Connect with us

Lajme nga vendi

SEMIRE SEFERI DHE ARLINDA LUMA MORËN TITULLIN HAFIZE TË KUR’ANIT FISNIK

Published

on

Të Dielën, në Xhaminë e Epërme në Reçicë të Madhe, në një atmosferë të veçantë festive dhe shpirtërore, u mbajt ceremonia solemne e duasë së hifzit për hafizen e re, Semire Zulqufli Seferi.

Hfz. Semire Zulqufli Seferi, rrugëtimin e saj të bekuar në mësimin përmendësh të Kur’anit Fisnik e filloi më 19 qershor 2022 te muhafidhi i saj, Abdurahman ef. Asllani, ndërsa e kurorëzoi me sukses më 4 shtator 2026, në qendrën e hifzit „Molla Mahmud ef. Asllani“.

Provimin e hifzit e kreu me sukses mes datave 7, 11 dhe 14 shtator 2026, para Komisionit të Hifzit pranë BFI – Myftinisë së Tetovës, në përbërje:

Hfz. Ibrahim Alija – kryetar, Hfz. Emin Beadini – anëtar, Hfz. Elvira Halimi – anëtare.

Në shenjë vlerësimi për arritjen e këtij suksesi madhor, hafizes së re iu dorëzua certifikata e hifzit nga Myftinia e Tetovës, e cila do të shndërrohet në diplomë zyrtare gjatë ceremonisë qendrore të organizuar nga Rijaseti i BFI-së. Po ashtu, u ndanë mirënjohje dhe dhurata për hafizen dhe muhafidhin e saj, Abdurahman ef. Asllani, në shenjë falënderimi për punën dhe kujdesin e treguar.

Advertisement

Poashtu, më 3 tetor 2026, në Xhaminë e fshatit Glloboçicë të Kosovës, u mbajt ceremonia e duasë së hifzit për hafizen e re, Arlinda Nexhat Luma.

Arlinda Nexhat Luma, rrugëtimin e saj në mësimin përmendësh të Kur’anit Fisnik e filloi më 29 janar 2019, ndërsa e përfundoi me sukses më 15 shtator 2026, në Institutin e Hifzit pranë Xhamisë së Larme në Tetovë, nën përkujdesjen e muhafidhit të saj, hfz. Zulqufli ef. Asllani.

Provimin e hifzit e kaloi me sukses më 18, 21 dhe 24 shtator 2026, para Komisionit të Hifzit pranë Myftinisë së Tetovës, në përbërje: hfz. Xheladin ef. Jusufi – kryetar, hfz. Resi ef. Dauti – anëtar dhe hfz. Eliza Emini – anëtare.

Hafizja e re ka përfunduar Medresenë “Isa Beu” në Tetovë, ndërsa studimet e larta i ka kryer në Universitetin e Tetovës, në Fakultetin e Mjekësisë.

Dy solemnitetet e veçanta, me praninë e tyre, i nderuan Reisul Ulema i BFI-së, Shaqir ef. Fetai; kryetari i Këshillit të BIK-ut në Kaçanik, Fidaim ef. Fazliu, me bashkëpunëtorë; Myftiu i Tetovës, Selver Xhemaili, me bashkëpunëtorë; profesorë, hoxhallarë nga rrethi i Tetovës dhe Kaçanikut, përfaqësues të institucioneve të BFI-së dhe BIK-ut, si dhe familjarë, miq e dashamirë të shumtë nga Kosova dhe Maqedonia e Veriut.

Advertisement

Myftinia e Tetovës shpreh urimet më të ngrohta për dy hafizet, familjet e tyre, duke e lutur Allahun e Madhërishëm që Kur’anin Famëlartë ta bëjë udhërrëfyes të jetës së saj dhe ndërmjetësues në Ditën e Gjykimit, thuhet në një komunikatë nga Myftinia e Tetovës.

Lajme nga vendi

SËRISH DENONCIME PËR “BOMBA” NË SHKOLLAT E TETOVËS!

Published

on

Katër shkolla në Tetovë sot kanë marrë njoftime për vendosjen e bombave, por kontrollet policore kanë vërtetuar se bëhet fjalë për alarme të rreme.

