Lajme nga vendi
KF SHKËNDIJA PA FLAMUR TË BARDHË NË SAMSUN!
Shkëndija e Tetovës dje ka arritur në Turqi për ndeshjen e kthimit që nesër do ta luajë me Samsunsporin në kuadër të fazës së plej of-it në UEFA Konferencë Ligë. Takimi fillon në ora 18:45
Kuqezinjtë nga dita e djeshme janë akomoduar në qytetin Samsun aty ku nesër do të zhvillojnë ndeshjen kthyese të play off-it në UEFA Koherencë Liga kundër skuadrës turke Samsunspor.
Ndeshja e pare e zhvilluar javën e kaluar në Shkup përfundoi me fitoren e miqve nga Turqia me rezultatin 0-1. Ky rezultat u jep përparësi vendasve, por megjithatë, mbetet gjithçka e hapur në ndeshjen e kthimit.
Megjithatë skuadra kuqezi synon përmbysjen e rezultatit për të vazhduar edhe më tej aventurën evropiane.
‘’Ne kemi rezultat negativ nga ndeshja e parë por gjithsesi, por në futboll çdo ndeshje është histori tjetër. Unë besoj që ne do kemi mundësit tona pavarësisht se bisedohet për një skuadër cilësore, bisedohet për një skuadër që është favorite ndaj nesh. Por ne në asnjë moment besoj se ne nuk mund të dalim humbës nga ky takim. Vetëm marrim eksperiencë. Ekipi është në rritje dhe pastaj në kampionat shprehëm dominancën në këto ndeshje dhe unë besoj të jetë një ditë po për ne dita e enjte dhe normalisht të shfrytëzojmë çdo problematik apo çdo gabim të kundërshtarit’’ deklaroi trajneri Beqiri
Futbollisti Vane Kërstevski thotë se ekipi është mirë i përgatitur që jep shpresë për rezultat pozitiv
‘Fillimisht dua të them se kjo është ndeshje e madhe për ne, të gjithë jemi të lumtur që kemi arritur këtu. Dua të them se është një ndeshje luksi për ne . Është nder dhe privilegj të luhet në këtë balotazh. Shpresojmë në rezultat pozitiv jemi përgatitur mirë dhe shpresojmë se kemi pasur mjaftueshëm ndeshje deri më tani . Gjithsesi se shpresojmë në rezultat pozitiv’’ deklaroi futbollisti Vane Kërstevski
Shkëndija sonte do të zhvillojë seancën zyrtare stërvitore në stadiumin ku do të luhet takimi, ku trajneri Jeton Beqiri pritet të finalizojë formacionin dhe skemën taktike për sfidën vendimtare. Dueli ndërmjet Samsunsporit dhe Shkëndijës do të zhvillohet nesër me fillim nga ora 18:45.
SHABAN SINANI – TV KOHA
Nën patronazhin e Reisul Ulemasë të BFI-së së RMV-së, u shtrua iftari tradicional i Bashkësisë Fetare Islame, duke bërë bashkë në një mbrëmje të veçantë drejtuesit më të lartë shtetërorë, institucionalë dhe përfaqësues të jetës publike.
Presidentja e shtetit, Gordana Siljanovska-Davkova, Kryetari i Kuvendit, Afrim Gashi, ministra dhe zëvendësministra, kryetarë partish politike, kryetarë komunash, ambasadorë, rektorë universitetesh, si dhe shumë personalitete nga jeta shoqërore dhe civile, ishin të pranishëm në Iftarin Tradicional të Bashkësisë Fetare Islame.
Në fjalën e tij përshëndetëse, kreu I BFI-së, u uroi mirëseardhje mysafirëve dhe agjërim të lehtë e të pranuar, duke theksuar se Ramazani është muaj reflektimi, afrimi dhe përgjegjësie të përbashkët. Ai veçoi rëndësinë e unitetit, tolerancës dhe bashkëjetesës si vlera themelore për stabilitetin dhe perspektivën e vendit.
“Gëzimi I Iftarit merr vlerë të veçantë kur jemi bashkë pranë njëri-tjetrit, të lidhur shpirtërisht, të solidarizuar dhe respektues ndaj secilit, pa dallim race, feje, kombi apo vendi. Në tryezën e Itarit forcohen lidhjet njerëzore, mbillet dashuria, paqa dhe solidariteti dhe shprehet bujaria përmes veprave të mira. Aty ku ndahet buka, forcohet besimi, aty ku ndahet fjala e mirë, ndërtohet respekti”
Mbrëmja u zhvillua duke reflektuar frymën e respektit, dialogut dhe bashkëpunimit ndërinstitucional.
Edhe të pranishmit përmes postimeve nëpër rrjetet sociale kanë përshëndetur organizimin e këtij Iftari, ku potencohet se përmes këtyre ngjarjeve dërgohen mesazhe të fuqishme uniteti, respekti dhe solidariteti.
Edhe një ton marihuanë është konfiskuar nga një kompani për kultivimin e kanabisit mjekësor në Josifovë të Valandovës. Bëhet fjalë për kompaninë Green Life, njëra nga gjashtë kompanitë të cilave Qeveria e Republikës së Maqedonisë së Veriut ua ka hequr licencën e punës.
Me urdhër të një prokurori publik nga Prokuroria e Gjevgjelisë, zyrtarë policorë nga SPB-Strumicë dhe DPB-Valandovë kanë kryer kontroll në hapësirat e një subjekti juridik për prodhimin e marihuanës në fshatin Josifovo, njoftuan nga Ministria e Punëve të Brendshme e Maqedonisë së Veriut.
Konfiskimi është vazhdim i aksionit policor të nisur në periudhën e kaluar, në të cilin deri më tani janë sekuestruar 40 tonë marihuanë.
Lajme nga vendi
Zaev kërkon 1 milion nga Zhan Mitrev dhe Petrushevski, i padit për cenim të reputacionit me shpifje
Ish-kryeministri Zoran Zaev njoftoi se ka parashtruar padi për shpifje dhe shkelje të nderit dhe reputacionit kundër Brane Petrushevskit dhe Zhan Mitrevit, përcjell TV21. Paditë janë dorëzuar në Gjykatën Themelore të Strumicës, dhe vlera e secilës prej tyre është 500,000 denarë.
Sipas pretendimeve në dokumentet e paraqitura, Zaev konsideron se me deklarata publike dhe paraqitje të ndryshme i janë paraqitur fakte të pavërteta që e cenojnë nderin dhe reputacionin e tij.
Në një rast, padia lidhet me deklarata të dhëna në një konferencë për shtyp, ndërsa në rastin tjetër-me një paraqitje në televizion, ku sipas paditësit, pretendimet janë transmetuar gjithashtu nga media dhe portalet online.
“Nuk ka asnjë dilemë se gënjeshtra e të dyve do të vërtetohet,” deklaroi Zaev, duke shtuar se kompensimi eventual nga paditë do të dhurohet për fëmijë pa prindër dhe për persona me nevoja të veçanta.
Paditë bazohen në dispozitat e Ligjit për përgjegjësi civile për ofendim dhe shpifje, me kërkesë për vërtetimin e përgjegjësisë dhe kompensim të dëmshpërblimit jo-material për shkelje të reputacionit. Pritet që gjykata të vendosë mbi paditë e paraqitura në procedurë të rregullt.
IFTARI I BFI-së BËRI BASHKË KRERËT E SHTETIT DHE PARTIVE POLITIKE!
Kapet edhe një ton marihuanë
Zaev kërkon 1 milion nga Zhan Mitrev dhe Petrushevski, i padit për cenim të reputacionit me shpifje
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
