Konflikti në Lindjen e Mesme ka goditur fort aviacionin global. Fillimisht, fluturimet u ndaluan në hapësirat ajrore më të ngarkuara të botës, duke lënë avionët në tokë dhe mijëra pasagjerë të bllokuar.

Goditja e radhës ishte ajo ndaj furnizimit me karburant, që u prek ndjeshëm nga mbyllja e ngushticës së Hormuzit nga Irani, çka solli rritje të çmimeve dhe detyroi disa linja ajrore të reduktojnë fluturimet.

Për momentin situata është stabilizuar pjesërisht, thotë BBC. Emirates, Etihad dhe Qatar Airways po operojnë me fluturime të rregullta, por oraret mbeten të kufizuara dhe të ndjeshme ndaj ndërprerjeve.

Analistët e kompanisë se të dhënave te aviacionit, Cirium, raportojnë se mbi 30,000 fluturime në Lindjen e Mesme janë anuluar që nga fillimi i konfliktit.

Pjesa më e madhe e pasagjerëve që kalojnë nëpër aeroportete e vendeve të Gjirit nuk qëndrojnë atje- ata ndryshojnë thjesht fluturimet e tyre, ne nje system qe lidh destinacione të largëta në një ndalesë të vetme.

Advertisement

Kjo ka bërë që Dubai, Abu Dhabi dhe Doha të jenë pikë kyçe për udhëtime nga Europa dhe Amerika drejt Australi, Azisë Juglindore dhe Indi. Ekspertët paralajmërojnë sot se konflikti mund të dëmtojë reputacionin e aeroporteve në fjalë, duke sjellë  rënie të trafikut dhe rritje të çmimeve të biletave.

Sipas tyre, në periudhën afatshkurtër, pasagjerët mund të shmangin Gjirin dhe të zgjedhin alternativa si Singapori, Bangkoku ose Tokio.

Por edhe nëse me vone modeli i shteteve të Gjirit do të marrë veten ne menyre që të konsiderohet sërish një sukses, ndikimi mbi turizmin dhe biznesin do të jetë i madh, thote BBC, sipas të cilës rikthimi në normalitet do të jete një sfidë që mund të zgjasë disa vite.

Në Gjykatën Themelore në Prishtinë, në gjykimin ndaj Naim Murselit, Kushtrim Kokallës dhe Granit Plavës, në sesionin e pasditës po jep mbrojtjen i akuzuari Plava, i cili tha se vrasja ishte kryer në marrëveshje me Murselin, i cili i kishte premtuar se do ta nxjerrtë nga burgu pas dy vitesh, me pretendimin se është person që ka pushtet.

Plava tha se nuk qëndron pranë deklaratës së dhënë në Polici dhe se sot do ta thotë të vërtetën.

“Atë deklaratë që e kam dhënë ka qenë nën presion të policisë”, tha Plava, duke shtuar se deklaroi sipas marrëveshjes që kishte me Murselin, dhe kishte njoftuar ambulancën dhe i kishin dhënë një injeksion.

Duke u përgjigjur në pyetjet e mbrojtësit të tij, avokatit Skender Gojani, i akuzuari Plava tha se kishte marrëveshje me Naim Murselin dhe se ka qenë në dijeni për veprën për të cilën sot po akuzohet.

“Asnjëherë nuk më ka tregu kush është personi (që do ta vriste), edhe m’ka thanë veç ki me marrë përgjegjësi ti, kurgjë tjetër. Unë pa u ba dy vjet të nxjerri prej burgu, e di çfarë pushteti kam”, tha Plava.

Advertisement

Sipas tij, Murseli i ka thënë se për këtë rast ka qenë në dijeni edhe Behgjet Pacolli, raportojnë mediat e Kosovës.

“Me fjalë të Naimit qysh m’ka thanë Naimi, m’ka thanë që edhe Behgjet Pacolli për këtë rast ka qenë në dijeni, ti e di çfarë pushteti kemi na, më ka thanë. Nuk ka shansa me nejt në burg ma shumë se dy vjet”, u shpreh Plava.

Ai pretendon se Murseli i ka ofruar punë, pagë 1300 euro, një veturë G-Classs. Tha se kur e ka pyetur se kë do ta vriste, Naimi i kishte thënë se nuk ka nevojë ta dijë vetëm të marrë përgjegjësinë.

Më tej, Plava thotë se deklaratën në Polici e kishte dhënë ashtu sikurse ishte marrë vesh me Naim Murselin. Dy të akuzuarit e tjerë ai tha se i njeh, Kokallën për shkak se janë nga i njëjti fshat, kurse Murselin e njeh më pak.

I akuzuari thotë se me Naim Murselin është takuar 7-8 herë dhe se ditën kritike janë takuar pikërisht për këtë marrëveshje.

Advertisement

Sipas tij, të nesërmen e kishte kuptuar që personi që e vrau ka qenë gruaja e Naim Murselit.

“Më vjen keq për atë ditë çka ka ndodh. Gjithmonë ka thënë se është ja serbe ja boshnjake, veç ti ki me marrë përgjegjësinë”, u shpreh ai.

Fillimisht, Plava tha se ka gjendje të dobët ekonomike dhe se ka qenë punëtor krahu.

Është varrosur në heshtje dhe i braktisur nga familjarët, 80-vjeçari Shefit Rrapaj nga fshati Kuman i Roskovecit, i cili dy ditë më parë vrau me armë zjarri bashkëshorten e tij, Dashuri Rrapaj, dhe më pas i dha fund jetës.

Ceremonia mortore e tij është zhvilluar pasditen e djeshme në varrezat e fshatit, ku sipas banorëve, në varrim kanë marrë pjesë vetëm disa punonjës të shërbimeve funerale dhe të bashkisë, ndërsa asnjë nga 9 fëmijët apo të afërmit nuk ishte i pranishëm.

“Na thanë që e varrosën. Pashë makinën funerale dhe shkova. Ishin vetëm 3-4 veta dhe e çuan në fund fare. Nuk e prisnim kurrë. Ishin njerëz shumë të mirë, u habitëm të gjithë kur e dëgjuam”.

Banorët tregojnë se ngjarja ka tronditur të gjithë komunitetin, ndërsa kujtojnë se ditët e fundit në zonë kishte prani të shtuar të policisë.

“Para disa ditësh kishte polici këtu, rrinte furgoni. Por kujt ia merrte mendja që do ndodhte kjo. Menduam mos kishte ndodhur ndonjë aksident”.

Advertisement

Sipas drejtorit të ndërmarrjes publike i Bashkisë së Roskovecit, Arben Duka, policia ka negociuar për një kohë të gjate me familjarët për tërheqjen e trupit të Shefitit nga morgu, por që ka rezultuar pa sukses, të ndodhur në këto kushte funeralin e ka kryer Bashkia me punonjësit e saj.

Vëllai i së ndjerës, në një prononcim për TCH, është shprehur se familja do të kryejë vetëm ceremoninë mortore për Dashuri Rrapajn, duke e konsideruar autorin si një person të dhunshëm dhe problematik.

Sipas tij, disa vite më parë, 80-vjeçari kishte tentuar edhe vetëvrasjen, ndërsa konflikti që çoi në tragjedi dyshohet të ketë nisur disa ditë më parë për motive banale, pas një përplasjeje me djalin e kthyer nga emigracioni, ku viktima i kishte dalë në mbrojtje të birit.