Pas tri shkollave fillore, të cilat i morën kërcënimet gjatë orëve të mëngjesit, pasditen e sotme është dërguar edhe një mesazh për një mjet shpërthyes të pretenduar në Gjimnazin e Tetovës.

Nga Sektori për Punë të Brendshme në Tetovë për Tv Koha e kanë konfirmuar informacionin.

Prej atje bëjnë të ditur se kërcënimet e para kanë arritur në adresën elektronike të policisë për ankesa dhe kanë të bëjnë me Shkollën Fillore „Liria“, dhe shkollat private „Marif“ dhe „Jahja Kemal“.

Më vonë gjatë ditës ka arritur edhe një kërcënim tjetër, kësaj radhe për Gjimnazin.

Advertisement

Sipas informacioneve të policisë, mesazhet elektronike janë dërguar nga adresa të ndryshme, të cilat menjëherë më pas janë fshirë.

Zyrtarët policorë kanë kryer kontrolle në terren dhe kanë konstatuar se kërcënimet janë të rreme.

Nga SPB Tetovë bëjnë të ditur se po ndërmarrin masa për zbulimin e personit që ka dërguar mesazhet kërcënuese.

Ndryshe, më 17 nëntor 2026, në periudhën nga ora 05:45 deri në 07:25, zyrtarë policorë nga Sektori për Luftimin e Terrorizmit, Ekstremizmit të Dhunshëm dhe Radikalizmit , në bashkëpunim me zyrtarë të Sektorit për Krim Kompjuterik dhe Njësisë Policore të Zherovjanit pranë SPB-së Tetovë, kishin kryer bastisje në shtëpinë dhe objektet ndihmëse të një 18-vjeçari në fshatin Radiovcë të Tetovës.

Bastisja ishte realizuar nën dyshimin për kryerjen e veprës penale sipas nenit 366 të Kodit Penal, përkatësisht për dhënie të rrejshme të alarmit për vendosjen e bombës në shkollën e mesme komunale – gjimnazin “Kiril Pejçinoviq” në Tetovë./Tv Koha/

Advertisement
Continue Reading

Lajme nga vendi

Kredia hungareze: Qeveria lëshon miliona të tjera për bizneset, shuma arrin në 242 milionë euro!

Published

on

Qeveria e Maqedonisë së Veriut ka transferuar 45,2 milionë denarë shtesë nga buxheti shtetëror në Bankën Zhvillimore, për financimin e investimeve të kompanive vendase.

Me këtë transfertë, shuma e përgjithshme e mjeteve të ndara për sektorin privat nga kredia hungareze ka arritur në 14,9 miliardë denarë, përkatësisht 242 milionë euro, nga gjithsej 250 milionë euro të planifikuara.

Fondet shpërndahen përmes bankave komerciale, me normë interesi prej 1,95%, afat shlyerjeje deri në 15 vjet dhe periudhë faljeje deri në tre vjet.

Sipas autoriteteve, masa synon nxitjen e investimeve dhe zhvillimin ekonomik të vendit.

Continue Reading

Lajme nga vendi

1.040 raste të dyshimta në polici: 34 policë me kallëzime penale, 13 për tejkalim të forcës!

Published

on

Kontrolli i Brendshëm i Ministrisë së Punëve të Brendshme ka trajtuar 1.040 raste të dyshimeve për veprime të paligjshme, joprofesionale dhe joetike të punonjësve të policisë gjatë nëntë muajve të parë të vitit 2026.
Sipas raportit zyrtar, gjatë kësaj periudhe janë ngritur 31 kallëzime penale ndaj 64 personave, prej të cilëve 34 janë policë.
Vëmendje të veçantë tërheqin rastet e përdorimit të forcës fizike. Nga 54 raste të shqyrtuara, në tri është konstatuar përdorim i pabazuar i forcës, ndërsa për pesë të tjera procedurat ende vazhdojnë.
Për këto shkelje janë ngritur tri kallëzime penale ndaj gjithsej 13 zyrtarëve policorë.

Continue Reading

Më të lexuarat