Lajme nga vendi
Vdekja e papritur nga zemra tek të rinjtë shqetëson, është me rëndësi të ketë regjistër dhe skrining në mënyrë që të shpëtohen jetë
Vdekja e papritur nga zemra tek të rinjtë shqetëson, me rëndësi është të ketë regjistër dhe skrining për t’u shpëtuar jetë, kjo u cek në deklarata për MIA-n nga ekspertë pjesëmarrës në Takimin e dytë për vdkjen e paprithsme bga zemra në rajonin e Ballkanit (2nd International Meeting Sudden Cardiac Death in the Balkan area), që po mbahet sot në Shkup, në organizim të shoqatës “Mjekësia ligjore”, së bashku me Institutin për mjekësi ligjore.
Profesor doktori Zllatko Jaqovski, kryetar i Shoqatës “Mjekësia ligjore”, tha se kjo ngjarje është e rëndësishme për shkak se vdekja e papritur nga zemra tek të rinjtë është dukuri e shpeshtë dhe shumë shpesh ky shkak i vdekjes diagnostikohet me vështirësi. Ai shtoi se gjithashtu është shumë me rëndësi, të bëhet një regjistër i përgjithshëm për vdekjen e papritur nga zemra në vendin tonë, por gjithashtu edhe në rajon me qëllim që të dihet numri i saktë, vetë shkaktari dhe nëse ka predispozicion të mundshëm gjenetik. Kjo është me rëndësi, theksoi ai, sepse përmes një skriningu gjenetik, që do të bëhej tek të afërmit e të ndjerit, mund të shpëtohen edhe jetët e familjarëve.
Qëllimi është, shtoi ai, të unifikohet protokolli që do ta shfrytëzojnë të gjitha vendet ballkanike me qëllim që të mblidhen baza të të dhënave në mënyrë adekuate nga një kontroll klinik, procedura gjenetike, analiza laboratorike me protokolle adekuate mjekësore – ligjore, rezultate histopatologjike, analiza toksikologjike dhe skriningje gjenetike.
Me atë rast, ai shtoi se edukimi për shëndetin personal dhe zhvillimin e një mënyre të shëndetshme të jetës është shumë me rëndësi. Por edhe edukimi se jetojmë në kohë të mjekësisë së personalizuar, me skriningje gjenetike për sëmundje të caktuara, mund të bëhet preventivë dhe të shpëtohen jetë.
Drejtori i Institutit për mjekësi ligjore, prof.dr. Aleksandar Stankov tha se vdekja e papritur nga zemra është një prej shkaqeve kryesore për vdekje, në vdekje të papritur.
Dekani i Fakultetit të mjekësisë, prof.dr. Svetozar Antoviq theksoi se ngjarja e sotme është shumë e rëndësishme, sepse ndërlidhet me një gjendje serioze, për të cilën mjekësia ende kërkon përgjigje – vdekja e papritur nga zemra.
Drejtori i Fondit për sigurim shëndetësor, Sasho Klekovski sqaroi se ka buxhet të posaçëm dedikues për hulumtim të vdekjes së papritur nga zemra.
“Për ne ky është një nga gurët e mozaikut, që duhet t’i sendërtojmë, në mënyrë që të arrijmëd rejt cakut – uljes së vdekjes së parakohshme”, nënvizoi Klekovski.
Takimi i parë ishte vitin e kaluar në Trieste, Itali. Qëllimi i këtij takimi, sipas organizatorëve, është avancimi në preventivë, detektimi dhemjekimi i anomalive të zemrës që mund të shkaktojnë epilog me vdekje tek të rinjtë.
Të pranishëm janë ekspertë eminentë nga rajoni si dhe nga Italia, Anglia, Turqia dhe Zvicra, nga kardiologjia, mjekësia ligjore, mjekësia sportive, biologjia molekulare dhe sektori TI.
Siç ceket, “i tërë aktiviteti përveç nga aspekti profeisonal, ka edhe atë shkencor, me ç’rast me publikimin e njohurive të reja do të ngritet edhe rejtingu shkencor i Republikës së Maqedonisë së Veriut”.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
