Lajme nga vendi
QMK: Vështirësi në kalimin e rrugëve Shkup–Tetovë–Gostivar dhe Mavrovë–Dibër
Qendra për Menaxhimin e Krizave (QMK) raportoi herët këtë mëngjes për rrugë të vështira për t’u kaluar për shkak të reshjeve të dendura të borës, ngricave dhe përkeqësimit të ndjeshëm të kushteve të motit.
Si të vështira për t’u kaluar janë listuar:
Shkup – Tetovë;
Tetovë – Gostivar;
Mavrovë – Dibër;
Kërçovë – Ohër;
Kozjak – Shkup;
si dhe disa rrugë rajonale në pjesën perëndimore të vendit.
Në numrin e emergjencës 112 janë raportuar disa raste të automjeteve të bllokuara dhe një rrëshqitjeje nga rruga.
QMK u bën thirrje qytetarëve të ngasin me kujdes, të ndjekin rekomandimet e shërbimeve kompetente dhe të përdorin pajisje dimërore.
Për shkak të mbulesës së borës në rrugë, LAMM ka futur përdorimin e detyrueshëm të zinxhirëve të borës për të gjitha automjetet në seksionin Lisec – Kodra e Diellit nga ora 21:00 e 2 janarit 2026.
Masa është e detyrueshme për shkak të pjesëve të pjerrëta dhe kthesave të mprehta të qafës, ku mosrespektimi i rregullave shpesh shkakton bllokime dhe vonesa. Kontrollet e policisë do të intensifikohen, veçanërisht për shkak të frekuencës së shtuar të automjeteve gjatë periudhës së festave.
Për shkak të depërtimit të ajrit dukshëm të ftohtë nga veriu, në Maqedoninë e Veriut të enjten (8 janar), temperaturat do të ulen ndjeshëm, dhe përsëri do të kthehet moti i ftohtë i shoqëruara me erëra të forta. Pikërisht për këtë arsye, reshjet e shiut nëpër viset malore, do të shndërrohen në reshje bore.
Të enjten, sipas meteorologëve, borë pritet të ketë në viset e larta mbi 1 mijë metra.
SPB Tetovë njofton se një veturë është prëfshirë nga zjari Tetovë, nga ku janë shkaktuar vetëm dëme materiale.
“Më datë 04.01.2026 në ora 08:45, në SPB Tetovë është raportuar se në fshatin Gajre të Tetovës ka rënë zjarr gjatë lëvizjes në automjetin “Mercedes” me targa gjermane, i drejtuar nga A.I. (27) nga fshati Gajre.
Nuk ka persona të lënduar, ndërsa zjarri është shuar nga ekipi i Njësisë Territoriale Kundër Zjarrit në Tetovë.
Lajme nga vendi
Një 38-vjeçar nga Kërçova është plagosur rëndë me thikë në afërsi të fshatit Trapçin Doll, arrestohen 2 persona
Një 38-vjeçar nga Kërçova është plagosur rëndë me thikë në afërsi të fshatit Trapçin Doll. Nga Sektori për Punë të Brendshme në Kërçovë bëjnë të ditur se për rastin në fjalë, si të dyshuar, janë arrestuar dy persona.
“Më 04.01.2026, në orën 14:45, në Kërçovë, punonjës policie nga Stacioni Policor i Kërçovës arrestuan A.A. (45 vjeç) dhe J.D. (36 vjeç), të dy nga Kërçova. Ata dyshohen se rreth orës 13:30, në vendin e quajtur “Bunari i Seferit”, afër fshatit Trapçin Doll, Kërçovë, pas një mosmarrëveshjeje paraprake, e kanë sulmuar me thikë dhe i kanë shkaktuar plagë B.A.(38 vjeç) nga Kërçova. Pas dhënies së ndihmës në spitalin e Kërçovës, për shkak të plagëve të rënda, ai u transferua në Spitalin e Përgjithshëm të Qytetit “8 Shtatori” në Shkup. Gjatë kontrollit të shtëpive të tyre, të kryer me urdhër gjyqësor, punonjësit e policisë kriminale gjetën thika, ndërsa tek J.D. u gjet një shiringë e mbushur me një lëng kafe të errët dhe sende me mbetje pluhuri të bardhë”, thuhet mes tjerash në njoftimin e SPB-Ohër.
Nga e enjtja pritet borë në viset malore
Policia identifikon të 40 viktimat e zjarrit në një bar në resortin e skive në Zvicër
Digjet një veturë në Tetovë, nuk ka persona të lënduar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
