Lajme nga vendi
Njëri nga policët e dyshuar për zjarrin në diskotekën “Pulse”, vdiq në paraburgim
Vllado Petrov, një zyrtar policie në pension dhe i dyshuar se ka nënshkruar dokument për një vend parkimi përpara klubit Pulse në Koçan ndërsa ishte kryeinspektor i çështjeve të trafikut, ka vdekur në paraburgim, njoftoi Sindikata e Pavarur e Policisë. Zjarri në klubin e natës Pulse në Koçani më 16 mars vrau 62 persona dhe plagosi 200 të tjerë, transmeton Portalb.mk.
“Petrov është një njeri që ia kushtoi tërë jetën e tij të punës shërbimit dhe mbrojtjes së qytetarëve. Fatkeqësisht, Vllado nuk mori drejtësi. Ai ishte i dyshuar në rastin e zjarrit tragjik në klubin e natës Pulse në Koçan, i cili vrau 62 persona – një nga tragjeditë më të këqija në historinë e kohëve të fundit të vendit tonë”, tha Sindikata e Policisë së Maqedonisë në njoftim.
Prokuroria Publik Themelor për Ndjekjen Penale të Krimit të Organizuar dhe Korrupsionit (PTHP NKOK) po zhvillon hetim kundër tridhjetë zyrtarëve të policisë, të cilët akuzohen se nuk kanë kryer një kontroll të plotë dhe të detajuar për lëshimin e licencës për “Puls” si zyrtarë të punësuar nga Departamenti i Policisë së Shtipit dhe Stacioni i Policisë së Koçanit, në fushën e sigurisë së trafikut dhe rendit publik dhe qetësisë.
Fillimisht, në hetim dyshoheshin shtatë zyrtarë policie, dhe në prill hetimi u zgjerua për të përfshirë dhjetë të tjerë. Në qershor të këtij viti dyshoheshin edhe 13 zyrtarë të tjerë policie.
Procedura është ende në fazën e hetimit dhe Zyra e Prokurorit të Përgjithshëm të Qarkut (PTHP NKOK) ende nuk ka ngritur akuza, ndryshe nga rasti tjetër në të cilin tashmë ka një aktakuzë për 34 individë dhe tre persona juridikë për zjarrin në “Puls”.
Gjyqtarja Diana Gruevska-Ilievska nga Departamenti për të mitur penal të Gjykatës Penale do të dëgjojë rastin Pulse pasi Gjykata Themelore Penale e Shkupit njoftoi më 3 tetor se aktakuza për zjarrin ishte miratuar plotësisht.
Çështja përfshin 37 të pandehur dhe 33 avokatë mbrojtës, ndërsa Gjykata Supreme vendosi më 25 qershor ta zhvendosë çështjen nga Koçani në Shkup. Arsyetimi ishte se çështja duhet të trajtohet nga “gjyqtarë me përvojë dhe njohuri të çështjeve penale të cilët do të mundësojnë procedura efikase, profesionale dhe ligjore, duke kontribuar gjithashtu në rritjen e ndërgjegjësimit publik”.
Zjarri në Koçan shpërtheu natën e 15-16 marsit, duke rezultuar me 62 viktima dhe duke plagosur pothuajse 200 të tjerë. Prokuroria ka ngritur akuza kundër 34 personave të cilët, nëpërmjet veprimeve ose mosveprimeve të tyre brenda sistemit, shkaktuan katastrofën. Aktakuza përfshin gjithashtu tre kompanitë e pronarit të diskotekës, i cili është i pandehuri kryesor.
Lajme nga vendi
Mexhiti në takimin me OEMVP: Partneriteti mes komunave dhe biznesit është çelësi i zhvillimit ekonomik
Kandidati i koalicionit VLEN për kryetar të Komunës së Çairit dhe njëri nga liderët e koalicionit, Izet Mexhiti mori pjesë në takimin e organizuar nga Oda Ekonomike e Maqedonisë Veri-Perëndimore (OEMVP) me liderët e koalicionit VLEN dhe kandidatët e këtij koalicioni për kryetarë komunash.
Në fjalën e tij, Mexhiti theksoi rëndësinë e bashkëpunimit të ngushtë midis komunave, Qeverisë dhe sektorit të biznesit, si parakusht për zhvillim të qëndrueshëm ekonomik në komunat shqiptare. Ai rikujtoi se ditët e fundit është mbajtur edhe një takim i veçantë për zonën e Vizbegut, e cila sipas tij meriton vëmendje të shtuar institucionale për shkak të kontributit të madh ekonomik që jep.
“Vizbegu është zonë që jep më së shumti dhe e mbush arkën e shtetit përmes tatimeve të kompanive dhe mijëra punëtorëve që punojnë aty. Kjo zonë ka nevojë për infrastrukturë të denjë, për rrugë të rekonstruuara si ‘Hasan Prishtina’ e ‘rruga e Kaçanikut’, që të jenë në funksion të ndërmarrjeve ekonomike. Këtu duhet bashkëpunim mes komunave përreth, Qeverisë dhe një kryetari të ri të Qytetit të Shkupit që e kupton rëndësinë e zhvillimit ekonomik vendor”, theksoi Mexhiti.
Ai shtoi se takimi me Odën Ekonomike Veri-Perëndimore shërben për të harmonizuar qëndrimet dhe për të krijuar një partneritet afatgjatë midis institucioneve lokale dhe komunitetit të biznesit.
“Si koalicion VLEN kemi ardhur në formë respekti, të gjithë liderët dhe kandidatët me idetë dhe programet e tyre. Ramë dakord që pas zgjedhjeve të mbahet një takim i dytë me kandidatët e zgjedhur për të harmonizuar qëndrimet, edhe pse në fakt kemi shumë pak për të harmonizuar sepse Oda e përkrah decentralizimin dhe idenë që mjetet buxhetore të përdoren për projekte ekonomike dhe jo për përmendore”, u shpreh Mexhiti.
Në përfundim, Mexhiti nënvizoi se ky bashkëpunim është edhe një “infuzion” për kompanitë vendore të vogla dhe të mesme që veprojnë në komunat përkatëse, si dhe një mundësi për të avancuar digjitalizimin, turizmin dhe zhvillimin e zonave ekonomike në Saraj, Tetovë, Strugë e më gjerë.
“Platforma e VLEN-it është në një vijë me atë të Odës Ekonomike Veri-Perëndimore. Ideja është që edhe pas zgjedhjeve të vazhdojmë ta thellojmë këtë bashkëpunim, sepse është në interes të përbashkët të komunave dhe bizneseve”, përfundoi Mexhiti.
Video
https://drive.google.com/file/d/1-EqazBYt3JgVoyks-hCEp0gVvuRybqB7/view?usp=sharing
Lajme nga vendi
Aliu paralajmëron ndryshime ligjore: Mjekët dhe personeli mjekësor do t’i nënshtrohen testit anti-drogë
Mes ligjeve të cilat po përpilohen nga 12 grupet e punës në ministrinë e shëndetësisë, është paraparë edhe një ligj i cili do të obligonte punonjësit shëndetësor të kryejnë test anti-drogë. Grupet e punës kanë kujdes që të mos ketë përplasje mes ligjeve por të jenë të sinkronizuara dhe të zbatueshme.
“Po definitivisht ne kemi 12 grupe punuese të cilat punojnë siç e dini për ndryshimin apo sinkronizimin e atyre ligjeve që të jenë që të mos ketë përplasje mes ligjeve. Një nga mundësitë që do ta shqyrtojmë është nëse mundet në ndonjërin prej ligjeve të jetë, do të jetë edhe ai nen i ligjit”, tha Azir Aliu – Ministër i Shëndetësisë.
Por çfarë sanksionesh parashihen për mjekët që mund të rezultojnë pozitiv? Ministri Aliu ende nuk ka detaje.
“Për këtë juristët me siguri kur krijohet ligj ka edhe proces se si duhet të ndjekësh indikatorët dhe nëse nuk janë në përputhje me ligjin normalisht se do të ketë edhe pasoja”, deklaroi Azir Aliu – Ministër i Shëndetësisë.
Kjo ide vjen pasi drejtori i shkarkuar i Neurologjisë, Igor Kuzmanovski, ishte incizuar duke shfrytëzuar lëndë narkotike. Kërkesë për testim anti drogë pati pasur edhe për deputetët në vitin 2019. Grupi i pavarur i atëhershëm i deputetëve nga VMRO-DPMNE-ja patën kërkuar nga Kuvendi që të bëjë test për përdorimin e lëndëve narkotike për të gjithë 120 deputetët ndërsa patën bërë thirrje që këtë ta realizojnë edhe funksionarët e tjerë sikurse gjykatësit, prokurorët, kryetarët e komunave e të tjerë. Kjo kërkesë pati ardhur pas publikimit të një bisede të përgjuar të deputetit të atëhershëm të LSDM-së, Pavle Bogoevski i cili dëgjohej duke porositur lëndë narkotike kokainë.
Paraprakisht policia kishte zbatuar testimin për anti-drogë te disa punonjës. Numri i tyre i vërtetë asnjëherë nuk u kumtua, por disa ishin suspenduar, madje edhe pjesëtarë të njësive elitare. Ky mekanizëm hyri në funksion nga viti 2015 kur të paktën 13 policë nga një aksion i brendshëm i MPB-së, rezultuan pozitiv në testet e drogës. Në vitin 2020 në metodologjinë e re për test integriteti ishte përfshirë edhe kontrolli i domosdoshëm për policët gjatë aplikimit për punë. /Alsat.mk
Lajme nga vendi
Erasmus/ Rreth 7 milionë euro fonde nga Bashkimi Evropian do tu ndahen 270 institucioneve dhe organizatave
Rreth 7 milionë euro fonde nga Bashkimi Evropian do tu ndahen 270 institucioneve dhe organizatave në vend në kuadër të programit Erasmus për vitin 2025. Ministrja e Arsimit, Vesna Janevska tha se interesimi për këtë program është rritur për 100 % kundrejt disa viteve më parë ku ishte vënë në pikëpyetje kredibiliteti i Agjencisë Kombëtare për Programe Arsimore
Evropiane dhe Mobilitet, për shkak të parregullsive të konstatuara në punën e saj. Drejtuesja e Agjencisë, Ana Mihajllov tha se realizimi i projekteve ka të bëj me metodat e reja të të mësuarit dhe mësimdhënies, transformimit digjital dhe demokracisë.
“Këtë vit numri i aplikimeve për projekte të mobilitetit të nxënësve dhe mësimdhënësve në kuadër të Erasmus është rritur mbi 100% krahasuar me vitin e kaluar. Nëse në vitin 2024 ishin parashtruar rreth 150 aplikime, këtë vit janë parashtruar mbi 300. Do të nënshkruhen kontrata për 161 projekte me vlerë rreth 7 milionë euro, kryesisht në fushat e gjithpërfshirjes, metodave të reja të të mësuarit dhe mësimdhënies, transformimit digjital dhe demokracisë, ndërsa do të përfshihen 270 institucione dhe organizata nga Maqedonia”, tha Vesna Janevska, ministre e Arsimit.
“Kemi realizuar mbi 200 takime me shfrytëzuesit potencial të cilët I kemi siguruar se Agjencia Kombëtare po punon me përkushtim, domethënë po forcon proceset dhe kapacitetet në mënyrë që Agjencia Kombëtare të funksionojë normalisht. Jemi në korrelacion të vazhdueshëm me Komisionin Evropian kemi dhe kemi qëllimin e vetëm që ta kthejmë agjencinë në rrugën evropiane aty ku e meriton”, theksoi Ana Mihajllov, drejtore e Agjencisë Kombëtare për Programe Arsimore Evropiane dhe Mobilitet./ Alsat.mk
Mexhiti në takimin me OEMVP: Partneriteti mes komunave dhe biznesit është çelësi i zhvillimit ekonomik
VIDEO/ Plas gallata në kualifikueset e Botërorit, një mi ndërpret ndeshjen dhe portieri Kortua vendoset pas tij
Aliu paralajmëron ndryshime ligjore: Mjekët dhe personeli mjekësor do t’i nënshtrohen testit anti-drogë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
