Lajme nga vendi
ARRESTIMI I GRUBIT: “VLOJNË” REAGIMET PARTIAKE!
Bashkimi Demokratik për Integrim e vlerëson pozitivisht vendimin e Artan Grubit për t’u kthyer në vend, sic thonë, duke krijuar kështu mundësinë që përmes një procedure transparente, të drejtë dhe të paanshme të paraqiten të gjitha argumentet në dispozicion dhe të sqarohen të gjitha çështjet.
BDI
Presim që procesi të zhvillohet në përputhje me standardet më të larta të sundimit të ligjit: para së gjithash, me një nivel të lartë
transparence, në përputhje me interesin publik; por mbi të gjitha, me respektim të plotë të prezumimit të pafajësisë dhe me mbrojtje të të drejtave dhe lirive individuale. Duke marrë parasysh interesin e lartë politik dhe publik për këtë rast, partia do ta ndjekë me kujdes procesin në të gjitha fazat e tij.
Nga ana tjetër, nga koalicioni VLEN shtrojnë pyetjen nëse do t’i japë Artan Grubi goditjen fatale Ali Ahmetit dhe BDI-së?
VLEN
Kutia e zezë e qeverisjes së BDI-së më në fund është dorëzuar. Artan Grubi është pjesëmarrës dhe ekzekutor i të gjitha marrëveshjeve të errëta të BDI-së. Prandaj, BDI po dridhet nga frika se nuk e dinë se për çfarë është gati të flasë Artan Grubi. Pasi BDI humbi në mënyrë katastrofale në zgjedhjet lokale dhe të gjitha premtimet e rreme të Ahmetit për zgjedhje të parakohshme dhe hyrje të supozuar në qeveri dështuan, Artani nuk ka zgjidhje tjetër veçse të përballet me mëkatet e veta. Por cilin do ta ngreh me vehte, mbetet për t’u parë.
Për VMRO-DPMNE-në, arrestimi I Grubit paraqet triumph të drejtësisë. Partia në pushtet thotë se Grubi është koka e krimit dhe korrupsionit që udhëhiqej nga LSDM dhe BDI.
BRANE PETRUSHEVSKI – VMRO DPMNE
“Krimi I atë arratisurit nga drejtësia, Grubit, arriti vlerën e minimum 500 milion denarë ose mbi 8 milion euro, kurse ka indikacione dhe kjo shumë mund të tejkalojë dhjetë million euro, para të vjedhur nga qytetarët. Për këtë krim milionësh të Grubit kishte njohuri edhe LSDM-ja, por që të mos shkatërohej koalicioni, heshtte dhe e miratonte, me cka u bë bashkëpjesëmarrës”
Por, nga LSDM-ja pretendojnë se bëhet fjalë për një teatër politik, ku sipas tyre, arratisja dhe kthimi I Grubit paraqesin pjesë të marrëveshjes BDI VMRO. Socialdemokratët thonë se që në dhjetor 2024 kishin paralajmëruar për një skenar të këtillë.
BOGDANKA KUZESKA – LSDM
“Pas teatrit të sotëm në kufirin maqedonas, të gjithë e kanë të qartë, se arratisja e Grubit ishte marrëveshje politike. Sic u dakorduan ta lëshojnë, kështu u dakorduan të kthehet. BDI shpëton Mickoskin duke I hedhur “gomë shpëtimi”. Në këtë mënyrë VMRO me mbështetjen e BDI-së dëshiroin ta mbulojë narko-skandlin më të madh me 5 ton drogë që çon drejt kreut të Qeverisë Mickoski”
Socialdemokratët shtrojnë pyetjen se përse nuk ka kamera të sigurisë për 5 ton drogë që kaluan në Serbi, kurse për Grubin kamerat kanë qenë në funksion. Sipas tyre, krahas teatrit politik, përgjegjësi patjetër të ketë.
Edhe sot korridoret e gjimnazit të Tetovës, Kiril Pejçinoviç mbetën të zbrazta.
Klasat bosh, ndërsa mësimi nuk vijon, pavarësisht se është ditë e hënë!
