Lajme nga vendi
BDI: Më pak se 12 për qind e buxhetit për kulturën shqiptare, poshtërimi merr përmasa alarmuese
Në një komunikatë përmes rrjetit social Fejzbuk në faqen zyrtare të BDI-së, Këshilltari i Shtetëror i Ministrisë së Kulturës, Valmir Aziri reagoi ashpër se megjithëse Ministria e Kulturës dhe Turizmit promovon rritjen e buxhetit për kulturën, shqiptarët po përjetojnë një diskriminim të theksuar kulturor, pasi programet dhe fondet janë shpërndarë padrejtësisht dhe institucionet kulturore shqiptare janë margjinalizuar
Komunikata e plotë e BDI-së:
Në kohën kur Ministria e Kulturës dhe Turizmit propagandon rritjen e buxhetit për kulturën, realiteti për shqiptarët është krejt ndryshe.
Në vitin 2025, shqiptarët po përjetojnë diskriminimin më të rëndë kulturor të dy dekadave të fundit.
Programi vjetor nuk është thjesht një shpërndarje e padrejtë e fondeve, por një strategji e pastër shtetërore për të zhdukur kulturën shqiptare nga mbështetja institucionale.
Institucionet që promovojnë kulturën shqiptare janë lënë në margjina dhe janë dënuar me një buxhet minimal!
Në total, në të gjitha sektorët kryesorë të kulturës, shqiptarët nuk kanë arritur të marrin as 12% të buxhetit dhe projekteve, duke u trajtuar si qytetarë të dorës së dytë në shtetin e tyre.
Përfaqësimi ndërkombëtar: asgjësimi i pranisë shqiptare
Në vend që të mbështesë përfshirjen e artistëve shqiptarë në skenën ndërkombëtare, Ministria e Kulturës ka bërë të kundërtën: ka eliminuar shqiptarët nga çdo mundësi për të promovuar artin dhe identitetin e tyre.
245 projekte maqedonase të financuara – shqiptarët vetëm 22 projekte
40 milionë denarë për maqedonasit – shqiptarët vetëm 3.5 milionë denarë
Ky është një plan i paramenduar për t’i bërë shqiptarët të padukshëm në kulturën ndërkombëtare.
Artet vizuale: fshirja e artit shqiptar nga hapësirat publike
120 projekte maqedonase me 13 milionë denarë
16 projekte shqiptare me vetëm 1.2 milionë denarë
Për më tepër, Galeria e Arteve në Gostivar nuk ka marrë asnjë investim serioz. Mungesa e mbështetjes për këtë institucion nuk është rastësi, por një përpjekje e qartë për të ndaluar zhvillimin e artit shqiptar dhe për ta lënë atë në harresë.
Botimet: mohimi institucional i letërsisë shqiptare
320 tituj maqedonas të financuar me 39.5 milionë denarë
60 tituj shqiptarë me 6.6 milionë denarë
Përmes këtij trajtimi, letërsia shqipe trajtohet si një element i parëndësishëm, ndërsa letërsia maqedonase merr financim të pakufizuar.
Teatri dhe folklori: shuarja graduale e kulturës shqiptare
33 projekte teatrore maqedonase me 6.2 milionë denarë
7 projekte shqiptare
70 projekte folklorike maqedonase – shqiptarët vetëm 19 projekte
Kjo është një goditje e rëndë ndaj trashëgimisë artistike shqiptare dhe një strategji për të kufizuar ndikimin e kulturës shqiptare në skenën kombëtare.
Muzika: dominim i plotë monoetnik
152 projekte maqedonase – shqiptarët vetëm 35 projekte
52 milionë denarë për maqedonasit – shqiptarët vetëm 7.5 milionë denarë
Në një vend ku kultura muzikore shqiptare është një nga më të zhvilluarat, kjo ndarje e fondeve është një sulm i hapur ndaj artistëve shqiptarë.
Manifestimet dhe festivalet: ndrydhja e kulturës shqiptare
113 projekte maqedonase me 75 milionë denarë
Vetëm 7 projekte shqiptare me 16.5 milionë denarë
Kjo është prova më e qartë e diskriminimit të hapur dhe një përpjekje e drejtpërdrejtë për të shuar festivalet shqiptare.
Infrastruktura: shuarja e institucioneve shqiptare
Asnjë mbështetje për Ansamblin Muzikor Shqiptar
Asnjë përpjekje për të siguruar hapësira për Ansamblin e Këngëve dhe Valleve
Asnjë projekt serioz për ruajtjen e trashëgimisë kulturore shqiptare
Institucionet kulturore shqiptare po braktisen qëllimisht për t’i çuar drejt falimentimit dhe shuarjes.
Ky diskriminim brutal dhe segregacioni kulturor ndodh nën qeverisjen , e cila ka treguar paaftësi të plotë për të mbrojtur interesat e shqiptarëve.
Kjo është një tradhti e hapur ndaj kulturës shqiptare, ndërsa peshën e tyre politike e shohim të shuar plotësisht.
Nëse kjo politikë vazhdon, kultura shqiptare do të vazhdojë të degradohet, ndërsa shqiptarët do të mbeten spektatorë të margjinalizuar në shtetin e tyre.
Ky është momenti për një reagim të fuqishëm politik dhe shoqëror për të ndalur këtë padrejtësi sistematike
Lajme nga vendi
VLEN ka nderin të shpallë fillimin e masës së jashtëzakonshme “Shporta Shkollore”, një hap i madh për të gjitha familjet
Sot, me zemër dhe përkushtim të pakufizuar, VLEN ka nderin të shpallë fillimin e masës së jashtëzakonshme “Shporta Shkollore”, një hap i madh për të gjitha familjet shqiptare dhe çdo fëmijë që ëndërron të nisë vitin shkollor me buzëqeshje. Sepse çdo fëmijë meriton t’i hapë dyert e shkollës me lumturi, jo me shqetësime për çantat, fletoret dhe ngjyrat e tij të preferuara.
Kjo masë që do të zgjatë deri më 15 shtator, të gjithë qytetarët do të kenë mundësinë të blejnë fletore, çanta shpine, lapsa, ngjyra druri, kalkulatorë, dhe çdo pajisje tjetër të nevojshme me zbritje deri në 15%, duke siguruar që çdo fëmijë të fillojë vitin shkollor i pajisur dhe i motivuar. Çdo produkt i përfshirë në këtë masë do të shënohet qartë me sloganin “Më pak shpenzime, më shumë për ty”, duke sjellë kursime reale dhe lehtësim për çdo familje.
Këtë vit, presim që kursimet të arrijnë deri në 2,000 denarë për nxënës, një ndihmë konkrete për buxhetin familjar dhe mundësi për të përmbushur çdo ëndërr të vogël të fëmijëve. Vitin e kaluar, masa solli lehtësim të madh për mijëra familje, ndërsa sivjet po shkojmë edhe më tej!
VLEN beson se çdo fëmijë meriton mundësinë e barabartë për të mësuar dhe për të ëndërruar, ndërsa prindërit të ndjejnë qetësi dhe besim.
VLEN nuk dhuron vetëm zbritje,VLEN dhuron shpresë, mundësi dhe një të ardhme ku çdo fëmijë mund të arrijë ëndrrat e tij. Ky është angazhimi ynë për një shkollim të denjë, për çdo buzëqeshje të vogël dhe për çdo zemër që rritet me besim dhe lumturi. Së bashku, po ndërtojmë një të ardhme ku çdo fëmijë do të ndihet i barabartë, i fuqishëm dhe i motivuar të shkëlqejë!
Qoftë vit I mbarë plot sukses për çdo nxënës!
Në një reagim të fundit në Facebook, zëvendëskryeministri Arben Fetai theksoi rëndësinë e mekanizmit të shumicës së dyfishtë, të njohur si Badinter, si gurthemeli i demokracisë konsensuale në Maqedoninë e Veriut.
Fetai theksoi se, megjithë zhurmën dhe spekulimet e krijuara gjatë fushatës parazgjedhore, Badinteri nuk mund të preket. “Ky mekanizëm garanton barazinë, bashkëjetesën dhe paqen në vendin tonë, duke siguruar që vendimet kryesore të reflektojnë vullnetin e dy komuniteteve më të mëdha”, shkroi Fetai.
Ai shtoi se pa mbështetjen e deputetëve shqiptarë, çdo iniciativë për ndryshimin e Badinterit është juridikisht e pamundur, dhe se diskutimet në këtë drejtim janë vetëm diversion nga prioritetet reale të vendit.
“Le të qëndrojmë të bashkuar në mbrojtjen e vlerave evropiane dhe të demokracisë konsensuale dhe të vazhdojmë të ndërtojmë një Maqedoni të Veriut të fortë, të drejtë dhe gjithëpërfshirëse”, përfundoi Fetai.
Lajme nga vendi
Një 83-vjeçare nga Tetova ka denoncuar se është mashtruar nga një person për shumën prej 2.000 euro
Më 20.08.2025 në orën 12:40 në SPB Tetovë, një banore 83-vjeçare nga Tetova ka denoncuar se është mashtruar nga një person për shumën prej 2.000 euro. Sipas denoncimit, personi i është lajmëruar në telefon dhe e ka lajmëruar se vajza e saj kishte shkaktuar aksident trafiku në Shkup në të cilin kishte ndërruar jetë një i mitur dhe nëse nuk do që ajo të shkojë në burg duhet të sjellë para në Shkup. Siç është denoncuar, ajo i ka çuar paratë në vendin e caktuar, ndërsa më vonë pasi është dëgjuar me dhëndrin e saj ka kuptuar se është mashtruar. Po ndërmerren masa për zbardhjen e rastit.
VLEN ka nderin të shpallë fillimin e masës së jashtëzakonshme “Shporta Shkollore”, një hap i madh për të gjitha familjet
Fetai: Badinteri nuk preket
Një 83-vjeçare nga Tetova ka denoncuar se është mashtruar nga një person për shumën prej 2.000 euro
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve