e drejtpërdrejtë të Artan Grubit dhe Përparim Bajramit.
Por të shkojmë me rradhë. BDI përmes Arbër Ademit, që siç duket e ka marrë rolin e avokatit dhe zëdhënësit të bizneseve të pista të lojërave të fatit dhe kazinove, paska akuzuar opozitën shqiptare për mos-përkrahje të ligjit për lojërat e fatit.
Fillimisht, për respekt ndaj opinionit duam të sqarojmë disa gjëra. Sot këtu nuk jemi për të polemizuar me BDI-në. Drejtuesit e BDI-së vetë e kanë zgjedhur këtë rrugë të krimit dhe për këtë vendim dënimin do ta marrin nga qytetarët, por edhe nga anëtarësia e vetë BDI-së, me 24 prill dhe 8 maj.
Ajo që është me rëndësi për ne, është që opinionit t’ia sqarojmë se është nonsens të akuzosh opozitën shqiptare për mospërkrahje, kur nga 64 deputetë të qeverisë, pro kanë votuar vetëm 51. Kjo është dëshmi e qartë që BDI dhe kjo shumicë e kanë humbur busullën dhe se atyre tërësisht u ka rënë sistemi. Ne si opozitë jemi VLEN, dhe VLEN është anti-bixhoz. Ndërsa bixhozi është anti-VLEN. Por në 24 prill dhe 8 maj bixhozi do t’i humbë zgjedhjet, VLEN do të fitojë.
Ky ligj për lojërat e fatit që Artan Grubi tentoi në mënyrë ekspres ta kalojë me flamur europian, për çka reagoi ashpër edhe faktori ndërkombëtar, nuk kishte fare të bëjë me mbrotjen e rinisë nga lojërat e fatit, por ishte vetëm tentativë për legalizim i marrëveshjeve kriminale të cilat Artan Grubi i ka bërë përmes kurbanit të tij Përparim Bajramit. Logjikisht parashtrohet pyetja: përse kaq shqetësim në radhët e BDI dhe Artan Grubit për faktin se nuk u kaloi ligji? Mos valle po u bien në ujë marrëveshjet milionëshe me nëntokën serbe, bullgare e malazeze? A thua vallë çfarë obligimesh kanë drejtuesit e BDI ndaj këtyre qarqeve?
Të nderuar qytetarë, nuk ka ironi më të madhe sesa kur dëgjojmë BDI-Llotarinë që përmes internetit e futi kumarin në çdo shtëpi, të akuzojë tjerët se e pengojnë sjelljen e ligjit. Nuk ka ironi më të madhe kur BDI-Llotaria që vetëm për këtë mandat 4 vjeçar investoi 46 milionë euro para të qytetarëve në blerjen e aparateve të kazinos të tentojë të paraqitet se nuk dinë gjë. Nuk ka ironi më të madhe kur vetëm në ditën e fundit të detyrës së tij si zv-kryeminstër, Artan Grubi përmes kurbanit të tij Përparim Bajramit harxhoi 12 milionë euro për furnizimin e aparateve të reja të kazinos, të drejtojë gishtin tek të tjerët.
Ne jemi këtu të ripërsërisim se Neni 10 i këtij ligji parashikon largimin e bastoreve por jo edhe të kazinove në minimum 500 metre distancë nga objektet e shkollave të mesme dhe fillore. Me ligjin e propozuar nga Grubi dhe BDI-ja, kazino mund të ketë edhe në oborr të shkollave. Ky nen me qëllim nuk përfshin kazinot. Pra përmes këtij ligji BDI-Llotaria do tu mbyllte dritaren gjoja disa bastoreve, por do tu hapte derën fuqishëm kazinove dhe kazinove online në bashkëpunim ekskluziv me nëntokën serbe. Pra, Po edhe Rusisë, përmes Sërbisë.
Arbër Ademi para se të drejtojë gishtin kah opozita shqiptare, bën mirë ta pyesë bashkëvendasin dhe mikun e tij Përparim Bajrami, a janë faktet e sipërpërmendura të lidhjes BDI-Serbi arsyeja e vizitave të tij të shpeshta në lokalin “Lafayette” në Beograd?
Koalicioni i partive opozitare shqiptare VLEN jemi shumë të interesuar për ligj të vërtetë anti-bixhoz, i cili ligj në vehte do të përmbajë këto pika:
-mbyllje të tërësishme të lojërave të fatit, bastoreve e kazinove, dhe jo si propozimi aktual ku përfshihen bastoret por jo edhe kazinot,
– mbyllje totale të kazinove online,
-hetim të detajuar e të pavarur për të gjitha paratë e pista të nëntokës serbe që janë futur në shtetin tonë me lejen dhe dijeninë e BDI-së përmes biznesit të kazinove.
Ndryshimi po vjen përmes koalicionit VLEN, vendi do të zhvillohet, shqiptarët do të mbrohen, dhe ata që e kanë mizën nën kapuç do të japin llogari për të gjitha krimet e bëra”, theksoi Iseni në konferencën e VLEN.(INA)
Lajme nga vendi
Punësim të përhershëm për 40 personat me kontratë në Spitalin Klinik të Tetovës procesi vazhdon
Për personat me kontratë pune të cilët në dhjetor 2025 mbetën pa punësim të përhershëm në Spitalin Klinik të Tetovës, procesi vazhdon me qëllim që të ofrohet një zgjidhje për statusin e punësimit të përhershëm për ta, thotë Ministri i Shëndetësisë Azir Aliu.
Ai po përgjigjej në pyetjen e një gazetari se çfarë do të ndodhë me 40 stafin mjekësor dhe teknik që shkojnë në punë në janar dhe shkurt pa kontratë pune.
Institucioni duhet të kërkojë një mendim nga ne, Fondi i Shëndetësisë dhe Ministria e Financave. Drejtori e ka bërë tashmë këtë. Procedurat janë në vazhdim, nëse nuk janë përfunduar tashmë, dhe vlerësoj se kontratat do të duhet të nënshkruhen në një kohë të shkurtër. Gjithashtu vërej se po punojmë për të siguruar që këta njerëz të jenë të punësuar përgjithmonë, në mënyrë që të jenë në gjendje të investojnë në kapacitete njerëzore. Ata duhet të sigurohen se nëse ka ndonjë ndryshim politik, ata do të jenë pjesë e sistemit të kujdesit shëndetësor dhe nuk do të abuzohen përsëri, për fat të keq, siç janë abuzuar deri më tani – tha Aliu.
Lajme nga vendi
Reformat në arsimin e lartë, studentët e dalluar në 100 universitetet më të mira në botë ose në Maqedoni do të kenë përparësi punësimi në universitetet shtetërore
Studentët që studiojnë në 100 universitetet më të mira në botë me bursë shtetërore ose studiojnë në Maqedoni si dhe ata që janë shpallur studentët më të mirë, do të kenë përparësi kur të punësohen në universitetet shtetërore, si staf mësimor dhe shkencor, paralajmëroi ministrja e arsimit dhe shkencës, Vesna Janevska. Ajo po ashtu bëri të ditur se është vendosur një mënyrë e re e financimit të institucioneve të arsimit të lartë.
“Po forcojmë kriteret për avancim në titujt e fakultetit. Kushdo që aplikon për zgjedhje në titullin – profesor asistent, profesor i asociuar ose profesor i rregullt, që tani e tutje, varësisht nga titulli, do të jetë i detyruar të prodhojë dhe publikojë 6 deri në 7 punime shkencore deri në kohën e zgjedhjes, nga të cilat 3 deri në 4 duhet të publikohen në një revistë me faktor ndikimi nga bazat e të dhënave Web of Science ose Scopus”, theksoi Vesna Janevska, minstre e Arsimit dhe Shkencës.
