Institucioni kombëtar Muzeu i Alfabetit Shqip po shënon Ditën e Kongresit të Manastirit me një sërë aktivitete programore. Ky kongres historik u mbajt në Manastir dhe përfundoi më 22 nëntor 1908, kur u mor vendimi për unifikimin e alfabetit shqip.

Drejtori i muzeut, Nuer Arsllani, theksoi se solemnitetit qendror, i cili do të mbahet nesër, i paraprijnë aktivitete të ndryshme në hapësirat e institucionit.

“Këtyre ditëve kemi realizuar programe edukative me nxënës nga klasa e parë deri në të nëntën, kemi promovuar një ekspozitë që dëshmon periudhën e Kongresit të Manastirit. Të ftuarit tanë ishin profesorët Arsim Sinani dhe Dorina Dariu nga Tirana, ndërsa dje organizuam një tribunë shkencore. Me shënimin vazhdojmë edhe sot: në orën 14:00 do të mbahet një orë poetike në ambientet tona, ndërsa sonte në kinemanë ‘Manaki’ do të shfaqet një film dokumentar”, tha Arsllani për MIA.

Manifestimet për Kongresin e Manastirit dhe 22 nëntorin përfundojnë nesër, në ditën e festës, kur muzeun do ta vizitojnë delegacione qeveritare dhe kuvendore nga Maqedonia, si dhe nga jashtë.

Që nga 22 nëntori i vitit 2007, Dita e Alfabetit Shqip festohet si festë shtetërore dhe është ditë jopune për qytetarët e komunitetit shqiptar në Maqedoninë e Veriut.

Advertisement

Moti sot në Maqedoninë e Veriut do të jetë pjesërisht me vranësira dhe reshje lokale të shiut. Reshjet do të jenë më të bollshme (mbi 30 l/m² në 24 orë), me kushte stuhie me bubullima dhe erëra të forta. Gjatë ditës, do të fryjnë erëra të moderuara deri të forta nga jugu (mbi 60 km/orë).

Temperatura minimale do të jetë në intervalin 8 deri në 12 gradë, dhe maksimale do të arrijë 13 deri në 19 gradë.

Në Shkup, moti do të jetë i ndryshueshëm me vranësira, me shira të herëpashershëm në disa pjesë të luginës. Do të fryjë erë e mesme, herë pas here e fortë juglindore. Temperatura minimale do të bjerë në 9, ndërsa maksimale do të arrijë 16 gradë.

Një kamion me targa të Serbisë u përmbys sot në mëngjes në rrugën Valandovë–Dojran, ku si pasojë një emigrante nga Kina humbi jetën, ndërsa shtatë të tjerë u lënduan, njofton Sektori i Punëve të Brendshme (SPB) Strumicë, përcjell TV21.

“Sot rreth orës 04:20, kamioni doli nga rruga dhe u përmbys në rrugën Valandovë–Dojran. Nga lëndimet e marra në aksident, ka ndërruar jetë një emigrante nga Kina”, thuhet në njoftimin e Policisë.

Trupi i viktimës është dërguar për obduksion. Shtatë migrante të tjerë nga Kina kanë marrë lëndime trupore, pasi dyshohet se kishin hyrë në rimorkion e kamionit pa dijeninë e shoferit.

“Shoferi S.M. është ndaluar në spitalin e Gjevgjelisë për t’i dhënë ndihmë mjekësore”, bëjnë me dije nga SPB Strumicë.

Zjarrfikësit e Strumicës raportojnë se sot rreth orës 08:00 morën pjesë në një aksion për nxjerrjen e personave nga automjeti i përmbysur.

Advertisement