Sport
VITI 2025 ME NDRYSHIME TË MËDHA NË FFM
Ndrimi i seleksionuesve në të gjitha kategoritë, ndryshime në sistemin e garave Implementimi i sistemit VAR janë ndryshime të mëdha në FFM gjatë vitit 2025.
Futbolli në Maqedoninë e Veriut u karakterizua me ndryshime të shumta duke filluara nga konsolidimi i Këshillit drejtues dhe në të gjitha organet që janë në ingerencat e saja u sollën disa ndryshime në rregulloren e garave, të zvogëlohet 10t-të dhe u implementua sistemi WAR
Ajo që edhe pritej që me zgjedhjen e Këshillit të ri drejtues u bë ndërrimi i seleksionuesve në të gjitha kategoritë, ndërsa së fundit u zgjodh edhe seleksionuesi i ri i reprezentacionit “A” të futbollit. Pra Goce Sedloski është seleksionuesi i 15-të me radhë i reprezentacionit pas mvetësimit të vendit,
pas Andon Donçevskit, Gjoko Haxhievskit, Dragan Kanatlarovskit, Gjore Jovanovskit, Nikola Ilievskit – Xhixhi , Slobodan Santraç nga Serbi, Sreqko Katanec nga Slloveni, Mirsad Jonuzi, Xhon Toshak nga Uells, Çedomir Janevskit, Boshko Gjurovski, Ljubinko Druloviq nga Serbia, Igor Angelovski dhe Blagoja Milevski.
Për seleksionuesin e ri Goce Sedloski është një sfidë tepër e madhe ndeshja e play offit për kualifikim në Botërorin 2026, kundër Danimarkës me 26 mars në “Parken Stadium” të Kopenhagenit , që është një mundësi për të nisur një epokë të të re të sukseseve më përfaqësuesen “A” të Maqedonisë edhe pse do ta ketë shumë rëndë që të përsëriten sukseset e dy seleksionuesve të mëparshëm Igor Angelovski dhe Blagoja Milevski në 10 vitet e fundit
Nën udhëheqjen e tyre, Maqedonia shënoi sukseset e saja më të mëdha në histori – kualifikimin për Kampionatin Evropian 2020, finalen e play-off të Kupës së Botës 2022 dhe vendin e parë në divizionin B të Ligës së Kombeve.
Historia dëshmon se Maqedonia shumë shpesh i ka ndryshuar seleksionuesit e vet, shumica e të cilëve mezi kanë arritur deri më 7-8 ndeshjesh kualifikuese, siç është rasti me Kanatlarovski 8 ndeshje zyrtare, Gjore Jovanovski 4, Ilievski 6, Santraçi 5, Mirsad Jonuz 6, Toshak 4, Janevski 9, Gjurovski 5, Druloviq 5 .Ndërsa me tepër se 10 ndeshje kualifikuese kanë Donçevski 10 ndeshje , Haxhievski 15, Katanec 16, Angelovski 40 dhe Milevski 37 ndeshje kualifikuese. Fitorja më e madhe e reprezentacionit nën Drejtimin e Milevski gjithësesi se është fitorja kundër Italisë në Palermo 1-0, në gjysmëfinalen e paly off-it për kualifikim në Botërorin Katar 2022
Për Milevskin, dy humbjet me nga shtatë gola nga Anglia 7-0 dhe Uellsi 7-1, do të mbahen mend si rezultate zhgënjyese gjatë mandatit të tij. Është interesante se, nëse përjashtohen këto dy humbje me rezultate të thella dhe befasuese, ndërsa periudha nga nëntori 2023 deri në nëntor 2025, janë dy vitet më të suksesshme në historinë e reprezentacionit “A” të Maqedonisë, kur përfaqësuesja jonë arriti serinë më të gjatë rekord në histori prej 14 ndeshjeve zyrtare pa humbje që organizohen nga UEFA, 8 fitore, 6 barazime.
Federatat e lidhura me UEFA-n kanë vendosur të bojkotojnë garat e FIFA-s në shenjë proteste kundër planit për përfshirjen e kapitalit privat në Kupën e Botës, të mbështetur nga Gianni Infantino.
55 Federatat anëtare të UEFA-s kanë votuar unanimisht pro bojkotit të turneve të FIFA-s, në shenjë proteste ndaj planeve të reja financiare të organizatës botërore.
Vendimi erdhi gjatë një takimi urgjent online të UEFA-s, ku u diskutua krijimi i FIFA Forëard Enterprise, një kompani e re me vlerë të parashikuar rreth 20 miliardë dollarë, e cila do të menaxhonte të drejtat komerciale të Kupës së Botës dhe eventeve të tjera të FIFA-s.
Pavarësisht se FIFA ka hedhur poshtë kritikat duke pohuar se Kampionati Botëror nuk është në shitje, shpinën Infantinos, krahas UEFA-së, ia kanë kthyer edhe CONCACAF – Federata e Amerikës Veriore por edhe AFC – Konfederata Futbollistike e Azisë.
Reagimi vje pasi UEFA paralajmëroi se do t`i bojkotojë kampionatet botërore nëse miratohet propozimi I Infantinos, kurse qëndrim të njëjtë mori edhe CONCACAF. Dy konfederatat bashkë kanë 96 vota, derisa për miratimin e iniciativës duhen së paku 106 nga gjithsejt 211 anëtarët e FIFA-s.
Sipas njoftimeve paraparke, federatat kombëtare duhet të prononcohen deri më 19 shtator. Nëse miratohet, grupi i investitorëve do të udhëhiqej nga kompania amerikane “Thrive Eternal” themelues I së cilës është Xhoshua Kushner, vëllai I Xhared Kushnerit, dhëndrit të presidentit amerikan, Donald Tramp.
Shkëndija me fitoren 3-1 kundër ekipit slloven NK Bravo në ndeshjen kthyese të raundit të dytë kualifikues të UEFA Konferencë Liga siguroi kualifikim në raundin e tretë dhe sërish mbetet skuadra e vetme nga Maqedonia e Veriut që do të përfaqësojë vendin në garat Europiane. Në raundin e tretë kuqezinjtë do të përballen me skocezët e Hibernian.
Shkëndija siguroi kualifikimin në raundin e tretë kualifikues të UEFA Konferencë Liga, pasi në stadiumin në Shkup mposhti Bravon e Sllovenisë me rezultat 3:1, duke përmbysur disavantazhin prej një goli 2:1 nga ndeshja e parë në Slloveni.
Kuqezinjtë dominuan takimin që nga minuta e parë, por ishin mysafirët ata që kaluan në epërsi në minutën e 17-të me golin e Jovan Stankoviqit. Shkëndija barazoi shifrat 1-1 në minutën e 36-të me autogolin e Jovan Gashper.
Në pjesën e dytë, Shkëndija nisi më fuqishëme përkrahur edhe denjësisht nga tifozët e pranishëm dhe sidomos pas inkuadrimit në lojë të Endrit Krasniqit dhe më pas edhe të Marko Gjorgjievskit vazhdoi me ritëm të lartë dhe në minutën e 50-të Almir Kryeziu realizoi me kokë pas asistimit të Tambës, duke përmbysur rezultatin në 2:1, ndërsa goli i kualifikimit erdhi në minutën e 88-të, kur Marko Gjorgjievski shënoi golin e parë me fanellën kuqezi dhe vulosi fitoren 3:1 dhe kualifikimin në raundin tjetër.
Pas këtij suksesi, trajneri Artim Pollozhani dha analizën e tij mbi lojën, manovrën taktike dhe qasjen e skuadrës.
“Unë mendoj që ishte një ndeshje e rëndësishme, por që e manovruar jashtëzakonisht mirë nga lojtarët tanë. Dhe për të duhet t’i përgëzoj lojtarët, sepse është merita e tyre. Nuk ishte e lehtë nga fakti që kishim një kundërshtar që mbyllet në bllokun e dytë edhe pret për tranzicione pozitive. Këtë armë të fortë të tyre unë mendoj që e eliminuam në aspektin e asaj që kishim tranzicione të forta negative, kështu që dolëm praktikisht tek ndeshja jonë edhe unë mendoj që kjo është meritë plotësisht e futbollistëve” deklaroi trajneri Artim Pollozhani
Trajneri ka falënderuar edhe mbi shtatë mijë tifozët e pranishëm në tribunat e stadiumit për përkrahjen dinjitoze duke u bërë pjesë e këtij suksesi të madh për simbolin e futbollit shqiptar në Maqedoninë e Veriut
“Patjetër. Unë dua t’i falënderoj të gjithë ata që ishin të pranishëm sot, të gjithë ata që na mbështetën, patjetër edhe “Ballistët”, sepse ata unë i përmenda edhe dje, janë me ne në çdo ndeshje. Por edhe pjesa tjetër e publikut na ka mbështetur jashtëzakonisht shumë. Neve na mbetet t’ua kthejmë me ndeshje të bukura. Tani, çështja e këtyre biletave pa pagesë mendoj që nuk më takon mua, por them se klubi ka bërë një gjest të mrekullueshëm. Shpresoj që të vazhdojë, është kohë pushimesh, por që prezenca ishte e kënaqshme duke pasur parasysh që edhe është larg nga Tetova. Por unë e thashë edhe dje e përsëris edhe sot, që Shkëndija nuk ka tifozë vetëm në Tetovë, ka edhe në qytete të tjera tifozë” tha trajneri Pollozhani
Me këtë sukses, Shkëndija vazhdon rrugëtimin evropian dhe në raundin e tretë kualifikues të UEFA Konferencë Liga do të përballet me Hibernianin e Skocisë. Ndeshja e parë zhvillohet në Edinburg më 6 gusht, me fillim në ora 19:00 ndërsa ajo kthyese më 13 gusht në Shkup po me fillim në ora 19:00.
SHABAN SINANI – TV KOHA
Drejtuesit e Federatës së futbollit në Itali kanë emëruar Roberto Mançinin për trajner të ri të kombëtares
Roberto Mancini është zyrtarisht trajneri i ri i kombëtares italiane. Konfirmimi erdhi përmes kanaleve të rrjeteve sociale të Federatës Italiane të Futbollit, pasi Giovanni Malagò e kishte bërë tashmë të ditur lajmin në një konferencë për shtyp.
Në stafin e tij mund të përfshihen Leonardo Bonucci, Antonio Gagliardi dhe Massimo Maccarone, ndërsa Marco Roccati do të shërbejë si trajner i portierëve.
Mancini do të prezantohet të mërkurën, më 29 korrik, në orën 18:00, së bashku me Claudio Ranierin, i cili do të marrë rolin e drejtorit teknik të kombëtares italiane.
Periudha e “Mancios” në krye të Italisë ishte një sagë epike që nisi si përralla më e bukur dhe përfundoi me hidhërim e një lamtumirë që ende dhemb. Ishte një histori e karakterizuar nga kulme të jashtëzakonshme – viti i paharrueshëm 2021, nata në “Wembley” kundër Anglisë, trofeu i ngritur drejt qiellit dhe një stil loje magjepsës që bëri që një komb i tërë të dashurohej sërish me skuadrën.
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Dyvjeçar nga Kumanova helmohet me tretës ngjyre, dërgohet në Klinikën “Nëna Terezë”
KUJDES MAKSIMAL NGA ZJARRET: NJË SHKËNDIJË MUND TË SHKAKTOJË TRAGJEDI!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
