Uncategorized
KOSM: Të përmirësohen kushtet, ose do të mbetemi pa punëtorë
Konfederata e Organizatave Sindikale të Maqedonisë (KOSM) i bëri thirrje qeverisë së ardhshme që të miratojë Ligjin për Marrëdhënie Pune, me të cilin do të përmirësohen kushtet e punëtorëve si në sektorin publik ashtu edhe në atë privat. Në të kundërtën, sipas tyre, të rinjtë dhe intelektualët do të largohen nga puna, ndërkaq shteti do të mbetet pa punëtorë.
“Kërkesa jonë do të jetë që përfundimisht të miratohet Ligji për Marrëdhënie Pune, me të cilin përfundimisht do të marrë fund kjo përbuzje që kryhet ndaj punëtorëve, me kontrata në vepër, me punësime të përkohshme. Patjetër të rritet paga minimale, të paktën të jetë, të mos them më e madhe ose e njëjtë me shtetet e rajonit. Në të kundërtën, Maqedonia do të mbetet pa punëtorë. Jemi dëshmitarë se një numër i madh të punësuarve vijnë nga shtetet e tjera”, deklaroi Marjan Risteski, kryetar i Konfederatës së Organizatave Sindikale të Maqedonisë (KOSM).
Mexhit Idrizi, i punësuar në Ndërmarrjen e Transportit Publik Shkup, njëkohësisht sekretar i organizatës sindikale, thotë se në ndërmarrjen ku ai punon, po ikin punëtorët për shkak të pagave të ulëta.
“Punëtorët na ikin prej ndërmarrjes, kemi vozitës që kanë dalë. Prej 3-4 ditësh, 4 persona kanë shkuar në Gjermani, ikin për shkak rrogave. Ne mundemi që t’i ndalim punëtorët që të mos dalin prej shtetit tonë”, tha Mexhit Idrizi, sekretar i organizatës sindikale në Ndërmarrjen e Transportit Publik.
Në ndërkohë, Maqedonia e Veriut, vazhdon të përballet me mungesë të punëtorëve, sidomos të fushave profesionale për shkak të ikjes së tyre në vendet perëndimore, ku kushtet dhe pagat janë më të larta. Nuk ka shifra zyrtare, por flitet për dhjetëra mijëra persona të larguar. Sipas regjistrimit të popullatës në vitin 2021, Maqedonia e Veriut ka mbi 260.000 persona jorezidentë. Popullata e Maqedonisë, prej vitit 2002 deri në vitin 2021 është zvogëluar për 185.000 banorë.
Uncategorized
Durmishi në “Top Tema”: BDI apo Fronti në çarje totale – kujt t’i “japin” komuna Taravarit apo Selës?
Ministri i Ekonomisë dhe Punës, Besar Durmishi, gjatë paraqitjes së tij në emisionin “Top Tema”, hodhi dritë mbi kaosin e brendshëm që po përjeton BDI dhe i ashtuquajturi “Front Evropian”, duke theksuar se tashmë gara e tyre nuk është për ide, por për pazare mes njëri-tjetrin.
“BDI apo Fronti është në krizën më të thellë të brendshme që ka përjetuar ndonjëherë. Deri dje flisnin për bojkot të zgjedhjeve lokale, sot nuk kanë as kë të kandidojnë”, tha Durmishi.
Ai shtoi se situata është aq e tensionuar, sa brenda Frontit do të jemi dëshmitarë të shpërthimeve të reja, pazareve dhe përplasjes së interesave personale, ku secili tenton të sigurojë ndonjë copë pushtet për vete.
“Taravari u kërkon komuna, Sela u kërkon komuna, edhe satelitët e tjerë kërkojnë pjesën e tyre. Të gjithë flasin për ndarje pushteti, por askush për qytetarin”, theksoi ministri.
Sipas tij, ky është dallimi mes dy blloqeve të sotme shqiptare “VLEN që ndërton një ofertë të re për qytetarët dhe BDI që sillet sikur komunat i ka në xhep.
Uncategorized
QEVERIA EMËRON BESNIK FERATIN EDHE PËR NJË MANDAT SI ZËVENDËS DREJTOR NË AGJENCINË PËR SIGURI NACIONALE
Qeveria në seancën e sotme e ka emëruar Besnik Feratin zëvendës drejtor në Agjencinë për Siguri Nacionale.
Ferati në këtë post vjen edhe për një mandat të ri 4 vjeçar. .
Koalicioni VLEN ka nisur një ofensivë konkrete për të kthyer premtimet në vepra, duke realizuar një valë punësimesh që kanë sjellë përfshirje më të madhe të shqiptarëve në institucionet shtetërore. Vetëm në Drejtorinë për Udhëheqjen e Librave Amë janë punësuar 38 shqiptarë, duke zhbllokuar një situatë të trashëguar me vite mungese përfaqësimi.
Ky nuk është rasti i vetëm. Në ndërmarrjen NOMAGAS janë punësuar 8 shqiptarë, në Doganë 19 shqiptarë, 15 shqiptarë në MEPSO, në QSHP 8 shqiptarë, ndërsa emërime janë bërë edhe në institucione të tjera qendrore dhe lokale, si pjesë e një strategjie të koordinuar për barazi dhe përfshirje.
Ky është një hap i rëndësishëm drejt përmbushjes së zotimeve që VLEN ka dhënë ndaj qytetarëve shqiptarë një qasje që nuk ndalet me retorikë, por dëshmohet me rezultate konkrete në terren.
Sipas burimeve nga koalicioni, kjo është vetëm faza e parë e reformës për përfaqësim të drejtë dhe të dinjitetshëm, me nisma që do të zbatohen në sektorë të tjerë strategjikë në javët në vijim si ELEM, Ministria e Mbrojtjes, DAP, Rrugët e Maqedonisë, Posta e Maqedonisë, Pyjet e Maqedonisë etj.
Rokas: Identiteti dhe gjuha nuk janë pjesë e kornizës negociuese, ata mbrohen më së miri me anëtarësimin në BE
Aksione në klubet e natës në Tetovë dhe Gostivar, policia ndalon shtatë shtetase të huaja
QMK: Nëntë zjarre janë aktive, nën kontroll katër
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve