Connect with us

Lajme nga vendi

Moti sot i vranët, me reshje të lehta shiu dhe erëra të forta

Published

on

Sot, moti në Maqedoninë e Veriut do të jetë i ndryshueshëm me vranësira dhe reshje të herëpashershme shiu. Në pjesët perëndimore priten reshje më të dendura, ndërsa temperaturat minimale do të lëvizin nga 6 deri në 11 gradë dhe maksimalet nga 15 deri në 22 gradë Celsius. Do të fryjë erë mesatare deri e përforcuar nga drejtimi jugperëndimor, e cila në disa zona perëndimore mund të arrijë mbi 80 kilometra në orë.

Në Shkup parashikohet mot i ndryshueshëm me periudha të shkurtra me diell. Kah fundi i ditës ka mundësi për shi të dobët, ndërsa era do të fryjë e dobët deri mesatare, me raste e përforcuar në disa pjesë të luginës.

Të premten, moti do të jetë kryesisht me diell dhe relativisht i ngrohtë, me temperatura maksimale nga 17 deri në 23 gradë, ndërsa në pjesët perëndimore pritet erë e përforcuar deri e fortë nga perëndimi.

Lajme nga vendi

Çmimi i arit bie në nivelin më të ulët që nga shtatori i vitit 2025

Published

on

Çmimi i arit vazhdon të shënojë rënie dhe të mërkurën arriti nivelin më të ulët që nga shtatori i vitit 2025, pasi investitorët reaguan ndaj pritjeve për një rritje të mundshme të normave të interesit në SHBA, përcjell TV21. Në tregjet botërore, ari u zhvlerësua për rreth 3.2 për qind, duke zbritur në 3.726 dollarë për ons, ndërsa gjatë ditës preku edhe nivelin prej 3.720 dollarësh.

Shkaku kryesor i rënies janë pritjet se Banka Qendrore Amerikane (FED) mund të vazhdojë rritjen e normave të interesit për të frenuar inflacionin. Kjo e bën arin më pak tërheqës për investitorët, pasi ai nuk sjell fitim nga interesat. Presion shtesë mbi çmimin ka ushtruar edhe forcimi i dollarit amerikan, i cili ka arritur nivelin më të lartë në 19 muajt e fundit. Kjo e bën arin më të shtrenjtë për blerësit që përdorin valuta të tjera.

Rënia ka përfshirë edhe metalet e tjera të çmuara. Argjendi është zhvlerësuar për rreth 5 për qind, në 45.03 dollarë për ons, ndërsa rënie kanë shënuar edhe platini dhe paladiumi. Analistët vlerësojnë se lëvizja e mëtejshme e çmimeve do të varet kryesisht nga vendimet e FED-it dhe sinjalet për politikën monetare në periudhën e ardhshme.

Continue Reading

Lajme nga vendi

Petrova për integrimin e Maqedonisë: Marrëdhëniet e fqinjësisë së mirë janë pjesë e kushteve për integrimin në BE

Published

on

Ministrja e Punëve të Jashtme e Bullgarisë, Velisllava Petrova thotë se për të gjitha vendet që janë kandidate për përfshirje në Bashkimin Evropian, marrëdhëniet e fqinjësisë së mirë janë pjesë e kushteve për anëtarësim.

“Bullgaria nuk ka pasur kurrë një qëndrim për atë se cilin vend do të mbështeste. Ka kushte dhe ato janë të deklaruara qartë. Për të gjitha vendet që janë kandidate për përfshirje në Bashkimin Evropian, marrëdhëniet e fqinjësisë së mirë janë pjesë e këtyre kushteve. Ky do të jetë një fakt dhe një qëndrim që ne do ta mbrojmë, pavarësisht nga qeveria në Serbi apo në Republikën e Maqedonisë së Veriut”, tha në një konferencë për shtyp ministrja e Punëve të Jashtme e Bullgarisë, Velisllava Petrova, në përgjigje të pyetjes nëse Bullgaria do ta mbështesë pa kushte Serbinë në rrugën e saj evropiane dhe cili është qëndrimi i kolegëve të saj evropianë kur diskutojnë me ta integrimin evropian të Maqedonisë së Veriut.

Petrova theksoi se çështja e Maqedonisë po ngrihet gjithnjë e më pak nga kolegët e saj evropianë, që do të thotë se, siç thotë ajo, qëndrimi i Bullgarisë është i qartë dhe i kuptuar nga kolegët e saj.

Sipas fjalëve të saj, do të ishte një mundësi e humbur për Maqedoninë nëse nuk e përdor këtë “puls për zgjerim dhe zhvillim”, i cili është i dukshëm në vende si Mali i Zi, Shqipëria, Moldavia dhe madje edhe Ukraina, për të hapur më shumë kapituj të negociatave dhe për të ecur përpara në rrugën drejt anëtarësimit.

“Shpresoj që në Republikën e Maqedonisë së Veriut do të gjendet vullneti politik që kjo të ndodhë”, tha Petrova./Telegrafi/

Advertisement
Continue Reading

Lajme nga vendi

LAMM apelon për vozitje të kujdesshme në rrugët e lagështa, rrezik nga rrëshqitjet e dheut

Published

on

Komunikacioni në rrugët shtetërore të Maqedonisë së Veriut zhvillohet pa pengesa, por në disa segmente rrugët janë të lagështa. LAMM apelon për vozitje të kujdesshme për shkak të rrezikut nga rrëshqitjet e dheut dhe rënia e gurëve.
Në rrugën rajonale R1208, në segmentin Kalishtë – Radozhdë, pranë Elen Kamenit, nga 17 nëntori është vendosur regjim i përkohshëm i komunikacionit, ku automjetet qarkullojnë në mënyrë alternative në një korsi të përbashkët.
Intensiteti i komunikacionit jashtë zonave urbane është mesatar, ndërsa në pikat kufitare, nga pala maqedonase, nuk ka pritje të gjata për hyrje dhe dalje nga vendi.
LAMM rikujton se nga 15 nëntori është në fuqi detyrimi ligjor për posedimin e pajisjeve dimërore në automjete, i cili do të zgjasë deri më 15 mars 2027, pavarësisht kushteve të motit.
Drejtuesve të automjeteve u rekomandohet përshtatja e shpejtësisë dhe respektimi i sinjalizimit rrugor, veçanërisht në segmentet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë, ku ekziston rreziku i rrëshqitjeve të dheut dhe rënies së gurëve.
Continue Reading

Më të lexuarat