Lajme nga vendi
BDI: Prej cilit turp u shpëtua VLEN-i nga Stoilkoviqi
BDI përmes një kumtese ka reaguar ndaj VLEN duke i rikujtuar se publiku pret reagim nga ata se çfarë kanë neglizhuar apo tradhtuar ata, që edhe një eksponent i botës serbe ka qenë i detyruar t’i shpëtojë nga dështimi?
“Disa javë më parë, Zëvendëskryeministri Stoilkovic deklaroi publikisht se dy herë ka shpëtuar VLEN-in nga turpërimi para opinionit.
Për dy javë me radhë, publiku pret një reagim nga VLEN-i: çfarë kanë neglizhuar apo tradhtuar ata, që edhe një eksponent i botës serbe ka qenë i detyruar t’i shpëtojë nga dështimi?
Shqiptarët meritojnë përgjigje.
Apo mos vallë skandalet e korrupsionit që po dalin në dritë për ministrat e tyre i kanë hutuar aq shumë, sa tashmë, përveç se udhëheq Ministrinë për Zbatimin e Marrëveshjes së Ohrit, Stoilkovic qenka bërë edhe përgjegjës për çështjen shqiptare në Maqedoninë e Veriut?
BDI-ja dënon këtë situatë të turpshme dhe të rrezikshme për përfaqësimin e shqiptarëve.
Është e qartë se VLEN-i nuk ka as autonomi politike, as integritet e as legjitimitet për të mbrojtur interesat e shqiptarëve, duke u bërë peng i skandaleve dhe i agjendave të huaja.
BDI-ja mbetet e vetmja forcë që garanton mbrojtjen e të drejtave të shqiptarëve dhe të ardhmen euro-atlantike të vendit, larg ndikimeve destruktive dhe kompromiseve të turpshme.
Shqiptarët nuk do të lejojnë që çështja e tyre kombëtare të bëhet plaçkë tregu në duart e individëve të kapur nga korrupsioni dhe interesat e huaja” – thuhet në kumtesën e BDI-së.
Ministria për Punë të Brendshme (MPB) njoftoi sot se për shkak të protestës së Lidhjes së Sindikatave të Maqedonisë (LSM), sot në Shkup do të ketë një regjim të veçantë trafiku.
“Sot (10.02.2026) Lidhja e Sindikatave të Maqedonisë do të mbajë një protestë para Parlamentit në rrugët “11 Tetori” dhe “Dame Gruev” me çrrastë trafiku do të devijohet në rrugët përreth. Për këtë arsye, Njësia për Siguri në Trafikun Rrugor do të marrë masa për një regjim të veçantë trafiku në zonën qendrore të qytetit të Shkupit”, thuhet në njoftimin e Ministrisë së Brendshme.
SPB Shkup u bën thirrje të gjithë qytetarëve që marrin pjesë në trafik të respektojnë urdhrat e dhëna nga oficerët e policisë.
Moti sot në Maqedoninë e Veriut do të jetë me vranësira dhe reshje të shiut. Pasdite pritet të ketë reshje të borës.
Në vend do të fryjë një erë e lehtë nga drejtimi juglindor.
Temperaturat minimale do të lëvizin nga 0 deri 6, ndërsa temperaturat maksimale do të lëvizin nga 3 deri 10 gradë celsius.
Deri në fund të javës moti pritet të jetë me vranësira dhe reshje të shiut.
Lajme nga vendi
Privohet nga liria një 44-vjeçar nga Gostivari tentoi t’i sulmojë gruan dhe vajzën e tij
Më 09.02.2026 në ora 02:15, punonjës policie nga SP Gostivar kanë privuar nga liria një burrë 44-vjeçar nga Gostivari. paraprakisht, në ora 01:25, bashkëshortja e tij 43-vjeçare ka denoncuar se ai ka tentuar t’i sulmojë atë dhe vajzën e tyre. Ai është ndaluar në stacionin policor dhe pas dokumentimit të rastit do t’i përgatitet parashtresë përkatëse.
Për shkak të protestës së LSM-së, regjim i veçantë trafiku në Shkup
Moti sot në Maqedoninë e Veriut do të jetë me vranësira dhe reshje të shiut
Privohet nga liria një 44-vjeçar nga Gostivari tentoi t’i sulmojë gruan dhe vajzën e tij
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
