Lajme nga vendi
S’kishte vend në stacionin policor, ja ku e kaluan natën 5 lopët dhe dy viçat – Ja pse u konfiskuan, pronari paralajmëron padi
Pesë lopët dhe dy viçat e konfiskuar dje, prej stacionit policor në Çuçer Sandevë u transferuan në një thertore në Studeniçan, ku edhe e kanë kaluar natën. Pronari tha se arsyeja e transferimit, siç i kanë thënë autoritetet, ishte mungesa e hapësirës në stacion. Ai këmbëngul se e posedon të gjithë dokumentacionin e nevojshëm dhe kërkon që të kthejë lopët e konfiskuara, ndërsa nënvizon se do të fillojë edhe procedurë gjyqësore, me çka ka angazhuar edhe avokat.
“Mua më kanë kapur nga ora një e ditës, më kanë mbajtur në stacion deri në orën 10 të natës, pastaj në 10 të natës kam thënë unë nuk i dërgoj askund lopët, unë këtu rri në stacion nuk i dërgoj askund, më kanë thënë patjetër duhet t’i dërgosh ti se nuk kemi ne transport, duhet t’i dërgoni te mishtorja Xheza. Na thanë te ai duhet të dërgohen se nuk kemi ku t’i mbajmë. Në fshatin Studeniçan, i kanë thirr më pas patrullat e tjera të policisë, i kanë lëshuar dritën dhe na kanë dërguar deri te Xheza në Studeniçan.… Kam thirr avokatë, do duhet tani t’i dërgoj dokumentet, avokati do të merret me këtë punë”, tha Besir Avdiu, pronar i lopëve.
Nga Agjencia e Ushqimit dhe Veterinarisë sqarojnë se konfiskimi është kryer për shkak se personi që i ka transportuar kafshët nuk e ka poseduar dokumentacionin e nevojshëm. Nga Agjencia thonë se ndaj kryerësit në mënyrë shtesë do të ngrihet procedurë përkatëse kundërvajtëse.
“Kafshët janë konfiskuar sepse për to, personi që i ka transportuar nuk ka pasur certifikatë valide për gjendjen shëndetësore të kafshëve, ndërsa pasaportë ka pasur vetëm për njërën kafshë, dokumente që janë të obligueshme gjatë transportimit-lëvizjes së kafshëve. Një pjesë e kafshëve ishte e identifikuar në mënyrën e duhur, me etiketa në vesh, një pjesë jo”, thonë nga Agjencia e Ushqimit dhe Veterinarisë.
Kafshët janë konfiskuar një ditë më parë, teksa pronari i cili thotë se sapo i kishte blerë, po i transportonte ato për në fshatin e tij në Bllacë. / Alsat.mk
Një grua 40-vjeçare është mbytur në liqenin e Dibrës pranë plazhit të qytetit.
Gruaja është vërejt nga dy persona të cilët e kanë nxjerrë nga uji dhe ku janë përpjekur ta reanimojnë, por pa sukses.
“Pas thirrjes, menjëherë ka arrit ekip i Ndihmës së shpejtë nga Spitali i përgjithshëm me aktivitete të zgjeruara. Mjeku kujdestar vetëm ka konstatuar vdekjen. Në trupin e viktimës nuk ka pasur shenja dhune”, thonë nga policia.
Është kryer mbikëqyrje nga policia dhe prokurori kujdestar, ndërsa trupi është dërguar në autopsi.
Pas rreth dhjetë vitesh, ky është rasti i parë me fatalitet në këtë liqen. Që nga viti 2017, në plazhin e qytetit ka pasur ekipe shpëtimi. Këtë verë nuk funksionin shërbimi për shpëtim.
Lajme nga vendi
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Më 27.06.2025, në ora 11:00, zyrtarë policorë nga SPB Tetovë kanë vepruar pas një raportimi të mëparshëm se në rrugën lokale nga Tetova drejt fshatit Trebosh, në një arë me sipërfaqe rreth 500 metra katrorë, kishte bimë të llojit “kanabis”. Është kryer inspektim nga ekipi hetimor i SPB-së, ndërsa në vendngjarje ka qenë i pranishëm edhe një agronom nga Ministria e Bujqësisë, i cili ka konstatuar se bëhet fjalë për bimë të vetëmbira. Me udhëzim të prokurorit publik nga Prokuroria Themelore Publike në Tetovë, bimët janë shkatërruar.
Lajme nga vendi
Inspektorati i Tregut ka vërejtur rritje të çmimeve tek produktet ushqimore bazë deri 5 %
Inspektorati i Tregut ka vërejtur rritje të çmimeve tek produktet ushqimore bazë deri në pesë për qind tek tregtarët me pakicë, ndërsa tregtarët e shitjeve me shumicë kanë kthyer çmimet që kanë pasur para vendimit për kufizimin e marzhave dhe ngrirjen e çmimeve që përfunduan me 30 prill të këtij viti. Këto gjetje janë nga inspektimet e kryera në mbi 1.000 pika të shitjeve, ndërsa për këtë është informuar edhe Ministria e Ekonomisë.
“Ka rritje të caktuara prej 3 deri në 5 për qind tek produkte bazë që janë produkte me qarkullim të lartë, ndërsa tek ato me qarkullim të ulët, produkte higjienike, pelena dhe ushqime për foshnja, rritjet lëvizin prej 10 deri mbi 20 për qind. Dua ta përmend se janë vërejtur ulje prej 20 deri 100 për qind tek perimet dhe pemët”, tha Vllatko Stojkoski, drejtori i Inspektoratit Shtetëror të Tregut .
Në shtatë muajt e fundit Inspektorati i Tregut gjithashtu ka kryera mbi 2 mijë inspektime në objekte hotelierike ku ka gjobitur 879 objekte dhe janë lëshuar 79 vendime për ndalim të përkohshëm për kryerjen e aktiviteteve.
“Në përgjithësi vërejtjet janë për mos pasjen e licencave për punë, kushte jo të duhura apo mos plotësimin e kushteve minimale teknike në çfarëdo konteksti, kalimi i orarit të punës, disiplinë jo e duhur dhe respektim të ligjit të veprimtarisë hotelierike, apo për respektimin e orarit të punës”, shtoi ai.
Në lidhje me respektimin e ligjit për ndalim të duhanit në ambiente të mbyllura, nga 1104 inspektime janë gjobitur 151 objekte./Alsat.mk
Mbytet një grua në Liqenin e Dibrës
Gjenden bimë kanabisi në rrugën Tetovë-Trebosh,agronomi nga Ministria e Bujqësisë, konstaton se bëhet fjalë për bimë të vetëmbira
Inspektorati i Tregut ka vërejtur rritje të çmimeve tek produktet ushqimore bazë deri 5 %
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve