Lajme nga vendi
SHKUP: VAZHDON RRITJA ENORME E ÇMIMEVE TË BANESAVE
Pavarësisht se çmimet e patundshmërive në Shkup vazhdojnë të shënojnë rritje dhe kanë arritur nivele rekorde, kërkesa për blerjen e banesave gjithashtu mbetet e lartë.
Sipas agjencive që merren me shitje të patundshmërive, çmimi për metër katrorë, në qendër të Shkupit, ka arritur deri në 3.000 euro.
Frosina Usinovska, drejtorja e një agjencioni që merret me shitje të patundshmërinë Shkup, në një deklaratë për TVKoha, tha se në periudhën e ardhshme nuk pritet ulje e çmimeve, pikërisht për shkak të kërkesës së lartë në treg.
Ajo thotë se çdo ditë mbi 200 qytetarë e kontaktojnë agjencinë për t’u informuar rreth mundësisë për blerje të një ose më shumë banesave.
FROSINA USINOVSKA – Drejtore “DORA INVEST”
Vazhdimisht thuhet se do të plasë balona, por për të plasur balona duhet të ulet interesi. Ju them se shumë njerëz, këtë që populli ynë gjen mënyrë si të vijë deri te një banesë me çdo kusht, e shfrytëzojnë dhe për këtë arsye interesi vazhdimisht rritet, përkatësisht ka interes prej vitesh. Edhe po të jetë 800 euro metri katror edhe 1.600 euro, prapë gjejnë mënyrë se si të blejnë. Thonë se do të hanë bukë me kryp e lëng, por banesë për fëmijën tim ose për familjen do ta sigurojnë. Dhe këtë disa njerëz, për fat të keq, e shfrytëzojnë edhe për shkak se ne nuk e kemi traditë të jetojmë me qira, siç është në Perëndim”
Edhepse numri i qytetarëve të interesuar, siç thonë informacionet zyrtare është I lartë, qytetarët me të cilët bisedoi TV Koha, thonë se për të blerë banesë ose shtëpi në Shkup, tashmë është bërë luks dhe ëndërr për ta.
Qytetar – shqip
Këto firmashët ndodhë që munden me marrë, me rrogë apome pension nuk mundesh me marrë banesë. Me ble banesë, me hangër a me nda për banesë.
QYTETARE – MAQEDONISHT
Nuk jam ndonjë eksperte e madhe e çmimeve të banesave, megjithatë, mendoj se është shumë shtrenjtë për një qytetartë thjeshtë që dëshiron të blejë banesë, është shumë e vështirë.
QYTETAR – SHQIP
Po çmimet kanë ndryshuar. Janë si në Perëndim po edhekëtu. Kundër standardit të rrogave që janë në vendin tonë. Për të blerë banesë, vetëm nëse e ke dikë jashtë shtetit që tëtë ndihmojë.
Qytetar – MKD
Nga të sigurojë qytetari mesatarë aq para për të blerë banesë në Shkup. Sot në Shkup të blesh banesë është luks I madh. Nuk mundet me pension ose me rrogë prej 30 mijëose 50 mijë denarësh maksimum të blesh banesë.
Tendencën e rritjes së çmimeve e konfirmojnë edhe të dhënat e fundit të publikuara nga Banka Popullore.
Sipas tyre, gjatë tremujorit të dytë të vitit, çmimet e patundshmërive janë rritur me 13,3 për qind në krahasim me të njëjtën periudhë të vitit të kaluar./Tv Koha/
Barnat antikoagulante apo kundër mpiksjes së gjakut, Enoxaparin, Nadroparin dhe Rivaroxaban tashmë janë të disponueshme në farmaci, duke u mundësuar pacientëve qasje më të lehtë në terapi dhe kosto dukshëm më të ulëta, njoftoi drejtori i Fondit të Sigurimit Shëndetësor të Maqedonisë, Sasho Klekovski.
Sipas tij, barnat Enoxaparin dhe Nadroparin, të cilat deri më tani siguroheshin përmes rimbursimit, tani mund të tërhiqen drejtpërdrejt në farmaci me recetë të lëshuar nga mjeku specialist.
Pjesëmarrja e pacientëve për këto barna do të variojë nga 160 deri në 240 denarë, varësisht nga doza dhe paketimi, në vend të çmimit të deritanishëm prej 1.160 deri në 2.700 denarë.
Një nga markat do të jetë i disponueshëm pa pagesë shtesë, ndërsa për dy markat e tjera do të ketë bashkëpagesë.