E gjithë kjo sepse një njeri me një adresë elektronike fiktive po dërgon alarme të rrejshme për bombë, për të 14-tën herë me radhë dhe shteti nuk ta detektoj ende, se kush është, prej ku i dërgon dhe çfarë qëllimi.
Drejtori i gjimnazit Jeton Kamberi thotë se me përsëritjen e këtyre nxënësve, përveç shqetësimit që u shkaktohen, ata po humbin edhe shumë ditë mësim.
Jeton Kamberi – Drejtor i Gjimnazit
Kamberi bën me dije se disa herë u është dretjuar institucioneve për ndihmë, megjithatë kërkesat e tij kanë hasur në vesh të shurdhër.
Jeton Kamberi – Drejtor i Gjimnazit
Por gjimnazi nuk është shkolla e vetme që sot pranoi alarm të rrejshëm për bombëm, me çka, mijëra nxënës të Tetovës sot mbetën pa mësim.
Nga Sektori për Arsim në Komunë të Tetovës thonë se për dallim nga herat tjera, paralajmërimet për bomba këtë herë janë dërguar në polici e jo në shkolla. Ata thonë vazhdimi i procesit mësimorë do të vazhdojë vetëm kur të vërtetohet se janë përmbushur të gjitha nivelet e sigurisë.
SEKTORI PËR ARSIM – Tetovë
“Aktualisht, janë përfshirë këto shkolla të mesme: „Nikolla Shtejn“,Gjimnazi „7 Marsi“,Gjimnazi „Kirili Pejçinoviq“ dhe „8 Shtatori“. Ndërsa nga shkollat fillore: „Istikball“, „Kirili dhe Metodi“,„Bratstvo-Migjeni“,„Goce Dellçev“,„Besa“ dhe „Përparimi“. Objektet shkollore janë kontrolluar nga pjesëtarët e SPB-së, ndërsa nxënësit dhe stafi janë evakuuar në kohë dhe në mënyrë të sigurt, duke i liruar ambientet e shkollave. Shkollat kanë dërguar shkresë zyrtare deri te SVR me qëllim marrjen e informacionit zyrtar për situatën dhe udhëzimet për veprimet e mëtejshme. Institucionet kompetente po ndërmarrin masa të vazhdueshme për garantimin e sigurisë së nxënësve dhe stafit, ndërsa situata monitorohet në koordinim të plotë me organet e rendit. Vazhdimi i procesit mësimor do të bëhet vetëm pas konfirmimit zyrtar se janë përmbushur të gjitha kushtet e sigurisë” thonë nga Sektori për Arsim pranë Komunës së Tetovës.
E gjitha kjo ndodhë në një shtet anëtar të NATO-së dhe institucionet nuk janë në gjendje që të lokalizojnë dhe arrestojnë dërguesin misterioz të këtyre e-mailave që përveç panikës, po i pengon në mësimnxënie nxënësit.
Pas tre orësh në burgun e Shutkës në Shkup, Artan Grubi u dërgua me furgon për në Prokurori për t’u marrë në pyetje.
Grubi ishte ndaluar më herët në një pikë kufitare, pasi u kthye vetë në vend pas më shumë se një viti qëndrimi jashtë shtetit. Ndaj tij ishte shpallur fletarrest, pasi kishte lënë Maqedoninë dy ditë para dorëzimit të kallëzimit penal, edhe pse ndodhej në të ashtuquajturën “stop-listë”. Megjithatë, një polic kufitar i kishte lejuar kalimin e kufirit.
Hetimi kundër tij udhëhiqet nga Prokuroria e Shkupit dhe lidhet me dyshimet se, si drejtues i një seance qeveritare, ai kishte miratuar kërkesën e Lotarisë Shtetërore për furnizim publik me VLT-terminale, edhe pse institucioni nuk kishte të drejtë ligjore të organizonte në mënyrë të pavarur lojëra fati. Grubi dyshohet për veprën penale “përvetësim në shërbim”.
