Me një manifestim të mbajtur në afërsi të Urës së Gurit, Qeveria shënoi zyrtarisht përfundimin e aktiviteteve kushtuar 25-vjetorit të Marrëveshjes Kornizë të Ohrit.

Nën moton “25 vjet dhe përtej”, aktiviteti solli në fokus rëndësinë e marrëveshjes për paqen, stabilitetin, bashkëjetesën dhe perspektivën evropiane të Maqedonisë së Veriut.

Zëvendëskryeministri i parë dhe ministri për Çështje Evropiane, Bekim Sali, e cilësoi Marrëveshjen e Ohrit si një “besëlidhje historike” për mënyrën se si duhet të ndërtohet shteti i përbashkët.

Sali nënvizoi se barazia është bazë për ndërtimin e besimit mes qytetarëve dhe institucioneve, ndërsa bëri thirrje për një kulturë politike të bazuar në dialog, bashkëpunim dhe përgjegjësi.

“25-vjetori i Marrëveshjes së Ohrit duhet të jetë jo vetëm kujtim i së kaluarës, por edhe zotim për të ardhmen. Zotim se do të vazhdojmë të ndërtojmë ura e jo mure, se do ta mbrojmë barazinë, do ta forcojmë demokracinë dhe shtetin e së drejtës dhe do të punojmë për një shtet ku askush nuk do të ndihet i përjashtuar, i papërfaqësuar dhe i huaj”

Advertisement

Ndërkaq, ministri për Marrëdhënie ndërmjet Bashkësive, Agon Ferati, tha se 25-vjetori i Marrëveshjes së Ohrit duhet të shërbejë jo vetëm si moment përkujtimi, por edhe si mundësi për të reflektuar mbi përgjegjësitë që qëndrojnë përpara.

Ferati theksoi se fokusi duhet të zhvendoset nga e kaluara drejt së ardhmes, me prioritet sundimin e ligjit, gjithëpërfshirjen, tolerancën, bashkëpunimin ndërmjet komuniteteve dhe krijimin e mundësive për të rinjtë.

“25 vjet pas Marrëveshjes së Ohrit, duhet të flasim më shumë për atë se çfarë duam të ndërtojmë në 25 vitet e ardhshme. Rinia është jo vetëm e ardhmja e vendit, por edhe një nga resurset më të mëdha për ndërtimin e një shoqërie më të zhvilluar dhe më të qëndrueshme. Marrëveshja e Ohrit na dha një bazë për të jetuar së bashku. Përgjegjësia jonë sot është që këtë bashkëjetesë ta shndërrojmë në bashkëpunim, zhvillim dhe mundësi të barabarta për të gjithë. Para 25 vitesh, zgjodhëm paqen. Sot, brezi ynë duhet të zgjedhë të ardhmen”.

Nën moton “25 vite dhe përtej”, Qeveria organizoi shënim dy ditorë të Marrëveshjes së Ohrit me aktivitete të ndryshme.

Nga këto organizime, përfaqësuesit e Qeverisë vlerësuan rolin e të gjithë nënshkruesve të Marrëveshjes së Ohrit, si dhe mbështetjen e Shteteve të Bashkuara të Amerikës dhe Bashkimit Evropian./Tv Koha – Shkup/

Advertisement

Gjatë ditës së sotme dhe gjatë ditëve në vijim, moti në një pjesë të madhe të Maqedonisë së Veriut do të jetë i paqëndrueshëm, me reshje të rrëmbyeshme shiu, bubullima dhe erë të përforcuar, paralajmërojnë nga Drejtoria për Punë Hidrometeorologjike (DPHM),

Sipas sinoptikanëve, në disa vende do të kemi erë të fortë të shoqëruar me vetëtimë si dhe paraqitje të mundshme të breshërit.

Nga DPHM bëjnë thirrje për kujdes më të madh, veçanërisht për qytetarët që lëvizin në zonat e hapura dhe drejtuesit e automjeteve, si dhe rekomandojnë ndjekjen e rregullt të njoftimeve dhe paralajmërimeve meteorologjike.

Kujtojmë se era që goditi Shkupin para isa kohëve më 21 korrik,  ishte në kategorinë e uraganit, dhjetëra pacientë u pranuan në spitale me lëndime dhe fraktura.

Kanë kaluar 9 ditë nga sulmi ndaj aktivistëve të rinj në Novo Selo dhe deri më tani askush nuk është thirrur për t’u marrë në pyetje, nuk ka hetim, nuk ka asgjë, thuhet në kumtesën e sotme të LSDM-së.

Qeveria i mbron autorët, Prokuroria Publike hesht, Ministria e Brendshme hesht. Së pari i sulmuan fizikisht aktivistët e rinj, pastaj publikisht, me gënjeshtra dhe trillime.

Menduan se do t’i heshtnin. VMRO-DPMNE publikoi të dhëna konfidenciale nga dokumentet e Stacionit Policor të Strumicës në një konferencë për shtyp.

Dokumente dhe të dhëna në të cilat ata nuk kanë të drejtë qasjeje dhe të cilat mbahen si sekret zyrtar. Dhe ky është një krim i ri.
A menduan se do të shpëtonin?

U mashtruan. LSDM sot ngriti kallëzime penale në Prokurorinë Themelore Publike dhe në Prokurorinë për Ndjekjen e Krimit të Organizuar.

Advertisement

1. Kundër oficerëve të policisë në SPB të Strumicës për disa vepra penale:

– Keqpërdorim i pozitës dhe autoritetit zyrtar, me qasje në të dhënat penale dhe nxjerrje të dokumenteve konfidenciale që u janë dhënë dhe kanë përfunduar në VMRO-DPMNE .

– Zbulimi i sekreteve zyrtare (neni 360 i Kodit Penal), sepse të dhënat nga evidencat penale përfaqësojnë informacion të klasifikuar dhe sekret zyrtar dhe përfunduan në VMRO-DPMNE .

– Keqpërdorimi i të dhënave personale (neni 149), sepse ato mundësuan që të dhënat nga një kategori e veçantë (evidenca penale) të përdoren për qëllime partiake të VMRO-DPMNE , krejtësisht të ndryshme nga ajo për të cilën janë mbledhur.

2. Për më tepër, u ngritën kallëzime penale kundër Valentin Manasievskit nga VMRO-DPMNE për:

Advertisement

– Keqpërdorimi i të dhënave personale. Sepse pa asnjë bazë ligjore, ai publikisht prezantoi dhe komunikoi të dhëna nga evidencat penale përmes mediave të informimit publik.

– Nxitja (neni 23 i Kodit Penal) për shkak të dyshimit të arsyeshëm se ai, në mënyrë të pavarur ose përmes ndërmjetësve, me dashje i ka nxitur të pandehurit e parë për të kryer veprat penale të keqpërdorimit të detyrës zyrtare dhe zbulimit të sekreteve zyrtare”, thonë nga LSDM. përcjell Zhurnal.mk .