Profesorët e rregullt të zgjedhur pasi të jenë zgjedhur, në të ardhmen pas miratimit të ligjit, do të kenë të drejtë rizgjedhjeje pas 7 vitesh. Ata që tashmë janë zgjedhur si profesorë të rregullt nuk do të mbulohen nga ky ligj, dhe komuniteti akademik do të unifikohet në të gjithë territorin. Mandati i rektorëve do të jetë 4 vjet, në vend të 3 viteve që është aktualisht, dhe modeli për zgjedhjen e një rektori do të ndryshohet gjithashtu.
“Pagat nuk janë më temë diskutimi. Ato u rritën me 14% vitin e kaluar, dhe buxheti për mbështetjen e aktiviteteve shkencore dhe kërkimore është rritur gjithashtu nga 380 milionë denarë në vitin 2024 në 773 milionë denarë këtë vit. Më shumë se dyfishi”, u shpreh theksoi Vesna Janevska, minstre e Arsimit dhe Shkencës.
Ministria e Arsimit dhe Shkencës ka përgatitur ligj të ri për arsimin e lartë dhe shkencën, i cili pritet të ofrojë arsim akademik me cilësi më të lartë dhe të inkurajojë aktivitetin shkencor dhe kërkimor në vend.
Reparti I Transfuzionit në Tetovës oshtë është bërë me hapësira të reja. Amir Elezi Drejtori i Institutit të transfuziologjise tha se qendra e transfuzionit në Tetovë ka karatker rajonale dhe ofron shërbime për gjithë fushën e pollogut.
“ Renovimi I këtij objekti ka filluar në vitin 2024 dhe ka përfunduar tani dhe tani hapim edhe zyrtarisht objektin e transfuzionit të gjakut. Është një qendër ndër më të mëdha në nivel të shtetit pasi që njësia e transfuzionit ka katër qendra të Manastirit, Shtipit të Tetovë dhe qendrën në Shkup, ku shërbehen në mënyrë ambulatore gjithashtu edhe grumbullohet gjak edhe përpunohet në qendrën e Tetovës . vitin që lamë pas pas ishte viti ku arritëm rekord të numrit të dhuruesve të gjakut , 60 222 dhurues të gjakut në republikën e Maqedonisë së veriut.”
Ndërsa ministri I shëndetësisë Azir Aliu tha se përpos hapësirave modern ka edhe teknologji të avancuar, ndërsa ai pret që së shpejti të hapet edhe konkursi për punësim që kjo qendër të plotëson edhe mungesat e kuadrit që I ka.
“ Sot jemi këtu për inauguruar edhe hapësirat në transfuzionit që janë edhe në aspekt fizik dhe teknologjik modern dhe me nevojat që I kemi në Tetovë, është një qendra regjionale që jep shërbime për këtë pjesë të shtetit . Urojmë edhe në shtyllën e dytë të kapaciteteve njerëzore , shumë shpejtë do të hapet edhe procedura për punësimi e mjekëve dhe motrave medicinale , me qëllim që të kemi edhe kapacitete njerëzore me nevojat që kemi këtu në Tetovë.”
Prezent në këtë ngjarje ishte edhe zv/kryeministri i parë Bekim Sali i cili tha se investimet e tilla do të vazhdojnë edhe në spitalet tjera ku paraqitet nevoja.
Deri më tani reparti i transfuzionit ka qenë i vendosur në objektin kirurgjikal në spitalin e Tetovës. Ndërsa në ato hapësira tani do të vendoset kirurgjia Torakale. TV KOHA
Punësim të përhershëm për 40 personat me kontratë në Spitalin Klinik të Tetovës procesi vazhdon
Inspektorati mbyll 26 motele dhe vila, ishin të paregjistruara e nuk plotësonin kushtet minimale
Reformat në arsimin e lartë, studentët e dalluar në 100 universitetet më të mira në botë ose në Maqedoni do të kenë përparësi punësimi në universitetet shtetërore
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
