Kryetari i Komunës së Tetovës, Bilall Kasami, ka promovuar sot platformën e re digjitale “Te Klik”, e cila tashmë është në dispozicion për qytetarët në iOS dhe Android. Përmes kësaj platforme, të gjitha shërbimet komunale do të jenë të qasshme online, duke lehtësuar jetën e përditshme të qytetarëve dhe duke rritur transparencën e punës së komunës.

Një nga risitë kryesore është pagesa e parkimit online. Qytetarët do të mund të shohin vendparkimet e lira, kohën e lirimit të tyre dhe të kryejnë pagesat drejtpërdrejt nga aplikacioni.

Po ashtu, aplikacioni ofron shërbime të rëndësishme të lidhura me pronën. Tatimi në pronë mund të paguhet online përmes fletpagesave të gjeneruara automatikisht, ndërsa qytetarët do të kenë qasje në të dhënat për pronat e tyre dhe informacione shtesë të nevojshme.

Kasami theksoi se Tetova është komuna e parë në nivel republikan që aplikon një sistem të tillë inovativ dhe unik.

“Hap pas hapi, po krijojmë Tetovën moderne, europiane dhe digjitale, të fokusuar në transparencë dhe llogaridhënie dhe në hap me kohën”, tha ai, duke paralajmëruar se kjo është vetëm pjesë e “Kapitullit të Dytë të zhvillimit” për qytetin.

Advertisement

Komuna e Tetovës nga sot do të ketë një dritare të re për qytetarët e saj, faqen e re zyrtare të internetit. Kjo u bë e ditur nga kryetari i komunës, Bilall Kasami, i cili theksoi se platforma nuk është vetëm një faqe interneti, por një hap i rëndësishëm drejt transparencës, lehtësisë dhe kursimit të kohës për secilin qytetar.

“Ne duam një komunë që vjen tek qytetari, jo qytetari tek sporteli. Ky është vetëm fillimi i Tetovës më moderne, më afër dhe më në shërbim të të gjithëve,” u shpreh Kasami.

Faqja e re ofron qasje më të shpejtë në informata, shërbime dhe komunikim me institucionet lokale, duke shënuar një etapë të re të digjitalizimit në qytet.

Drejtori i Spitalit të Tetovës Erzen Elezi, ka dhënë detaje në lidhje me rastin e vdekjes së 7-vjeçares në repartin e Pediatrisë. Ai tha se pacientja 7-vjeçare është pranuar në spital të shtunën në mbrëmje me dhimbje të muskujve.]

Elezi tha se pas pranimit të pacientes, mjekët kanë vepruar në përputhje me protokollet mjekësore dhe i kanë dhënë terapi në përputhje me moshën e pacientes.

“Gjatë terapisë pacientja nuk ka mundur të gëlltit, dhe sërish i është bërë analiza dhe kontroll. Pastaj pacientja është dërguar në repartin e ORL-së për t’ia larguar sekretin e gojës dhe pacientja nuk ka treguar shenja të lëvizshmërisë. Në momentin që mjeku i ORL-së e ka vërejtur se nuk ka reagim e ka thirrur mjekun anesteziolog dhe i kanë bërë reanimim, por në këtë rast pacientja ka ndërruar jetë”.

“Kam qenë në komunikim me të gjithë mjekët që të arrijmë deri te e vërteta për këtë paciente. Nga MSH jam informuar se po përgatitet komision shëndetësor për të zbardhur rrethanat e këtij rasti”, tha Elezi.