Furnizime të dyshimta, të paligjshme dhe astronomikisht të shtrenjta ka bërë Ministria e Punëve të Jashtme gjatë kohës së Bujar Osmanit. Sot jemi këtu për ta paraqitur të vërtetën për skandalin e ri të lidhur me Ministrinë e Punëve të Jashtme dhe ish-ministrin Bujar Osmani. Dokumentet që kemi siguruar tregojnë qartë për blerje të dyshimta, të paligjshme dhe jashtëzakonisht të shtrenjta gjatë organizimit të Këshillit Ministror të OSBE-së në Shkup, në dhjetor të vitit 2023.

Ministria e Punëve të Jashtme ka lidhur kontratë në vlerë prej 56.640.000 denarësh për marrje me qira të automjeteve për një konferencë dyditore.
Në kontratë, me qëllim apo me vetëdije, nuk ka qenë paraparë ndonjë trup i brendshëm kontrollues që do të konfirmonte se sa automjete realisht janë përdorur, çfarë tipi automjetesh janë angazhuar dhe për sa ditë. Kjo ngre dyshime për një model klasik të abuzimit dhe korrupsionit.

Sipas dokumenteve, çmimet për marrjen me qira të automjeteve kanë qenë:
• Automjet VIP: 29.000 denarë në ditë (pa TVSH)
• Automjet nga klasa e mesme: 23.000 denarë në ditë (pa TVSH)
• automjet 8+1: 19.200 denarë në ditë (pa TVSH)

Të krahasojmë: vetëm një muaj më parë, MPJ ka lidhur një kontratë tjetër me të njëjtin operator për nevojat e rregullta të Ministrisë. Atje, i njëjti tip automjeti VIP kushtonte vetëm 9.500 denarë me shofer, që është tri herë më e ulët se çmimi që Bujar Osmani ka aprovuar për konferencën.

Kjo është një abuzim skandaloz – shteti ka paguar trefish më shtrenjtë për të njëjtat automjete, nga e njëjta kompani, në të njëjtën kohë!

Advertisement

Nuk bëhet fjalë për sulm politik. Qytetarët duhet ta dinë se çfarë politikanësh janë ata që rrejshëm paraqiten si të pagabueshëm. Enti Shtetëror i Revizionit tashmë ka evidentuar parregullsi serioze në punën e MPJ-së nën udhëheqjen e Bujar Osmanit dhe lëndët janë dorëzuar në Prokurorinë Publike.

Ky është dëshmi e qartë se nuk bëhet fjalë për gabime administrative, por për korrupsion sistematik në nivelin më të lartë.

Ne kemi disa pyetje për Bujar Osmanin:
• Kush e ka konfirmuar numrin e automjeteve dhe realizimin e kontratës?
• Pse çmimet kanë qenë tri herë më të larta për të njëjtat shërbime dhe nga i njëjti operator?
• Një shërbim që para Samitit ka kushtuar 300 mijë euro, Bujar Osmani gjatë Samitit e ka paguar 1 milion euro.
Pyesim: Ku përfunduan 700 mijë eurot?
A u pasurua dikush në emër të organizimeve ndërkombëtare?

Bujar Osmani duhet të japë përgjigje. Kjo mënyrë e punës është shembull klasik i korrupsionit politik, shpërdorimit dhe shpenzimit të parave shtetërore për interesa private.

Advertisement

Video: https://www.filemail.com/d/bzmofeklasxkacj

Kumtesë nga VLEN:

Qeveria e udhëhequr nga VLEN, përmes Ministrisë së Transportit, po dëshmon vendosmëri historike për ndërtimin e mëtejshëm të Korridorit Hekurudhor 8, duke hapur një kapitull të ri të zhvillimit ekonomik dhe integrimit rajonal. Ky është projekt që tejkalon kufijtë teknikë të ndërtimit, sepse ka dimension kombëtar dhe është arteria kryesore që bashkon shqiptarët dhe forcon pozitën e tyre në rajon.

Në këtë drejtim, Qeveria miratoi vendimin për realizimin e Marrëveshjes për grant në vlerë prej 3,7 milionë euro, siguruar nga Banka Evropiane e Investimeve, i cili do të shërbejë për përgatitjen e dokumentacionit të ri projektues dhe procedurës së tenderimit. Paralelisht, Ndërmarrja Publike për Infrastrukturë Hekurudhore nis procedurën për zgjedhjen e Mbikëqyrjes së ndërtimit, duke garantuar efikasitet dhe transparencë në çdo hap.

Në këtë proces, rol të rëndësishëm po jep edhe zëvendësministrja e Transportit, Kaltrina Zekolli Shaqiri, e cila theksoi përkushtimin e plotë të Ministrisë për t’i çuar përpara projektet hekurudhore si shtylla kryesore të zhvillimit ekonomik, bashkëpunimit rajonal dhe integrimit kombëtar.

Me këto hapa, VLEN po dëshmon se ndërtimi dhe modernizimi i rrjetit hekurudhor nuk është vetëm prioritet, por një realitet i prekshëm. Korridori 8 do të lidhë shqiptarët nga Shkupi deri në Tiranë dhe Durrës, duke e bërë vendin tonë pjesë të pandashme të korridoreve transportuese evropiane, hapësirë tranziti në Ballkan dhe urë e fortë bashkëpunimi mes shqiptarëve kudo që jetojnë.
Ky është vizioni i VLEN, një shtet i fuqishëm, i lidhur me Shqipërinë dhe Evropën, me ekonomi konkurruese dhe me standarde moderne të transportit. Korridoret hekurudhore nuk janë thjesht linja mbi hartë, ato janë arteriet e zhvillimit që do ta ushqejnë progresin e shqiptarëve dhe të gjithë vendit për dekada të tëra!

Advertisement

Kryetari i Tetovës, Bilall Kasami, sonte takoi banorët e lagjes Teteks 2, ku bashkëbiseduan për nevojat e tyre dhe për projektet që Komuna ka realizuar në këtë zonë.

Gjatë takimit, kryetari ndau lajmin e mirë për projektet e fituara nga Qeveria VLEN, të cilat do të përmirësojnë infrastrukturën dhe shërbimet në lagje. Këto përfshijnë:

– Pishina e mbyllur e shkollës “Kirili dhe Metodi”
– Rikonstruksioni i rrugës “K.R.D.” – pjesa e dytë
– Rikonstruksioni i rrugëve 176 dhe 107

Kasami u shpreh se angazhimi i tij mbetet i pandryshuar: të jetë gjithmonë pranë qytetarëve dhe të punojë bashkë me ta për projekte që përmirësojnë jetën në çdo lagje të Tetovës.

“Tetova zhvillohet bashkë me qytetarët e saj!”, tha ai.
https://www.facebook.com/share/1Hch5S9TVj/?mibextid=wwXIfr

Advertisement