Lajme nga vendi
BZhA: Lënda e historisë nuk hiqet dhe mësimdhënësit nuk do të largohen nga puna
Këto ditë nëpër rrjetet sociale mund të vihen re reagime që përhapin panik dhe një ortek ankesash pas njoftimeve se nga shtatori i ardhshëm në klasën e gjashtë nxënësit do të kenë një lëndë të re, shkencat natyrore. Reagimet kanë qenë aq të tepruara sa që shkruanin se po hiqen lëndë dhe po largohen nga puna mësimdhënësit, si dhe se shkrirja e supozuar e fizikës, biologjisë, gjeografisë dhe kimisë në një lëndë do të jetë shumë keq për nxënësit. Gjithashtu në masë të madhe po përhapet pretendimi se lënda e historisë në klasën e gjashtë do të hiqet dhe se e njëjta gjë do të ndodhë edhe me lëndën e etikës së religjioneve, njofton Meta.mk.
Për këto çështje, Meta.mk kërkoi përgjigje nga organet e Byrosë për Zhvillimin e Arsimit (BZhA), institucioni që harton planprogramet dhe programet për lëndët që mësohen në arsimin fillor.
“Lënda e shkencave natyrore në klasën e gjashtë nuk po prezantohet për herë të parë këtë vit shkollor. Nxënësit po e mësojnë atë lëndë tashmë për më shumë se 15 vjet. Për herë të parë është mësuar në arsimin fillor tetëvjeçar, më pas sipas një planprogrami të ri mësohej edhe në arsimin fillor nëntëvjeçar, pësoi ndryshim me zbatimin e Programit mësimor sipas Kembrixhit, ndërsa ne tani po e ndryshojmë (përditësojmë) planprogramin për herë të katërt. Domethënë, bazuar në të gjitha përvojat e mëparshme, një grup pune i përbërë nga profesorë universitarë, mësues praktikantë të shkollave fillore dhe këshilltarë nga Byroja ka zhvilluar planprogram të ri që do të zbatohet nga shtatori i vitit 2023”, sqarojnë nga Byroja.
Nga atje thonë se është interesant fakti që deri më tani askush nuk është interesuar, e as nuk ka pyetur gjatë këtyre viteve të kaluara se kush e realizon mësimin dhe nuk e ka kontestuar normativin për kuadrin mësimor, por kjo po ndodh tani.
“Nuk ka asnjë ndryshim të normativit për kuadrin mësimor nga planprogramet e mëparshëm, pra të njëjtët mësimdhënës që kanë dhënë mësim do vazhdojnë ta bëjnë këtë gjë edhe vitin e ardhshëm shkollor. Ne si institucion na mbetet dilema, nëse e gjithë kjo po bëhet në mënyrë tendencioze, përmes lajmeve të rreme dhe spineve vetëm sa për të fituar një pikë të vogël politike, që të mbizotërojnë dezinformatat, pa i marrë parasysh pasojat për nxënësit, mësimdhënësit apo, nga ana tjetër bëhet, fjalë për përhapjen e një informacioni të tillë për shkak të injorancës dhe mungesës së interesimit për të kërkuar përgjigjen e duhur”, vlerësojnë nga BZhA.
Edhe mësimdhënësit e gjeografisë do të mund të ligjërojnë lëndën e shkencave natyrore
Nuk është e vërtetë, sqarojnë nga Byroja e Zhvillimit të Arsimit, se mësimdhënësit e gjeografisë nuk mund ta ligjërojnë lëndën e shkencave natyrore.
“Në normativin për kuadrin mësimor janë shënuar mësimdhënësit që kanë mbaruar studimet për biologji, kimi, fizikë dhe gjeografi, si dhe studime dylëndore me kombinime të ndryshme lëndësh nga kjo fushë. Ndërsa mësimi, si deri më tani, do të zhvillohet nga një mësimdhënësit në shkollë, sipas kuadrit mësimor që disponon vetë shkolla dhe sipas mënyrës së organizimit të mësimit. As Byroja për Zhvillimin e Arsimit dhe as Ministria e Arsimit dhe Shkencës nuk ndikojnë në përzgjedhjen e kuadrove mësimore nëpër shkolla. Ne i përcjellim udhëzimet, i përcaktojmë normativat, ndërsa vetë organizimi gjatë caktimit dhe përzgjedhjes së kuadrove është në dorë të shkollave”, thonë nga BZhA.
Asnjë mësimdhënës nuk do të mbetet pa punë
Lidhur me reagimet për atë se do të ketë mësimdhënës që do të mbesin pa punë, përgjegjësit nga BZhA sigurojnë se asnjë mësimdhënës nuk do të mbesë pa punë dhe pa orë mësimi për shkak të prezantimit të planprogrameve të ri.
“Numri i orëve është identik si edhe më parë, ndërsa ajo që po prezantojmë me programet e reja është qasja e re, e bazuar në të mësuarit eksperimental, në lidhjen e asaj që mësohet me realitetin, në të mësuarit përmes eksperimenteve, në zhvillimin e të menduarit kritik. Si mbështetje për mësimdhënësit dhe nxënësit nga viti i ardhshëm shkollor për zbatimin e programeve nga Ministria e Arsimit dhe Shkencës me mbështetje nga Banka Botërore janë ndërtuar dhe pajisur kabinetet e reja të shkencave natyrore”, njoftojnë nga BZhA.
Nuk është e vërtetë se do të hiqet lënda e historisë
Këto ditë në rrjetet sociale po shpërndahet edhe pretendimi se sipas konceptit të ri lënda e historisë nuk do të mësohet më.
“Po të shihni planprogramin dhe emrin e lëndës “së re”, çdo njeri i arsyeshëm e kupton se historia në arsimin fillor mësohet më shumë se kurrë më parë. Lënda historia dhe shoqëria futet nga klasa e katërt dhe mësohet deri në klasën e nëntë. Me planprogramet e ri ne po përpiqemi ta bëjmë historinë më tërheqëse për ta mësuar, të zhvillojmë një narrativ ndryshe, i cili nuk do të mundësojë vetëm “memorizimin e datave” dhe “të mësuarit përmendësh”, por nxënësit do ta mësojnë atë përmes burimeve historike, përmes trashëgimisë kulturore, përmes jetës së përditshme dhe roleve të ndryshme të njerëzve në të kaluarën”, sqarojnë nga Byroja.
Nga atje shtojnë se së shpejti do të jetë gati planprogrami për lëndën histori dhe shoqëri dhe do të vendoset në ueb-faqen e Byrosë për Zhvillimin e Arsimit.
Në klasën e gjashtë risi është se lëndët informatikë dhe arsim teknik do të kombinohen në një lëndë me dy orë në javë. Si tema që do të studiohen në këtë lëndë do të jenë: informatika dhe kompjuteri (8 orë), krijimi i vizatimit (6 orë), puna me tekst (5 orë), algoritmet, programet dhe zotërimi i të menduarit algoritmik përmes lojës (5 orë), njohja me konceptet informatike duke zgjidhur detyra logjike (8 orë), krijimi i programeve (20 orë), krijimi i projekteve me mikrobit (14 orë), si dhe jeta online (6 orë).
Koncepti i ri për arsimin fillor, i cili është pjesë e Strategjisë së Ministrisë së Arsimit dhe Shkencës për periudhën 2018-2025, është paraparë me Ligjin për Arsimin Fillor dhe është pjesë e programit të qeverisë. Në mars të vitit 2021 Qeveria e miratoi konceptin. Kësaj i paraprinte një debat publik në Kuvend, si dhe mundësia që secili të japë një propozim të tijin për ndryshimet. Një pjesë e publikut reagoi ashpër ndaj njoftimit se do të ketë ndryshime të mëdha në arsimin fillor. Njoftimi për prezantimin e një koncepti i cili integron më shumë lëndë në një shkaktoi shumë interpretime dhe reagime të ndryshme.
Lajme nga vendi
Pjesa më e madhe ujit të pijshëm në Tetovë zhduket rrugës për në destinacionin e planifikuar
Mbi 35 për qind e ujit për pije nga burimet e Sharrit, nuk arrin në destinacionin e duhur, përkatësisht humbet. Sipas autoriteteve humbjet ndodhin për shkak të keqpërdorimit të ujit në pjesën e poshtme të qytetit. Situata ka nxitur Ndërmarrjen komunale “Sharri”, që të kërkoj edhe studim fizibiliteti për zgjidhjen e problemit.
“Një pjesë e madhe e ujit bëhet sidomos në pjesët e lagjeve Drenoc e Dereboj ku bëhen vaditje të baçeve apo parqeve, që keqpërdorin ujin për këtë arsye. Nga ardhja ime unë kam insistuar madje edhe lavazhet mos e shfrytëzojnë ujin për pije për larje të veturave sepse paraqet keqpërdorim të madh të shfrytëzimit të ujit. Ka edhe shumë kyçje të egra që janë krijuar në lagjet e reja ku më shumë na humbet uji,” deklaroi Valon Zeqiri, Drejtor i NPK “Sharri”.
Si pasojë e kësaj humbjeje, komuna vendosi që amvisëritë të pajisen me orëmatës inteligjentë të ujit, me qëllim që të ketë kontroll mbi harxhimin dhe pagesën e ujit. Por kjo nismë hasi në reagime të shumta nga këshilltarët e opozitës, të cilët akuzuan për shitje apo privatizimi të ujësjellësit. Megjithatë kreu i komunës së Tetovës këmbëngul se nuk bëhet fjalë për shitje.
“Nga ekspertë të jashtëm del që mënyra më e mirë e zgjidhjes së këtij problemi është mundësia e partneritetit privat publik, që nuk nënkupton as shitjen e ujit as shitjen e menaxhimit me ujë të pijshëm, por kyçjen e partnerit privat për futjen e teknologjie të re dhe menaxhimin me gjithë sistemin që të marrim njohuri dhe ta zgjidhim këtë problem në mënyrë më të shpejtë dhe më të mirë,” tha Bilall Kasami, Kryetar i komunës së Tetovës
Kasami thotë se miratimi i partneritetit publik-privat të ujësjellësit do varet nga këshilltarët dhe pëlqimi i tyre. /Alsat.mk
Lajme nga vendi
Ministria e Drejtësisë nuk është dikasteri i vetëm që saboton Inspektoratin për Përdorimin e Gjuhëve
Ministria e Drejtësisë nuk është dikasteri i vetëm që saboton Inspektoratin për Përdorimin e Gjuhëve, përkatësisht gjuhën shqipe. Inspektori Fitim Ramadani gjatë intervistës në Alsat tha se Ministria e Financave nuk bashkëpunon aspak me inspektoratin, veprim që i pamundëson inspektorëve të hyjnë për kontroll dhe të konstatojnë nivelin e zbatimit të gjuhës shqipe.
Fitim Ramadani, Inspektor në Inspektoratin për Përdorimin e Gjuhëve (10:00….)
“Këtu dua të theksoj vetëm Ministrinë e Financave. Gjatë mbikëqyrjes kontrolluese në Ministrinë e Financave nuk ka qenë raporti institucion-inspektor. Dhe neve nuk na është mundësuar qasja në dokumentacionin e ministrisë. Për këtë arsye për Financat ka procedurë kundërvajtëse, jo për mos zbatimin e Ligjit për përdorimin e gjuhëve, por për mosbashkëpunim me inspektorët”.
Gjuha shqipe nuk respektohet as nga Ministri i Administratës Publike, Goran Minçev. Sipas Ramadanit, mbi bazën e denoncimeve që kanë bërë gazetarët për deklaratat e Minçevit, ka procedurë kundër tij, ndërsa kontrolli planifikohet gjatë vitit 2026. Dyshohet se Minçev nuk zbaton gjuhën shqipe në asnjë akt nënligjor.
Fitim Ramadani, Inspektor në Inspektoratin për Përdorimin e Gjuhëve (13:05….)
“Iniciativa ka qenë për deklaratat në opinion që i jep ministri. Mendoj se edhe iniciativa ka qenë nga gazetarët, kanë qenë vetëm në gjuhën maqedonase. Ne kemi konstatuar se ato nuk janë në përputhje me Ligjin për përdorimin e gjuhëve dhe lënda është në Gjykatën kompetente në Shkup”.
Aktualisht 53 lëndë të Inspektoratit për Përdorimin e Gjuhëve ndodhen në Gjykatën Penale në Shkup. Të gjitha i referohen institucioneve dhe udhëheqësve të institucioneve që nuk kanë respektuar dhe zbatuar gjuhën shqipe në përputhje me ligjin. Së fundi Inspektorati adresoi vërejtje ndaj ministrit të Drejtësisë, Igor Fillkov mbi mos zbatimin e gjuhës shqipe në provimin e jurisprudencës. Brenda 30 ditësh, Fillkov obligohet t’i harmonizojë dispozitat ligjore. Nëse nuk harmonizohet ligji brenda afatit, Ministria e Drejtësisë është e detyruar të zbatojë dispozitat e Ligjit për Përdorimin e Gjuhëve. /Alsat.mk
Kuvendi themelues në maj, e më pas edhe Kongresi.
Kjo është trajektorja e parashikuar sipas së cilës koalicioni aktual i përbërë nga Lëvizja Besa, Lidhja Demokratike, Alternativa dhe ASH të shkrihen në një parti të vetme – VLEN.
Ditë më parë liderët e partive u ulën në një tavolinë të përbashkët për t`i harmonizuar qëndrimet rreth mënyrës së funksionimit të VLEN-it si një subjekt i vetëm politik. Takimi ishte i mbyllur dhe ende nuk janë publikuar detaje.
Kryetari i Lëvizjes Besa, Bilall Kasami, nuk deshi të prononcohej për këtë temë duke preferuar që Dita e Ekologjisë të shënohet në mënyrë dinjitoze në Komunë e Tetovës.
Ndërkohë zëdhënësi I koalicionit VLEN, Albi Qamili, për Tv Koha, tha se në takimin e fundit liderët janë dakorduar për krijimin e një grupi të punës I cili do të punojë në përafrimin e platformave të subjekteve politike dhe strukturimin e subjektit të ri politik të unifikuar.
Por, si u zhvillua kronologjia?
Pas Prekazit në konakun e Bacit Rifat, në Prishtinë tek kryeministri Albin Kurti. VLEN-i një! – ishte një postim nëpër rrjetet sociale që u shpërnda në të njëjtën kohë nga liderët e partive që përbëjnë koalicionin VLEN. Postimi daton nga aktivitetet e shënimit të Epopesë së UÇK-së në Kosovë.
Por, “mesazhet e koduara” nëpër rrjetet sociale nuk u ndalën me kaq!
Në ditën e dytë të festës së Fitër Bajramit, një nga eksponentët kryesor të koalicioni VLEN, Izet Mexhiti, shkroi në Facebook mesazhe uniteti me kryefjalën “VLEN është bashkimi që nuk ndalet”.
“Nuk ka më hapësirë për interesa të ngushta, për pazare në kurriz të qytetarëve, apo për politikë që na mban të ndarë. Nga sot, zëri shqiptar do të jetë një – i fortë, i qartë dhe i pandalshëm.
Ky është momenti ynë. Ose bashkë, ose të humbur. Sepse kur shqiptarët bashkohen, askush nuk mund t’i ndalë.” – shkroi mes tjerash Izet Mexhiti.
Pas takimit të fundit të liderëve të koalicionit, thuhet se është gjithnjë e më e sigurt që partia e re do të drejtohet nga dy bashkëkryetarë, do të ketë dy nënkryetarë dhe një sekretar të përgjithshëm, duke reflektuar në mënyrë të drejtë përfaqësimin e partnerëve në udhëheqjen e ardhshme partiake. Si bashkëkryetarë përmenden Izet Mexhiti nga Lëvizja Demokratike dhe Bilall Kasami nga BESA; për sekretar të përgjithshëm Bekim Sali nga Alternativa; ndërsa për pozitat e nënkryetarëve deputetja Mimoza Musa nga fraksioni i ASh-së dhe deputeti nga Vetëvendosje, Bekim Qoku.
Në rrugën drejt bashkimit mbetet për t’u diskutuar edhe përfaqësimi në përqindje i partive që përbëjnë koalicionin aktual, në organet e ardhshme partiake.
Një marrëveshje e tillë ende nuk është arritur. Ka pasur mendime dhe kërkesa të ndryshme – nga ideja që secili subjekt të përfaqësohet me 20% ose 25% në organet partiake, deri te varianti që partitë kryesore të kenë nga 35%, ndërsa pjesa tjetër të shpërndahet mes partnerëve të tjerë.
Megjithatë, nga VLEN liferojnë se procesi i bashkimit nuk duhet të lërë përshtypjen se dikush është dëmtuar apo është përfaqësuar më pak në partinë e ardhshme.
Shkrirja e koalicionit në një parti të vetme pritet të përkojë me periudhën kur është paralajmëruar një rikonstruim i mundshëm i Qeverisë.
Ndryshimet brenda VLEN-it dhe disa mosmarrëveshje publike të shfaqura kohët e fundit pritet të kenë ndikim edhe në riformatimin e përbërjes qeveritare.
Pjesa më e madhe ujit të pijshëm në Tetovë zhduket rrugës për në destinacionin e planifikuar
Ministria e Drejtësisë nuk është dikasteri i vetëm që saboton Inspektoratin për Përdorimin e Gjuhëve
VLEN NJË PARTI – KUVENDI THEMELUES NË MAJ, MË PAS KONGRESI?!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga vendi2 months agoVLEN: Me Fetain në krye, nis goditja reale ndaj pasurisë së paligjshme