Klekovski theksoi se, me kërkesë të qytetarëve, Fondi i Sigurimit Shëndetësor do të vazhdojë rimbursimin e këtyre dy barnave gjatë një periudhe kalimtare, deri më 15 korrik 2026.
Njëkohësisht, Rivaroxaban për herë të parë është përfshirë në listën pozitive të barnave. Për paketimin më të përdorur prej 30 tabletash nga 10 miligramë, i cili deri më tani kushtonte 2.228 denarë, pacientët tani do të paguajnë 160 denarë pjesëmarrje dhe 315 denarë bashkëpagesë, ose gjithsej 475 denarë.
Kjo nënkupton një kursim prej 1.752 denarësh.
Nga 1 janari 2027, Rivaroxaban do të jetë i disponueshëm vetëm me pjesëmarrje, pa bashkëpagesë shtesë.
Sipas Klekovskit, ulja e çmimit referues do të sjellë kursime jo vetëm për pacientët, por edhe për Fondin e Sigurimit Shëndetësor, ndërsa ai paralajmëroi edhe zgjerimin e mëtejshëm të listës pozitive të barnave.
Çdo barnatore duhet të ketë ilaçet që janë në listën pozitive dhe që lëshohen me recetë, theksoi sot drejtori i përgjithshëm i Fondit për Sigurime Shëndetësore, Sasho Klekovski.
Ai u bëri thirrje qytetarëve që të denoncojnë në Fond, përmes email-it informativ ose formularit të informacionit, nëse një barnatore refuzon të japë një ilaç me recetë.
“Çdo ilaç në listën pozitive duhet të lëshohet me recetë”, shtoi Klekovski, duke u përgjigjur në pyetjen e gazetarëve pas konferencës për shtyp në Qeveri, në të cilën prezantoi zgjerimin e ri të listës pozitive me tre ilaçe të reja antikoagulante – enoksaparinë, nadroparinë dhe rivaroksaban.
Ndryshimet në Kodin Zgjedhor kanë përplasur partite parlamentare.
Për deputetët e VLEN ky është një nga proceset më të rëndësishme në kuadër të Agjendës Reformuese dhe afrimit të vendit me standardet evropiane.
Ata e vendosin theksin te votimi I diasporës që ishte premtim parazgjedhor i diasporës, që ishte premtim parazgjedhor i VLEN-it.
BEKIM QOKU – VLEN
“Për ne, është me rëndësi që diaspora të ketë mundësi të votojë, qoftë përmes votimit elektronik, qoftë përmes formave të tjera të sigurta, transparente dhe të besueshme, në përputhje me standardet ndërkombsatare. Diaspora jonë nuk është vetëm për remitenca. Ajo nuk mund të kujtohet vetëm kur dërgon para, kur investon në vendlindje apo kur ndihmon ekonominë e vendit. Ajo është pjesë e pandashme e shoqërisë sonë dhe doemos duhet të ketë mundësi të jetë pjesë edhe e vendimmarrjes”
Nga BDI rikujtojnë se çdo ndryshim dhe plotësim i Kodit Zgjedhor duhet të miratohet me konsensus ndëretnik dhe ndërpartiak.
RINA AJDARI – BDI
“Me keqardhje ju njoftoj se bisedimet e sotme për miratimin e ndryshimeve në Kodin Zgjedhor dështuan. Dhe dështuan jo përfajin e të gjithëve, por për shkak të tërheqjes së disa partivepolitike. BDI nuk do të pranojë zgjidhje të njëanshme qëcenojnë barazinë politike, përfaqësimin e drejtë dhe besimin nëprocesin zgjedhor”.
Lidhja Shqiptare e Ziadin Selës kërkon që diasporës t’I mundësohet votimi edhe në zgjedhjet lokale.
ZIADIN SELA – LSH
“Ju bëj thirrje nëpërmjet kësaj pres konference, që të gjithëaktorë politik shqiptar, të bashkohet te ideja e LSH për votimine diasporës, pa e hequr nga zgjedhjet lokale”
Ndryshimet dhe përmirësimet e Kodit Zgjedhor aktualisht janë bllokuar përmes amendamenteve nē Komision, ndërkaq problem për opozitën maqedonase mbetet votimi elektronik i diasporës I kërkuar nga VLEN që në takimin e fundit të liderëve./Tv Koha/
TRE ILAÇE KUNDËR MPIKSJES SË GJAKUT NË LISTËN POZITIVE!
Fondi apelon: Denonconi barnatoret që refuzojnë ilaçet me recetë
NDRYSHIMET NË KODIN ZGJEDHOR – “MOLLË SHERRI” VOTIMI I DIASPORËS!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
