Lajme nga vendi
Është shpallur tenderi ndërkombëtar për ndërtimin e interkonektorit 400 kilovoltësh me Shqipërinë
SHA MEPSO sot shpalli tender ndërkombëtar për ndërtimin e interkonektorit 400 kilovoltësh me Shqipërinë, projekt për të përfunduar korridorin rajonal energjetik Lindje-Perëndim me rëndësi kyçe për integrimin rajonal dhe stabilitetin energjetik të vendit. Tenderi i ri u shpall pasi kontraktori i mëparshëm, përmes kërkesave të pajustifikuara për fonde shtesë dhe duke u larguar në mënyrë të njëanshme nga tereni, rrezikoi projektin dhe interesin publik, për çka kontrata me të u ndërpre
Tenderi parashikon ndërtimin e afërsisht 100 kilometrave të interkonektorit nga Stacioni Transformator Manastir 2 deri në kufirin maqedono-shqiptar, me vlerë afërsisht 17 milionë euro, të financuara përmes kredive dhe granteve nga BERZH dhe fondeve evropiane. Afati i fundit për dorëzimin e ofertave është 45 ditë, ndërsa pritet që ofertuesi më i volitshëm të zgjidhet në tremujorin e tretë të këtij viti. Zbatimi i projektit duhet të fillojë në fillim të vitit të ardhshëm dhe të përfundojë plotësisht deri në fund të vitit 2027.
“Ndërtimi i këtij interkonektori do ta pozicionojë sistemin tonë si një pjesë thelbësore e infrastrukturës elektroenergjetike evropiane, duke mundësuar pjesëmarrje të qëndrueshme në tregjet rajonale, qasje në shërbimet e sistemit dhe balancimit, si dhe sigurimin e një furnizimi më të sigurt dhe më ekonomik për të gjithë qytetarët”, tha drejtori i përgjithshëm i SHA MEPSO Burim Latifi në konferencën e sotme për media në Qeveri dhe shtoi se me këtë konfirmohet ambicia që vendi të bëhet një nyje energjetike në Ballkan.
Ndërtimi i interkonektorit të ri, shtoi ai, do të thotë rritje e ndjeshme e qëndrueshmërisë së rrjetit të transmetimit me rrezik të minimizuar të ndërprerjeve dhe goditjeve të çmimeve, hapësirë të hapur për lidhjen e kapaciteteve të reja për prodhimin e energjisë elektrike nga burimet e rinovueshme, integrim strategjik të tregjeve rajonale dhe evropiane, gjë që do të kontribuojë në çmime të qëndrueshme, të përballueshme dhe konkurruese të energjisë elektrike në planin afatgjatë.
“Tashmë janë paguar rreth 5,8 milionë euro kontraktorit të mëparshëm Energoinvest, nga të cilat rreth dy milionë euro janë kthyer përmes garancive bankare. Nuk do të thoja se ka pasoja financiare, sepse mjetet e paguara janë përdorur për të blerë pajisje që janë pronë e jona dhe përbëjnë rreth 50 për qind të pajisjeve që na nevojiten për zbatimin e plotë të projektit. Për të konfirmuar që pajisjet janë në përputhje me standardet si nga ana sasiore ashtu edhe nga ajo cilësore, ne punësuam ekspertë nga Fakulteti i Inxhinierisë Mekanike dhe Inxhinierisë Elektrike të cilët e konfirmuan këtë”, tha Latifi në përgjigje të pyetjes së gazetarëve.
Ishin angazhuar, siç tha, edhe ekspertë, konsultues dhe avokatë që të arrihet vendimi për ndërprerjen e bashkëpunimit dhe shpalljen e tenderit të ri.
“Për të arritur në këtë vendim, ne konsultuam të gjithë palët serioze të interesuara dhe në fund vendosëm ta ndërpresim kontratën sepse kishte kërkesa të pabazuara financiare për mjete shtesë dhe braktisje të njëanshme të terrenit dhe kushtëzimin me burime të shtuara financiare. E gjithë kjo është në kundërshtim me kontratën dhe për këtë arsye ky është argumenti kryesor dhe më i madh për ndërprerjen e saj. Përveç kësaj, nga viti 2020 deri më tani, kemi gjetur realizimin e vetëm 24 nga gjithsej 269 shtylla, gjë që tregon qartë nëse kishte seriozitet në zbatimin dhe përfundimin e projektit apo jo”, theksoi Latifi.
Saktësoi se pret që tenderi të përfundojë në tremujorin e tretë të këtij viti kur duhet të zgjidhet kontraktuesi, realizimi i projektit të fillojë në fillim të vitit 2026, ndërsa plotësisht të përfundojë deri në fund të vitit 2027.