Procedura u hap pas vendimit të U.S. Department of State për ta vendosur atë në “listën e zezë”, për shkak të dyshimeve të bazuara për përfshirje në veprime korruptive dhe ndikim në procese gjyqësore të lidhura me ish-drejtorin e shërbimeve sekrete, Sasho Mijalkov.
Duke qenë se hetimi tashmë ka përfunduar dhe Grubi është kthyer vetë në vend, është e mundur që prokurori të propozojë një masë më të butë se paraburgimi efektiv, si arrest shtëpiak ose masa të tjera kufizuese. Për këtë do të vendosë gjyqtari i procedurës paraprake, i cili do të vlerësojë rrezikun e arratisjes dhe mundësinë e ndikimit në procedurë.
Grubi ka qenë zëvendëskryeministër i parë në koalicionin qeveritar të Lidhja Social Demokrate e Maqedonisë dhe Bashkimi Demokratik për Integrim, si dhe ministër për sistem politik dhe marrëdhënie ndërmjet komuniteteve. Në disa raste ai ka drejtuar edhe Qeverinë në mungesë të kryeministrit.
Dë ndeshjet e zhvilluara dje në kuadër të javës së 19-të në Ligën e pare të futbollit vendor sollën fitore për ekipet mysafire Shkëndija dhe Arsimi që mu006Aën Sileksin gjegjësisht Shkupin.
Skuadra e Shkëndijës ka marrë një fitore shimë domethënëse ndaj Sileksit në Kratovë me rezultat 2:1 në kuadër të xhiros së 19-të në Ligën e Parë të futbollit të Maqedonisë së Veriut. Me tre pikët e fituara tani Shkëndija vazhdon të mbetet në pozitën e dytë në tabelë me 45 pikë apo gjashtë më pak se Vardari në pozitën e pare.. Pas ndeshjes trajneri Jeton Beqiri deklaruar se është i kënaqur me tre pikët e fituara që u arritën në një teren të pa përshtatshëm
“I kënaqur për luftën e fituar, pasi nuk mund të flas për futbollin e luajtur. Kjo këtu në këtë fushë nuk ka të bëjë me futbollin. I kënaqur me karakterin dhe angazhimin e futbollistëve. Me pak fat nuk arritëm që ta mbyllim mirë pjesën e parë, pranuam gol në moment shumë negativ. Pastaj kishte momente ku edhe rrezikuam, por kishim momente edhe ku mund të fitojmë, ndërsa edhe momente ku mund ta humbnim ndeshjen. E rëndësishme është se ne rrezikuam, futëm edhe lojtar më shumë ofenziv. Unë gjithmonë them, se fati i ndjek ata të cilët janë luftëtar dhe që japin maksimumin.”deklaroi trajneri Jeton Beqiri
Në Gostivar,klubi I futbollit Arsimi në cilësinë e mysafirit shënoi fitore kundër Shkupit 3-0 , ndërsa autor të golave ishin Remzifaik Selmani 2 gola dhe Argjend Gafuri 1 gol. Autori i dy golave pas ndeshjes deklaroi se fitorja ishte imperativ për ekipin e tij
‘’Normalisht çdo fitore është motiv shtesë për ne . Sigurisht se këto tre pikë na duheshin pasi vijmë pas një serie jo të mirë dy humbje radhazi Kjo fitore do të na lehtësoj shumë të ardhmen të fitojmë si ekip motiv dhe të jemi më efikas dhe më të përqendruar në ndeshjet e radhës’’ tha futbollisti Remzifaik Selmani
Me tre pikët e fituara deje kundër Shkupit, skuadra e Çegranit tani me 25 pikë është në pozitën e gjashtë, ndërsa në ndeshjen e javës së 20 është nikoqire e Makedonija Gj.P
SHABAN SINANI – TV KOHA
GJUNJËZOHEN INSTITUCIONET, ALARMET E RREME PARALIZOJNË ARSIMIN NË TETOVË
Përsëri thirrje raciste antishqiptare në fushat e sportit, derbi Vardari-Bashkimi riktheu debatin për gjuhën e urrejtjes
Grubi dërgohet në Prokurori për të dhënë deklaratë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
