Lajme nga vendi
KËSHILLI I TETOVËS – PËRPLASJE PËR EMËRTIMIN E RRUGËVE
Në seancën e 15 të Këshillit Komunal të Tetovës janë regjistruar tensione gjatë shqyrtimit të rendit të ditës për propozimin e emrave të rrugëve në qytet.
Propozimi i paraqitur nga BDI-ja për emërtimet e rrugëve u fut në rend të ditës me 22 vota “për”, 2 “kundër” dhe 1 të “përmbajtur”, pra votuan së bashku edhe këshilltarët e VLEN-it edhe të AKI-së, por kundër ishin dy këshilltarët e Ziadin Selës.
Megjithatë, këshilltarët e BDI-së kërkuan gjithashtu që kjo pikë të futet si pikë e parë e rendit të ditës, çka u kundërshtua nga kryetari i këshillit dhe këshilltarët të shumicës.
Nënkryetari i Komunës së Tetovës Albi Qamili tha se kjo kërkesë e BDI-së po bëhet për show mediatik dhe për pikë politike.
Këshilltarët e Ziadin Selës thanë se ka një marrëveshje mes VLEN dhe BDI për ta çuar Këshillin Komunal të Tetovës në zgjedhje dhe se me këtë gjë, rrezikohet pozicioni i tyre pasi që herën e fundit mandatin e morën në koalicion parazgjedhor me BDI-në dhe shumë parti të tjera në AKI.
Si pasojë e mos pranimit të kërkesës së vendosjen e propozimit të tyre si pikë e parë, këshilltarët e BDI-së dhe të Aleancës për Shqiptarët protestuan para foltores duke pamundësuar vazhdimin e seancës. Kryetari i Këshillit propozoi pauzë dhe më pas pritet të vazhdon përsëri me debatin.
Senaca vijon ende dhe më shumë detaje do të kemi në edicionin e radhës.
Në kuadër të manifestimit “Tetova n`Festë”, Sheshi i Tetovs të hënën në mbrëmje u bë arenë e garave të bilardos.
Mjeshtrit e kësaj loje nga vendi por edhe nga Kosova e Shqipëria, para tetovarëve prezantuan aftësitë e tyre në këtë sport atraktiv dhe shumë të dashur për të rinjtë dhe jo vetëm, duke e shndërruar këtë mbrëmje në një festë të madhe tetovare.
Erdhi si favorit, por edhe në stolin e bilardos e meritoi këtë epitet.
Vendi i parë I takoi, Eklent Kaçit nga Shqipëria, disa herë kampion bote në bilardo.
EKLENT KAÇI – Kampion bote në bilardo
Në vendin e dytë u pozicionua Fitim Haradinaj nga Kosova, kurse në vendin e tretë u renditën Mirsad Zeqiri dhe Blendi Qazimi.
Organizatori Komuna e Tetovës për fituesit ndau Kupa dhe mirënjohje teksa ka uruar të gjithë pjesëmarrësit për një garë të nivelit të lartë sportiv në kuadër të Verës Tetovare.
IBRAHIM SADIKI – Organizator i turneut
BEDRI SIJARINA – Bilardist nga Kosova
Ndryshe ky turne i bilardos u transmetua drejtpërdrejt në faqen zyrtare të Facebookut të Tv Koha, ashtu sic do të transmetohen edhe dhjetëra aktivitete tjera sportive, kulturore, argëtuese gjatë verës tetovare./Tv Koha/
Ministri i deritanishëm për marrëdhënie ndërmjet bashkësive Ivan Stoillkoviq ia lëroi kolltukun ministrit të ri nga radhët e VLEN Agon Ferati. I tha se ka qenë shkurt në këtë pozitë.
Ferati është një profesionist i orientuar drejt rezultateve me përvojë të gjerë në menaxhimin e projekteve, politikat publike, qeverisjen e mirë, integrimin evropian dhe bashkëpunimin ndërkombëtar. Ai është alumn i Programit të Shkëmbimit të Këshillit Amerikan të Liderëve të Rinj Politikë (ACYPL) dhe ka ndjekur trajnime të avancuara profesionale në Institutin Robert Schuman, Universitetin Lund, Organizatën për Siguri dhe Bashkëpunim në Evropë (OSBE) dhe Zyrën e Kombeve të Bashkuara për Shërbime të Projekteve (UNOPS).
Sedat Sulejmani ka njoftuar se sot zyrtarisht ka marrë detyrën e Ministrit të Kulturës dhe Turizmit. Ai tha se prioritet do të jenë zhvillimi i artit dhe kulturës, konsolidimi i institucioneve kulturore dhe mbështetja e artistëve dhe krijuesve të rinj. Sulejmani falënderoi ministrin në largim, Zoran Ljutkov, për angazhimin dhe kontributin gjatë mandatit të tij.
“TETOVA OPEN – BILARDO” FRYMË E RE NË “VERËN TETOVARE” (foto)
Agon Ferati mori drejtimin e Ministrisë për Marrëdhënie ndërmjet Bashkësive
Sulejmani zyrtarisht në krye të Kulturës dhe Turizmit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