MPB njofton më datë 27.01.2026 në orën 10:55, në DPB Gostivar është denoncuar se ka një person të vdekur në një hotel në Mavrovë. Ekipi i këqyrjes në prani të prokurorit publik ka kryer këqyrjen në ambientet ndihmëse të hotelit, ku në një nga dhomat e personelit është gjetur i vdekur V.L. (58) nga Ohri. Nga ana e mjekut është konstatuar vdekja pa gjurmë dhune, ndërsa me urdhër të prokurorit publik, trupi është dorëzuar për obduksion.
Ndryshimet në Kodin Penal, korrigjojnë një padrejtësi të rëndë të kryer nga qeveria e LSDM-së…
Mile Lefkov, deputet i VMRO-DPMNE-së, theksoi se ndryshimet në Kodin Penal nga shtatori 2023, të miratuara nga qeveria e mëparshme, zbutën dënimet për korrupsionin, fshinë dispozitat kryesore për abuzimet në prokurimin publik dhe krijuan kushte për parashkrimin e rasteve të profilit të lartë.
Sot, Parlamenti miratoi Ligjin për Ndryshimet në Kodin Penal, të propozuar nga një grup deputetësh të VMRO-DPMNE-së dhe Koalicionit, me 76 vota “pro”.
– Ky ligj korrigjon një padrejtësi të rëndë të kryer me ndryshimet në Kodin Penal të shtatorit 2023, të miratuara nga qeveria e mëparshme, të cilat zbutën dënimet për korrupsionin, fshinë dispozitat kryesore për abuzimet në prokurimin publik dhe krijuan kushte për vjetërsimin e lëndëve të profilit të lartë – tha Mile Lefkov, deputet i VMRO-DPMNE-së.
Ministri i Brendshëm, Pançe Toshkovski, ishte nikoqir i homologes shqiptare, Albana Koçiu, me të cilën biseduan dhe sollën disa vendime të rëndësishme për të mirën e të dyja vendeve, thanë ministrat në fjalë. Sipas Toshkovskit dhe Koçiut, këto marrëveshje kanë të bëjnë me drejtim të lehtësimit të qarkullimit sa më të shpejtë të njerëzve, mallrave dhe kapitalit.
“Një nga vendimet më të rëndësishme ka qenë që sezonin para veror të fillojmë ta implementojmë sistemin “One Stop Shop” edhe me Republikën e Shqipërisë, ku ekipet tona janë duke punuar intensivisht, me çka do të mundësohet qarkullimi sa më i shpejtë i njerëzve. Vendimi i dytë ka të bëjë me çështjen e Qendrës për përmirësimin e bashkëpunimit ndërkufitar për ta avancuar, me ç’rast bashkëpunimi operativ mes të dyja vendet do të rritet edhe më shumë. Po ashtu biseduam edhe për mundësinë që pika kufitare Xhepishtë-Trebishtë afër Dibrës, të largohen barrierat e funksionit që ishin gjatë kohës së dimrit, të funksionojnë deri në ora 16:00, ndërsa gjatë verës deri në ora 20:00, të jetë funksional 24 orë.”, – deklaroi Pançe Toshkovski nga MPB.
Sipas Koçiut, ky takim vjen në vazhdën e një bashkëpunimi shumë të mirë mes të dyja vendeve dhe për të dhënë një mesazh të qartë për vullnetin tonë të përbashkët, sipas ministres shqiptare Republika e Shqipërisë dhe ajo e Maqedonisë së Veriut janë partnere strategjike dhe miqësi të vazhdueshme.
“Dy vende të cilat ndajnë një hapësirë të përbashkët të lidhura shumë më shumë në ngjashmëri, sesa në dallime, si dhe dy vende kandidate për Bashkimin Evropian, prandaj kjo hapësirë që ne ndajmë sot, do të jetë një hapësirë evropiane ku mallrat, kapitali dhe njerëzit do të lëvizin pa kufizime. Për këtë arsye, lehtësimi i procedurave për qytetarët, por edhe për biznesin, është jo vetëm diçka e zgjuar, por është diçka edhe shumë praktike të cilën e bëjmë në funksion të së ardhmes sonë të përbashkët.”, – theksoi ministrja e Punëve të Brendshme e Shqipërisë, Albana Koçiu.
Sipas ministres shqiptare, një bashkëpunim i tillë dhe një Qendër e tillë e koordinuar do të krijojë mundësi akoma më të mëdha për të shkurtuar edhe më shumë burokracitë, për të shkurtuar kohën e kalimit në pikat kufitare, por njëkohësisht do të nxisë edhe më shumë shkëmbimin mes të dyja palëve. Ministrja Koçiu theksoi se gjatë vitit të kaluar ka pasur rreth 5 milionë kalime të njerëzve, si dhe 1.8 milion automjete, me çka tregon se Shqipëria, por edhe Liqeni i Ohrit në Maqedoni ende mbeten të pa eksploruar plotësisht.
58-vjeçari gjendet i vdekur në një hotel në Mavrovë
“Keqpërdorimi i fotove intime” bëhet vepër penale
Maqedonia e Veriut dhe Shqipëria përparojnë bashkëpunimin kufitar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
