Ulja e temperaturave dhe shfaqja e ngricave në disa rrugë të vendit, kanë shkaktuar vështirësi serioze në qarkullim për shumë drejtues të automjeteve. Vetëm gjatë 24 orëve të fundit, në të gjithë territorin e vendit kanë ndodhur disa aksidente. Më i rëndi ka qenë ai në rrugën rajonale Mavrovë – Dibër, ku dy persona humben jetën. Sipas informatave të MPB-së, automjeti i drejtuar nga A.F. 56 vjeçar nga fshati Vidushë, komuna Mavrovë-Rostushë, ka dalë nga rruga dhe ka rënë në lumin Radikë. Si pasojë e lëndimeve të marra, shoferi dhe pasagjerja M.F. 56 vjeçare kanë ndërruar jetë në vendin e ngjarjes.

“Vdekjen e A.F. 56 vjeçar dhe M.F. 56 vjeçare, të dy nga fshati Vidushë, komuna Mavrovë- Rostushë, e ka konstatuar mjeku nga Ndihma e Shpejtë, ndërsa sipas udhëzimeve të prokurorit publik, automjeti është dërguar policor për kontroll të jashtëzakonshëm teknik, ndërsa trupat e viktimave janë dorëzuar për obduksion”, njoftojnë nga MPB-ja.

Përveç këtij aksidenti fatal, një aksident tjetër me lëndime të rënda trupore ka ndodhur në orën 02:35, të mëngjesit në komunën e Vrapçishtit, ku sipas MPB-së, një automjet udhëtarësh “BMË” me targa të Gostivarit, i drejtuar nga L.B. 27 vjeçar ka goditur një automjet të parkuar “Mercedes”. Me lëndime të rënda kanë përfunduar pasagjeri ndërsa lëndime më të lehta kanë mbetur shoferi dhe pasagjeri i automjet të parkuar. Për shkak të mbulesës së borës në rrugë, LAMM ka futur përdorimin e detyrueshëm të zinxhirëve të borës për të gjitha automjetet në seksionin Lisec – Kodra e Diellit nga ora 21:00 e 2 janarit 2026. Masa është e detyrueshme për shkak të pjesëve të pjerrëta dhe kthesave, ku mosrespektimi i rregullave shpesh shkakton bllokime dhe vonesa. Kontrollet e policisë do të intensifikohen, veçanërisht për shkak të frekuencës së shtuar të automjeteve gjatë periudhës së festave.Për shkak të ngricave në disa rrugë, nga Lidhja AutoMoto, u bën thirrje shoferëve të jenë të kujdesshëm gjatë drejtimit të automjeteve të tyre e sidomos në rrugët Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë, të cilat janë cilësuar si pika kritike. Për shkak të ngricave, rruga për në Kozjak gjatë ditës së sotme u mbyll për qarkullim.Edhe nga Qendra për Menaxhim me Kriza u bëjnë thirrje drejtuesve të automjeteve që të tregojnë kujdes të shtuar, pasi në shumë rrugë të vendit ka ngrica ngrira të cilat kanë shkaktuar vështirësi, veçanërisht në zonat malore.

Qendra e skijimit Kodra e Diellit është e gatshme për sezonin dimëror. Nga drejtoria e kësaj qendre thonë se janë bërë përgatitje maksimale sa i përket ski lifteve, ashensorëve dhe shtypësve të borës. Drejtori Abdylgani Ailji nënvizon se gjatë periudhës së verës janë rregulluar ski liftet dhe janë marrë lejet e nevojshme për t`I lëshuar në funskon.

Në ndërkohë, çmimet e biletave janë të njejta sikurse vitin e kaluar, kurse sezoni pritet të fillojë ditëve në vahdim nëse ka rreshje më të mëdha të borës.

Jo rrallë herë nëpër Kodrën e Diellit shihen edhe motociklla të ndryshme nga persona privat që rrezikojnë jetën e vizitorëve. Këtë vit ka ndalesë për përdorimin e tyre.

Problem në vete është parkimi në Kodrën e Diellit. Mungesa e vendeve të parkimit ka bërë që shesh herë të ketë edhe blokim të rrugëve dhe kaos. Drejtori Aliji shprehet se ky problem duhet të zgjidhet në bashkëpunim me autoritetet komunale.

Interesim i shtuar është për muajt janar dhe shkurt, atëherë kur koha premton kushte më të mira për skijatorët dhe adhuruesit e dimrit. Transport publik edhe këtë vit  do të vazhdojë të organizohet vetëm në fundjavë.

Advertisement

Në   gjysmëfinale të Turneut  tradicional  të futbollit të vogël KF REÇICA – TV KOHA 2025/2026’’ takohen Timi  Invest – Timi Metal  dhe NES Petrol – EMKA Petrol  Finalja  luhet nesër  me  fillim në ora 19:00

 Turneut  tradicional në futboll të vogël ‘’KF Reçica – TV Koha’’’ pas  14  ditëve  po  i  afrohet fundi, Me  ndeshjet e mbrëmshme  tani më  dihen  edhe  katër  ekipet  gjysmëfinaliste  ekipet   gjysmë  finaliste  Timi  Invest, Timi Metal , NES Petrol  dhe  EMKA Petrol . Sa i përket ndeshjeve  të çerekfinale  që  u zhvilluan mbrëmë  u  dëshmua  cilësi  dhe  efikasitet  dhe  lojë atraktive  të  ekipeve  dhe  regjistruan këto rezultate: Funa  Mermer – Timi Invest  2-8, NES Petrol –  NVM Iyolim  7-4,  EMKA Petroli – TOTO Pizza 0-0  pas  ekzekutimit të penaltive  3-1 dhe TIMI Metal – Bili Komerc 5-5 pas ekzekutimit të penaltive  8-6

 Kujtojmë  se   në  edicionin e  34-t[ me radhë  të  Turneut tradicional  në  futboll të vogël morën pjesë  28 ekipe  të  ndara  në tetë grupe, ndërsa pas  ndeshjeve gjysmëfinale  që zhvillohen sonte mes  ekipeve   Timi  Invest – Timi Metal  dhe NES Petrol – EMKA Petrol do të mësohen dy ekipet finaliste  dhe  dy  ekipe  që  do  të  luajnë për  vendin e tretë.

Organizatori  për  tre  ekipet  fituese  do të ndaj  shpërblime  adekuat , ndërsa  do të shpërblehet edhe  ekipi  më fair play . lojtari më i mirë  dhe  portieri më i mirë.

 Ndeshjen  finale  mund  ta  ndiqni  drejtpërdrejt  në rrjetet  sociale   të  Televizionit Koha 

Advertisement